اخطاء الماضي

Part 3 { هدوء ماقبل العاصفه }

الكاتبه : Zahraa                { اخطاء الماضي }
______________________&&&&&&&&&&
نارين : بده الظابط يسأل زهراء بعد ماتأكد من صحه كلامها
كيان : قبل ماسألج اريد اسمع منچ الصراحه وبس  متفقين
زهراء : متفقين
كيان : تعرفين او عندچ فكره منو ممكن يسوي الشي يلي شفتي
زهراء : هزيت راسي بنفي / لا مااعرف
كيان : زين شنو سبب خوفج من الدم
زهراء : نزلت راسي وكوه احاول اسيطر على الرجفه الي صارت بجسمي / بسبب حلم  يجيني بين فتره وفتره الحلم عباره عن دم لذا اني اخاف من الدم
كيان : ماتعرفين السبب
زهراء : لا
كيان : زين اذكري يمكن شي صاير بطفولتج
زهراء : اجيت للميتم وعمري 7 سنوات واقل من هذا العمر مااذكر شي
كيان : زين اقاربج وين
زهراء : مااعرف
كيان : تعرفين منو جابج على الميتم
زهراء : المديره كالتلي انو الي جابني رجال / اعتقد انو حار بأمري ظل يمسح بوجه شويه وكام من مكانه واجه كعد يمي وعلى وجه ابتسامة خفيفه حچه بنبره حنان اول مره اسمعه
كيان : راح استلم هاي القضيه حته اذا ماعندي اي دليل راح اشتغل عليه واريدچ تتطمنين وتعتبريني اخوچ وتوثقين بيه راح اساعدج علمود اعرف منو هذا الي يريد يخوفچ
زهراء : حط ايده على ايدي الترجف وظل يفرك بيه وكمل كلامه
كيان : لتخافين اوك محد راح يقترب من هذا البيت ابد اوك
زهراء : هزيتله راسي واحس فراشات بگلبي /  مراح اخاف
كيان : عفيه
زهراء : گام من المكان وقبل مايروح انطه رقمه لنارين ووصاها عليه اجت نارين كعدت يمي تسألني
نارين : شلون صرتي هسه
زهراء : حاسه بأمان / درت وجهي على المطبخ وشفت ولد يباوع بي الولد جان يمان بس بوكته ماجنت اعرفه سألت نارين عليه وجاوبتني بابتسامه
نارين : هذا صديقي يمان حاجيتلچ عليه من  قبل مو
زهراء : اي حاجيه عليه بس شيسوي هنا
نارين : مو من اجيت وشفت حالتچ اتصلت عليه لان ماعرفت اتصرف وحدي
زهراء : ها زين اجاي يسوي هسه
نارين : رايحه اشوفه / رحت يمه وشفته يباوع بشك ويتلمس الأشياء الموجودة بالمطبخ صحت بصوت مسموع / يمان / التفت يباوعلي
يمان : ها راح الظابط
نارين : اي راح بس شسوي هنا
يمان : شوفي وره الطباخ
نارين : رحت وشفت كتابه مكتوبه بالدم بس شلون مالاحظناه
_ بدايه النهايه _
نفس الجمله بس منو جاي يسوي هيچ جاي افكر وسمعت صوت زهراء ورانه
زهراء : شسوون
نارين : درت وجهي عليه واني احاول اخفي الكتابه بس هيهات تعبر على زهراء اجت اقتربت مني حاولت الهيها واطلعها من المطبخ / زهراء حبيبتي انتي كلش تعبانه تعالي وياي للغرفه حته ترتاحين
زهراء : شكيت بتصرفاتهم وخرت نارين وشفت الكتابه هالمره كدرت اتمالك اعصابي كعدت على ركبه رجلي واتلمست الدم واشوفهم شلون خايفين عليه عصرت ايدي حيل وغمضت عيوني حته ماافقد وراه رحت غسلت ايدي وكعدت بالصاله ايديه على راسي وافكر اجت نارين يمي
نارين : لا تهتمين اني ويمان راح نتصرف
زهراء : نارين
نارين : ها حبيبتي
زهراء : چان هنا
نارين : منو
يمان : اي دخل واحنه مشغولين وي الظابط كتب الكتابه وطلع كل هذا سوا بدون صوت
نارين : شباب فهموني منو هو
زهراء : مااعرف
نارين : مرت لحظات الوضع جان متوتر وكله ساكته اول مره اشوف يمان بهاي الجديه حاولت اقطع هذا الصمت الي طال / شباب عوفو التفكير انتو تعبانين لازم ترتاحون
يمان : واني هم لازم ارجع للبيت لان الوقت تأخر
