..
مسكت حنان جوالها وهي ترجف واتصلت على وجدان وتركتهم
وجدان: هلا حنان
حنان ببكى: وجدان تكفين تعالي خذيني
وجدان: شفيك ؟ يلا الان جايتك
قفلت حنان وهي تبكي ووجدان كانت خايفه عليها وناظرت سعود الي تو جاي
وجدان: ودني بيت حنان الان
سعود: شفيك ؟
وجدان: اقولك بطريق بس لازم نروح الحين
ركبو السياره وقالت وجدان لسعود كل شي وسعود تضايق وصلو البيت ونزلت وجدان
وشافت حنان تبكي داخل سيارتها اول م شافت وجدان حضنتها وبكت بصوت عالي
حنان: وجدان مقدر اتحمل تكفين م ابي اكون معهم بالبيت احس اني مخنوقه
وجدان: بسم الله عليك شصار
حنان: ضربتني وكسرتني قدامهم وتبي ابوي يتصل عليكم ويلغي الملكه
وجدان: صاحيه هي ؟؟؟ بنتها انتي
حنان: لا مهي امي هذي وحده م اعرفها تلبستها كنت اشوفها واقفه مع خواتي بزواجهم وتفرح لهم وانا واقفه بطريقي
كان سعود يسمع وحس بقلبه يتقطع عليها ولا يقدر يسوي شي
وجدان: امسحي دموعك وتعال معي
شافت سعود ونزلت راسها م تبي تبكي زياده بشوفته
ركبت وراء وحطت راسها على النافذه وتطالع الطريق وهي تبكي بهدوء
كان سعود ساكت م نطق بشي قاعد يفكر يبي يضمها ويطمنها بس مو يحس انه مربوط
وجدان: الحين بجبلك احلى مشروب واخليك تروقين
نزلت وتركتهم لحالهم سعود يناظر الدركسون وهي تناظر الطريق
سعود: حنان
ناظرته صاد عنها
سعود: صدقيني ان شوفتك كذا تقطع القلب وكاره فكرت اني م اقدر اضمك وأطمنك بس اوعدك اني معك ومارح أخليك
دمعت حنان من كلامه ولا ردت كمل يقول
سعود: ابيك لي وانا عند كلمتي وصدقيني رح اعوضك على كل دمعه نزلت منك
تنهدت حنان تمسح دموعها دخلت وجدان ومعها قهوتين و موهيتو رمان
مدته لحنان واخذته بهدوء وجلسو يتمشون بسياره وحنان كانت فاتحه النافذه ومغمضه عينها تحس بنسمات الهواء الي تدغدغ وجهها
حنان: ابي ارجع البيت
وجدان: متأكده تبين اجي انام معك ؟
حنان: لا م يحتاج
رجعت البيت وشافته هادي دخلت غرفتها وقفلت الباب وجلست تبي تنام
تذكرت انها بكره بتكون زوجته واسمه بيكون جنب اسمها
