..
جلست جنبه وم ردت عليه ترك الابتوب وقرب منها ومسك يدها
سعود: على موضوع مسك الخط ؟
تركت حنان يده وقالت بضيق
حنان: سعود اخر مره ربي نجاك وانا خايفه عليك
سعود: تعالي معي طيب والله م اسرع
حنان: سعود انت من جدك بتمسك خط ؟ تدري كم ساعه على م توصل ؟
سعود: كم ؟
حنان: ١٠ ساعات .. خن نروح بطياره وبس
م رد سعود عليها وسحبت اللابتوب
حنان: يلا احجز لي ولك
سعود: اخر كلام ؟
حنان: اي احجز
اخذ لابتوبه وحجز لهم
سعود: مافي الا على اليوم الثاني مو معهم
سكتت تفكر حنان بتقعد معه يوم كامل بالبيت لحالهم ضربت كتفه وعبست
حنان: كله منك لو انك حاجز لنا معهم الحين وش بتقول لهم ؟
سعود: عادي سهله بس تقعدين معي يوم علشان لا احرق المطبخ
حنان: خدامه اطلب اكل
سعود: اعلم عليك امي
حنان: خلاص بس انت ترقعها لهم
ابتسم سعود ونزل تحت لامه و ابوه
سعود: يمه حنان عيت امسك خط
نوير: زين م سوت فيك
عبدالله: مجنون تمسك خط ١٠ ساعات
سعود: طيب هذا مو موضوعي راحت علي تذاكر اليوم وحجزت بكرا مع حنان
عبدالله: هي وافقت تروح معك ؟ ولا غصبتها ؟
سعود: اقنعتها م عليك بس بنضطر نقعد هنا يوم
نوير : ايه مافي مشكله علشان م تحرق المطبخ وتعاونك
باس راس امه وابوه رجع يطلع لها وهز لهز على صامت ضحكت
حنان: وافقو؟
سعود: اي م اعترضو اساس
حنان: طيب الحين على هذا الجلسه اشتهيت سبانش لاتيه
سعود: في تطور عقبال م تسوي لنا v60
حنان: حياتي احلامك ورديه مره
سعود ابتسم يوم سمعها تقول له حياتي ومسك جواله يطلب لهم
حنان: طيب متى رح يروحون خالتي والباقي ؟
سعود: بعد تقريبا ثلاث ساعات .. كلمت اخوك يشحن سيارتك لجده
جت القهوه وراح سعود يستلمها ورجع يعطيها
حنان: شكرا حبي
مسكت فمها بصدمه ابتسم سعود وقرب منها
سعود: عيدي وش قلتي