زهراء : راح يمان وراحت وراه نارين علمود اتوصله للباب اني هم كمت لغرفتي علمود انام بس وين اكو نوم بعد الي صار ظليت بفراشي اتگلب منا ل 3 يله كدرت انام كعدت ثاني يوم صحيح جنت تعبانه بس جان لازم ادوام بدلت عالسريع وطلعت لگيت نارين همين تريد تروح بس من شافتني انصدمت وسألتني 
نارين : شنو زهراء راح تداومين
زهراء : لازم اداوم البارحه فاتتني محاضرات مااريد اليوم هم تفوتني
نارين : اذا تعبانه لا اداومين اني اجيبلج المحاضرات
زهراء : لا مابيه شي اكدر اداوم
نارين : بكيفج
نارين : طلعنه اني وزهراء ورحنه سوه للجامعه بس اصلاً ماجان الي خلگ احضر محاضرات لذا بوجهي رحت للكفتريا وهناك شفت يمان لازم موبايله ومركز بب حيل كعدت وسلمت عليه / هلوو يمان شلونك اليوم
يمان : هلا بيج الحمدلله زين انتي شلونج
نارين : واني هم زينه
يمان : زهراء شلون صارت
نارين : اليوم احسن وحته داومت بالجامعه
يمان : اي احسن لاتخليه تحبس نفسه بالبيت بحجه الخوف
نارين : اي هو لازم تطلع من هاي الحاله
يمان : زين وموضوع الشغل مافتحتي وياه
نارين : لا والله لهسه ماگايلتله عود من ارجع للبيت اگللها
يمان : اوك
نارين : انتبهت عليه رجع للموبايل استحيت اسأله بس الفضول موتني / يمان على شنو جاي تباوع / ابتسم وفر الموبايل عليه وشفت الصوره مال البارحه طلع مصور الجمله مال بدايه النهايه  / بعدك لهسه تفكر بيه
يمان : لج البارحه ماكدرت انام من وره التفكير
نارين : زين اني عندي شي مُمكن يفيدنه / رفع راسه عليه وجاوبني
يمان : شنو هاذه الشي
نارين : طلعت موبايلي وطلعت المحادثه مال البارحه هو اخذ الموبايل يقره وعلامات الصدمه على وجه حجيت كلشي بالتفصيل باوعلي
يمان : نارين شلون تروحين بلكي خطفج سوالج شي انتي ماتخافين
نارين : شسوي كلامه حيرني وخله عقلي يروح قبل رجليه
يمان : زين ليش ماراويتيه للظابط البارحه
نارين : خفت الموضوع يكبر
يمان : زين انتي كلشي مالگيتي بالبيت 
نارين : لا اصلاً بسرعه طلعت / ظل يمان صافن شويه يگلب بالموبايل بعدين رفع راسه وابتسملي وبسرعه گام من الكرسي وهو يحاجيني
يمان : نارين تعالي وراي
نارين : وين يمان
يمان : عندي فكره
نارين : رحت وراه وهو يمشي سريع مبين كلش متحمس طلعنه من الجامعه وصعدنه بسيارته حاجيته وهو جاي يشغل السياره / يمان وين رايحين
يمان : لبيت صديقي
نارين : شنسوي
يمان : يساعدنه
نارين : شلون
يمان : اصبري
نارين : رجعت ظهري لوره وهو يسوق تقريباً وره ربع ساعه وصلنه لبيت صديقه نزلنه سوه وهو دك الجرس شويه وطلع صديقه سلموا على بعض ودخلنه جوه وسمعت صديقه يهمس باذنه منو هاي ويمان رد عليه صديقتي
سمير ( صديق يمان ) : كول ابو الشباب محتاج شي
يمان : اي والله اجيت علمود اطلب منك شغله
سمير : اطلب غالي والطلب رخيص
يمان : اشكرك والله ما تقصر
نارين : انطا الموبايل وفهمه شنو يريد
يمان : باوع سمير هذا الرقم اريدك تهكره وتعرفلي موقعه تكدر
سمير : اي طبعاً اكدر بس انتضرني اجيب الحاسبه واجي
يمان : تمام
نارين : راح سمير واني كعدت يم يمان علمود احاجي / يمان صديقك هذا توثق بي
يمان : طبعاً اوثق بي لاتخافين واوثقي بيه
نارين : اوثق بيك / اجه صديقه وبده يشتغل على الحاسبه ويجيب منا ويودي منا وساعه يله خلص اخذ يمان الموقع منه وتشكره وطلعنه من البيت صعدنه بالسياره وسألته / ها وين الموقع
يمان : بفندق ----- بالمنصور
نارين : زين حددنه موقعه شلون راح نعرفه
يمان : خل نوصل والله كريم
نارين : وصلنه للفندق ونزلنه من السياره رحنه على موظف الاستقبال وسألناه اذا اكو غرفه فارغه
موظف الاستقبال : حظكم حلو عدنه هواي غرف اليوم
