اخطاء الماضي

Part 4 { تحقيق }

هولمز يگول :
{ احذف المستحيل والاحتمال المتبقي مهما كان ضئيلاً فهو الحقيقه }
الكاتبه : Zahraa { اخطاء الماضي }
__________________________________
زهراء : كعدت الساعه 7:00 الصبح علمود اجهز نفسي للمقابله بدلت ملابسي وبما انو اليوم    عطله لذا ف نارين نايمه طلعت من البيت الساعه 7:30 ورحت للشركه وصلت الساعه 8:00 دخلت للشركه بس جنت شويه متوتره وخايفه ومااعرف اي شي شفت موظفه بالطريق فصحته / يبنيه
زينب : ها
زهراء : عفواً ادكدرين ادليني على غرفه المدير
زينب : انتي الموظفه الجديده
زهراء : اي
زينب : تعالي
زهراء : رحت وياه وصعدنه بالمصعد البنيه وجها بشوش ومبتسم سألتني عن اسمي
زينب : شنو اسمج
زهراء : زهراء
زينب : اني زينب
زهراء : عاشت الاسامي اسمج حلو
زينب : حبيبتي اسمج الاحله
زهراء : وصلنه للطابق الي بي غرفه المدير راحت زينب دكت الباب واني وياها رد المدير من جوه
_ اتفضلوا
زهراء : دخلنه للغرفه چان مدنك ويشتغل على اللابتوب سلمت / السلام عليكم / رفع راسه ورد عليه
علي : وعليكم السلام تفضلي
زهراء : كعدت على الكرسي المقابيله اما زينب استأذنت وطلعت وهو بعده يشتغل على اللابتوب انتظرته تقريباً خمس دقايق وسد اللابتوب ورفع راسه يحاچيني
علي : انتي الي تريدين تشتغلين عندي
زهراء : اي
علي : اسمچ
زهراء : زهراء
علي : عمرچ
زهراء : 20 سنه
علي : زهراء مشتغله بشركات قبل عندچ خبره
زهراء : لا
علي : اممم اوك يمته تبلشين
زهراء : اني هذا الشهر عندي امتحانات ومااگدر اجي
علي : شلون يعني اني عندي شغل واريد شخص يدير لياه
زهراء : هو شهر واحد
علي : شوفي راح تشتغلين الشغل من البيت هاي الفتره الى ان تخلص امتحاناتچ وتبدين تشتغلين هنا مفهوم
زهراء : اوك
علي : خلص لعد سجلي رقمي
زهراء : ردلي الرقم واتصل على شخص علمود يجي شويه واجت نفس البنيه الي جابتني لهنا
علي : زينب علميها على شغلنا
زهراء : اخذتني زينب وبدت تعلمني على كلشي مرت نص ساعه وهي تعلمني وفهمت شغلي زين شويه وصاحه موظف ثاني وراحت كمت من مكاني ورحت افتر بالشركه تمشيت شويه وبعدين قررت ارجع وبالطريق اصطدمت  بشخص رفعت راسي وشفته مره مااعرف اوصف عمرها بس جانت كلش  حلوه اباوعله وهي جاي تعدل اوراقه وتستغفر ومن رفعت راسه حسيته انصدمت ركزت بوجهي وهمست
_ مرام
زهراء : شنو / حسيته انتبهت على نفسه ورجعت طبيعيه بس هالمره ملامح وجها حاده
_ منو انتي وشعندچ هنا
زهراء : اني زهراء موظفه جديده / رفعت حاجبه وجاوبتني
_ موظفه
زهراء : اي / هزت  راسه وراحت مااهتميت للموضوع ورجعت لمكاني گلت لزينب اني راح اروح وهي سلمت  عليه طلعت من الشركه واجرت تكسي ورجعت للبيت شافتني نارين وهي توه طالعه من الحمام
نارين : شو راجعه من وكت
زهراء : خلصت المقابله واجيت
نارين : شصار ماصار سولفيلي
زهراء : سولفتله كلشي صار وهي بس تستمع وبعدين خلص اليوم طبيعي وبدت الامتحانات  وفوك ضغط الامتحانات چان ابو الايجار يلح علمود الفلوس وكوه مصبرته اما شغلي فچنت اشتغل من البيت
