«بسم الله الرحمن الرحيم»
« رنوة أمل »
« آمنه عادل »
«اللهم صلِِّ على محمد وآل محمد »
~~~~~~~~~~~~
<لاتنسون التصويت والتعليق>
===========
دوريني بلكي تلگيني رسالة بين
كتبچ بلكي ذكرى فوك حايط
و صدفة حايطكم يذكرچ
===========================
«أمل»
قطع تفكيري من سمعت صوت خطوات وراي
مسحت ادموعي بسرعه ودرت عليه..
ــ اگعد يمچ عادي؟
ــ عادي...
گعد يمي وحط رجليه بالمي بقينه الخمس
دقايق محاوطنه الهدوء..
جاد: چان كلام جعفر حقيقي...
أمل: يا كلام؟
جاد: مادري...
چان يحچي وميباوع عليه..
جاد: اني كل ما اشوفچ اريد ابقى بقربچ
ما اريد ابتعد...
احب اتشارك وياچ بكل شي..
وجودچ بحياتي حولني الأنسان يحب كل شي
بعد ما چان يكره وجوده بالحياة بحد ذاته..
باوع بعيوني وگال..
ــ اني صدگ احبچ...
انصدمت من حچاها صح اني چنت حاسه
بهذا الشي بس ما توقعته بهاي السرعه
يجي يگولها..
ــ ما مضطره تجاوبين هسه..
طلع رجليه من المي ودخل جوه واني بعدني
مصدومه..
معقوله الحب يخلي شخص مجرم
يتغير؟
شخص يكره كل شي من حوله
باللحظه ينسى كل شي كرها وميفكر
غير بالحب..
دخلت الغرفتي وهم الدنيا كله فوگ راسي
بعد يومين تبدي امتحانات نص السنه..
وتصير عطله اسبوعين اروح بيها للعراق
ومن تخلص ارجع..
بقيت طول هاي اليومين اني گاعده ادرس
ما اختلط بيهم وحتى اكل ما اسوي..
اسويلي لفات جبن او بيض واصعد فوگ اكل..
اليوم الثالث رحت للجامعه من وقت اشتريت
قهوة وگعدت اراجع واجه امجد گعد يمي
مدلي ايده بيها كيكه..
امجد: اكليها..
ــ شكراً..
اخذتها من ايده وفتحت الكيس بديت اكل..
ــ انتم عدكم امتحانات؟
ــ اي.. چا وحد؟
ــ قريت؟
ــ لا؟
ــ يااا.. چا شلون تنجح؟
ــ بالغش..
