(بسم الله الرحمن الرحيم)
مكـر الـعيان "
شـدن الغـزاليه"
مَا قِـيْمَةُ المرْءِ إلَّا طِيبُ جَـوْهَرِهِ
لا مَا حَوَاهُ مِنَ الأَمْوَالِ و الحَسَبِ
ــــــــــــــــــــــــــــــــــــــــــــــــــ
مُهجه: كعدت الصبح اركض ننضف بالشقه ونرتب
اليوم يجون العالم تعبت هلكت وهم محابه هذا الزواج
بس ما اكدر احجي واكسر فرحة ميمي
حضرنه الضيافه وكعدنه ننتضر
اندكت الباب وسمعت صوت خاله نور ولمار
ركضت روان تفتح الباب استقبلتهن تضحك وتسولف
سلمت عليهم وكعدنه نرتب وتعلمنه خاله شنسوي
اجن البنات اخذن مُهره يرتبنها
طالعه تجنن لابسه فستان احمر طويل ونص ردن
ومكياج هادء مكياج معبالك مكياج ولابسه گلاده بيها
حمامه والخرزه لزنها ازرق كاعده متوتره وتفرك بـ اديناتها سمعنه صوت الباب طلعت مُهره للمطبخ
وراحت خاله فتحت الباب تسلم عليهم
والحجيه اكلت خاله اكل بالسلام كله
شلونج حبيبه شخبارج عساج طيبه ومن سوالف الحجيات كعدن سويه بالاستقبال ورحنه كعدنه يمهن
و مُهره جابت الضيافه واجت تقدم الحجيه
جتي هيه و ثنين بنات ومريه جبيره هم
وحده من البنات معاجبها العجب والثانيه لا تضحك
ومبتسمه طول الوقت سديم كعدت تتعرف عليهن
و مُهره خلصت الكعده كُلها ساكته بس مبتسمه
وروان ولالي يضحكن وخاله تتناقش ويه الحجيه
الحجيه: مُهره بعد صارت النه جنتنه مو ام كُميل
خاله: والله النه الشرف نناسبكم بس تعرفين الأصول لازم البنيه توافق وناخذ رأيها
الحجيه: يمه مهيره شني ما موافقه؟
تلبكت مُهره وتوترت اكثر لاحظت هذا الشي عليها خايفه ومتردده اخذت نفس طويل وأردفت: الي تشوفو مناسب خاله اني رأيي من رأيي خالتي نور
ابتسمت الحجيه ورجعن يسولفن بـ تفاصيل العقد والشوفه الشرعيه دارت وجهه عليه ونطقت بـ ابتسامه بشوشه ومريحه للنضر: اكيد يمه سامعات بالشوفه الشرعيه وهذا حق يا يمه حتلو بالدوام شايفها لازم يكعدون لوحدهم ويتفقون على حياتهم قبل كلشي
واني اشوفن ماكو احسن من اليوم يجي حسوني يتفق وياها علمود عكبه نسوي حفلة عقد ينحلف بيها وليدي وبنيتي يستاهلون عرس ينحلف بي
ابتسمت خالتي ودارت على مُهره تحجي وياها: ها ماما موافقه؟
مُـهـره...
اليوم كُلشي غريب كرهت نفسي لان انحطيت بـ هذا
الموقف خاصةً مدري منين طلعولي بالشوفة الشرعيه
هزيت راسي ودخلت للغرفه انتضر الحـسن يجي
شوي وانفتح الباب رفعت راسي لكيته واكف ومبتسم
سلم وكعد على طرف جربايتي يعني يبعد عني شي متر دار وجهه عليه وأردف: اول شروطي تبطلين تلبسين اللون الاحمر
أنت تقرأ
مكر العيان
General Fictionلا أحد يعلم مدى مرارة أن تعيش في ذلك الخوف، وأن يكون الخوف أمامك في كل مكان في كل شيء ، لا أحد يعلم ماذا يعني أن تتمنى الطمأنينه. عندما يتحدى الحب الخوف و الارتباك عندها تفتعل حرب العقل والقلب مـكر العيان " خـيالـيه"