نارين : بيوم الامتحان الاول رحت للجامعه كيوم طبيعي امتحنت وخلصت الامتحان ومن طلعت من القاعه دك عليه يمان وجاوبته
يمان : ها نارين خلصتي امتحان
نارين : اي خلصت وين انته
يمان : بالسياره طلعي بسرعه
نارين : اوك جايه / نهيت المكالمه وطلعت من الجامعه صعدت بسياره يمان وگلتله / ها وين راح نروح
يمان : للفندق
نارين : الي رحناله ذاك اليوم
يمان : اي
نارين : شنسوي
يمان : نكمل تحقيقاتنه
نارين : شغل يمان السياره وانطلقنه للمنصور ورحنه لنفس ذاك الفندق نزلنه من السياره ودخلنه للفندق حاول يمان اشكد مايكدر انو يسأل بطريقه غير مباشره 
يمان : اء عفواً اكدر اسأل عن شي اذا متصير زحمه
موظف الاستقبال : تفضل اسأل
يمان : قبل أربع أيام تقريباً اجه شخص حجز الغرفه رقم 306
موظف الاستقبال : اي نعم شنو الاستفسار الي عندك
يمان  :اكدر اعرف منو هو
موظف الاستقبال : بس الي حجز الغرفه رقم 306 چانوا عائله مو شخص واحد
نارين : ظلينه واحد يباوع بالثاني معقوله هذا الشخص مستعد يورط عائلته ويا تشكر يمان من عده وطلعنه من الفندق صعدنه بالسياره يمان يفكر واني منتظره منه جواب شويه ووصلتني رساله على الواتساب من نفس الرقم الغريب ومحتوى الرساله چان
_مامليتو وانتو كلشي مامستفادين _
راويت الرساله ليمان الي مبين عليه مل من هاي اللعبه
يمان : نارين خلي نوكف تحركاتنه فتره
نارين : وبعدين
يمان : نتناقش بكلشي وره الامتحانات
نارين : اوك مثل متريد / شغل السياره وحركنه رجعت للبيت واني التفكير ماكل راسي حته دراستي مااكدر اركز بيه تعبت وقللت مقابلاتي وي يمان اما زهراء تدرس وتشتغل من دون ماتعرف شي وحياته هدوء تماماً
_______________________________
* بعد مرور شهر 
زهراء : خلصت الامتحانات وچان لازم اداوم بالشركه واليوم اول يوم الي كعدت الصبح من وكت وكلي نشاط بدلت وتريكت اما نارين چانت نايمه لان اول يوم بالعطله طلعت من البيت واخذت تكسي ورحت للشركه ولان هيه بعيده عن بيتنه استغرقت نص ساعه ووصلت واول مادخلت لگيت بوجهي زينب كالعاده بابتسامته الحلوه سلمت عليه وودتني على مكتبي بديت بشغلي وحسيت بتعب بعد ماچنت معطله كل هذا الوقت قررت ارتاح شويه مديت روحي شويه واجت زينب
زينب : ها شلونه الشغل
زهراء : تعب
زينب : تجين وياي راح اروح اشتري كهوه حته اصحصح شويه
زهراء : اي اجي  لان اني هم اريد كهوه
زينب : مادام هيج لعد الكهوه على حسابي كترحيب بيچ
زهراء : لعد اني ما اگول لا / رحنه اني وزينب وشربنه الكهوه چنه واكفين نضحك ونسولف ومرت علينه ذيچ المره الي التقيته اول مااجيه خزرتني وراحت درت وجهي على زينب وسألته / زينب منو ذيچ المره الي مرت من عدنه
زينب : ذيچ المستثمره الجديده
زهراء : همممم  / واني اگول ليش هيج رافعه خشمها چانت كلساع تمر من يمنه بس احنه بسرعه كملنه وكلمن راحت لشغله 
________________________
نارين : چنت جاي البس ملابسي ودك عليه يمان جاوبته / الو
يمان : ها نارين جاهزه
نارين : اي جاهزه انته وينك
يمان : خمس دقايق واوصل
