( بسم الله الرحمن الرحيم)
الكاتبة:
شدن الغزاليه
عداوة العاقل أقل ضرراً من مودة الجاھلِ.
ــــــــــــــــــــــــــــــــــــــــــــــــــــــــ
انصدمنا من الصوت اللي سمعناه التفتت واني ارجف من الخوف فتحت عيوني على وسعهن من شفت روان ايديها بيهم دم ولازمه بـ ايدها حديده جبيره صرخت بصوت عالي: روان شنو هاي وين جنتي احجي شصار
روان: حبابه تعالوا شوفوه يمكن مات مجنت متقصده والله بس وخرته عني
التفتت على كُميل و مُهره عرفت انُ روان قتلت الولد دخلت بحيره شنو ممكن نكدر نسوي ما اعرُف حجيت بـ صوت رايح من الخوف: شنو راح نسوي
كُميل: معليجن بس اسكتن هسه راح اتصل على الشرطه تجي
فتحت عيوني على وسعهن: شنو تتصل بالشرطه اكيد ياخذون روان
كُميل: لا ما راح ياخذون روان راح نكول قضيه الدفاع عن النفس
مُهره: بس اكيد راح ياخذون روان اهل روان ما عندهم هيج سالفه خلي نترك السالفه ونمشي
كُميل: انتِ ثوله متتوقعين راح يجون يفتشون ترى اكيد بصماتها موجوده على الولد
دنكت راسي على روان همست بـ هدوء: روان غيري ملابسج بسرعه
روان: ليش؟
: اشش اسكتي
عفتهم ورحت للولد المضروب لزمت الجرح مالته اديه صارت بيهم دم مسحت علىالجادر مالت روان و نوب نفشت شعري
درت وجهي عليهم وعطت بـ روان الي صافنه: ما تغيرين ملابسج البسي الجادر مالتي نضيف
باوعت عليهم صافنين نطق كُميل بـ هدوء: راح تشييلين التهمه بدال روان؟
: هزيت راسي بـ اي
وانتضرت روان على ما غيرت ملابسها اخذت الحديده مسحتها من البصمات وخليت بصمتي عليها باوعت لـ كُميل ونطقت: اتصل بالشرطه
كُميل: اخخ من الافكار الي براسج
قبل لا يتصل بيهم رفعت اديه لـ مُهره وحجيت: انطيني تلفوني اني اتصل وانتُ روحو منا
مُهره: للا للا ما اتركج والله سديم راح تروحين بـ داهيه
: معليج مُهره بس اتصلي وانطيني وروحو
بقيت ربع ساعه اقنع بيهم يتركوني بالكوه قبلو اتصلت على الشرطه وصرت ابجي اشهك واحجي وياهم دليتهم على العنوان نص ساعه واجو باوعت عليهم شفايفي ترجف تقرب الضابط جبير شوي وحجه وياي: شصار شنو هذا الدم والجثه
: سيدي اجينه اني، واخواتي نزور احنه ساكنين هنا جديد
هز راسه وطلب مني اكمل كلامي صرت اشهك بـ صوت عالي: ضيعت اخواتي وصرت ادور عليهم طلعت من العتبتين عود ارجع للبيت اتصلت عليهن ميردن اجيت لهنا مضيعه شفت هذا الولد وسئلته على الطريق فـ كلي اطلعي منا ومنا اجيت امشي محسيت غير اديه حاوطن شفايفي وخصري وصار يسحبني للبيت هذا مجان كدامي غير هاي الحديده سحبتها وضربته بـ كل ماعندي قوه وكع وصار ينزل منه دم هوايه معرفت شسوي اتصلت عليكم
أنت تقرأ
مكر العيان
General Fictionلا أحد يعلم مدى مرارة أن تعيش في ذلك الخوف، وأن يكون الخوف أمامك في كل مكان في كل شيء ، لا أحد يعلم ماذا يعني أن تتمنى الطمأنينه. عندما يتحدى الحب الخوف و الارتباك عندها تفتعل حرب العقل والقلب مـكر العيان " خـيالـيه"