يمان : ليش شكم واحد مقيم هنا
موظف الاستقبال : بس ثلاثه
يمان : زبن شنو ارقام الغرف المحجوزه
موظف الاستقبال : الغرف 305  306 307 
يمان : شكراً
موظف الاستقبال : العفو
نارين : صعدنه للطابق الثالث وصدك حظنه حلو لان الغرف وحده قريبه من الثانيه وكفنه بالممر وطلعت موبايلي ودكيت على الرقم ظلينه نستمع بكل تركيز الا ان سمعنه الدكه بالغرفه رقم 306 رح يمان للغرفه ودك الباب اول دكه مارد دكينه ٣ مرات وماكو رد ففتحنه الباب وانصدمنه من لگينه الباب مفتوح دخلنه للغرفه وماكو اي احد رحنه للحمام وهم محد لگينه بس الموبايل شويه واجتني رساله من رقم ثاني ومحتوى الرساله

_ لا اتعبون نفسكم شكد ماصرتو اذكياء احنه سابقيكم بخطوه
كعدت على الچربايه ويمان كام يفتر بالغرفه
نارين : يمان اكو شخص جاي يراقبنه وهو وره كلشي
يمان : سهله اذا يراقبنه راح تصير المهمه اسهل
نارين : شلون
يمان : مو هسه هسه لازم نرجع للبيت والعصر اني اخابرج
نارين : اوك / طلعنه من الفندق بخيبه امل بس يمان ما مستسلم وجاي يفكر رجعني وقبل ماانزل گلي
يمان : نارين اليوم حاجي زهراء على موضوع الشغل خلي حياتنه تمشي طبيعيه و لا تحسيين زهراء بشي باجر خلي تجي للمقابله
نارين : تمام / نزلت من السياره ودخلت للبيت قدلت ملابسي ورحت للمطبخ طبخت الغده جانت الساعه 12:00الظهر حطيت الاكل على النار ورحت فتحت موبايلي اشوف اخر الاخبار منا للساعه 2:00 استوه الغده واجت زهراء سمعت صوته اول مادخلت للصاله
زهراء : نارين يمته اجيتي
نارين : ب 12
زهراء : شو من وكت
نارين : راسي كام يوجعني ورجعت
زهراء : رحت يمه وايديه على راسه / شبي راسج
نارين : لا تخافين الم وراح مابيه شي
زهراء : اخذتي علاج
نارين : اي اخذت وصرت زينه
زهراء : بست راسه وكلتله / لتعبين نفسج هذا كله ياخذ من صحتج 
نارين : وانتم لاتعبين نفسج
زهراء : اوك حبيبتي
نارين : يله روحي بدلي على مااصب الغده
زهراء : تمام / رحت لغرفتي بدلت ملابسي وساعدت نارين بتحضير الغده تغدينه وسألتني نارين الموضوع الي جنت ناسيته
نارين : زهراء هم لگيتي شغل
زهراء : يا عزه ناسيه موضوع الشغل وابو الايجار گال بس هاي الايام النه شلون بينه
نارين : زين زهراء تعرفين صديقي يمان مو
زهراء : اي اعرفه
نارين : شوفي اخو يمان عنده شركه ويحتاج سكرتيرة ويمان محاچي اخو وگايله انو هو يعرف بنيه تريد الشغل
زهراء : يعني يقصدني
نارين : اي فانتي شتگولين موافقه على الشغل لو لا
زهراء : يمته متفقين يمته گايلين
نارين : اني گلتله
زهراء : زين شركه شنو شركته
نارين : اجهزه اكترونيه
زهراء : ماادري
نارين : شنو ماتدرين زهراء ماتلگين احسن من هاي الفرصه واحنه محتاجين الشغل هذا
زهراء : حچيچ صح
نارين : يعني اخابره واگله موافقه
زهراء : ترددت شوي وحسيت كلبي ناغزني بس ماعندي غير حل لازم اشتغل هزيت راسي بالموافقه خلصنه غده واحنه ساكتين كمت لغرفتي علمود انام نمت وكعدت العصر سبحت وبما انو ماعندي شغل كعدت ادرس لان باجر اول امتحان من الامتحانات النهائية منا للليل تعشيت ونمت واتفقت نارين وي يمان انو المقابله باجر
___________&&&&&_________&&&&&___
زين : جنت جاي اشتغل على الحاسبه الساعه 10:00 بليل ودخل عليه علاوي ومبين عليه التعب سألته وهو يذب نفسه على الچربايه / ها شنو الاخبار
علاوي : كلشي تمام حطيت الحطب بالمكان الصح
زين : وباريس
علاوي : طبت للملعب برجله
زين : ههههههه ماتدري شنو منتظره
علاوي : اي والله ماتدري
________ يتبع _______ يتبع _______ يتبع ____