نارين : اوك منتظرتك / سديته من عنده وكعدت انتظره وماگال جذب خمس دقايق ووصل طلعتله وصعدت بالسياره انطاني سماعه وخلاه بأذني دليته بالبيت الي رحتله بيوم الحادثه نزلت من السياره وهو ابتعد شويه مثل مامتفقين دخلت للبيت الي عباره عن حطام ودخلت بي ظليت واكفه اتأمله وسمعت صوت يمان من السماعه
يمان : نارين
نارين : ها يمان ماشفت شي
يمان : شفت واحد ملثم طب للبيت وراج 
نارين : يمان فدوه تعال بسرعه اخاف يأذيني
يمان : جايج لتخافين
نارين : حسيت اكو حركه بالبيت وانو اكو شخص غيري موجود هنا شويه وسمعت يمان وراي
يمان : خطتنه جانت انو اني ونارين نفترق حته نشوف منو هاذه الي جاي يراقبه وبمجرد مانلقي القبض عليه راح نكدر نستجوبه وفعلاً دخل ذاك الشخص وره نارين واني دخلت وراه وشفته يباوع عليه ويراسل طلعت المخدر من جيبي وبدون مايحس خليته على حلكه بس تعبني يله فقد الوعي لان جان يقاوم بقوه وگع بالكاع واني رحت اشوف نارين صحت عليه من وره
نارين : درت وجهي عليه ورحت يمه الابتسامه شاگه حلكي / نجحت الخطه
يمان : هزيتله راسي باي وهي راحت علمود تنزع اللثام من وجه ظلت تباوعله هواي سألته / ها نارين تعرفي
نارين : لا
يمان : امشي ناخذه
نارين : يله / شاله يمان وخلاه بالسياره صعدت بالسياره وفوراً سألته / يمان وين راح ناخذه
يمان : اجرت شقه وراح نحطه بيه
نارين : حرك السياره ووصلنه للشقه جانت صغيره بس كافيه نزلناه ودخلناه للشقه ربط يمان ايديه واني رجليه وشدينه عيونه واخير شي قفلنه الباب وطلعنه كعدت بالصالة ويمان راح يسوي الكهوه اجه وانطاني كوبي شربته ووديت الكوب للمطبخ رجعت للصاله وحاچيت يمان / اگلك يمان اني لازم اروح بما انو احنه خلصنه الجزء الاول من خطتنه
يمان : اوك لعد تعالي اوصلج
نارين : وصلني يمان للبيت وراح دخلت بدلت ملابسي وكعدت صافنه وين اروح ضجت حيل لا زهراء لا دراسه شفت الساعه 10:00 الصبح كلت خل اكوم اسوي الغده كمت سويت الغده وعلى ماخلص صارت الساعه 12:00 رحت كعدت على موبايلي وب 12:30 اجت زهراء بدلت ملابسه وصبيت الغده تغدينه اني وياه وهي راحت نامت اما اني رحت غسلت المواعين ونظفت واول ماخليت راسي على المخدة علمود ارتاح اجاني صوت الموبايل يدك فتحت خط واجاني صوت يمان
نارين : ها يمان
يمان : شلونج
نارين : زينه الحمدلله شنو اكو تطورات
يمان : الرجال لهسه ماكاعد بس موبايله يدك من 11:00 لهسه
نارين : ورديت
يمان : لا عود اريدج تجين ونشوف شنو نسوي سوه
نارين : يمان خلينه نسويلهم فخ ونلزمهم
يمان : شلون
نارين : باوع خلي نجبر هذا الي لزمناه يحدد موعد لقاء وياهم وهيج نكدر نلزمهم
يمان : وبرئيج راح يوافق
نارين : يوافق لاتخاف اكو الف طريقه نجبره بيه
يمان : تمام يعني ماارد على الاتصالات هسه .
نارين : لا لترد خلي يكعد ونتفاهم ويا
يمان : اوك
نارين : يله اني راح انام نلتقي بعدين
يمان : تمام تصبحين على خير
نارين : تصبح على خير / نهيت الاتصال ويا ونمت
________ يتبع _______ يتبع _______ يتبع ____
مشهد من البارت القادم
_ اعترفي
_ بشنو اعترف
_ انتي القاتله
_ لا
_ اعترفيييي جاي اگول اعترفي
_ لاااااااااااا / انضربت راشدي من الشخص المجهول وگعني بالگاع رجع شالني من شعري واني ابچي واصرخ راواني الصوره الي خلتني