( بسم الله الرحمن الرحيم)
وكُنتُ أُطعمهُ قمحَ فُؤادي براحتي ..
عجبًا كيفَ باتَ يُرضيهِ فُتاتُ الطريقِ!
مـكر العـيان "
شـدن"
ــــــــــــــــــــــــــــــــــــــ
مـن يـعلم الاقدار؟
لا احد
اذاً كيف علمت ما حدث معي؟
يقولون من احب شخصً احساسه يجذبه نحوه
هل تحبني؟
أجل
لماذا فعلت بي كُل هذا انا اعلم المحب لايؤذي محبوبه؟
لا اعلم ما حدث
لقد اؤذيتني هل هذا الحُب بالنسبة لك؟
سوف اعوضكِ عن كُل ما حدث
لكن العوض لايُعيد الروح المُتعبه؟
مُهـجه..
اليـوم كعدت مقـرره ابدي بدايه جديده بالداوم مالت
المحل بـعد ما تعرضت لاكثر من موقف محبيتهم
بدلت عـلى السريع وطلعت أجرت تكسي للمحل دخلت
بـ كُل هدوء اليوم يجي مدير للمحل جديد
اشتره المحل ومنعرفه اليوم اول يوم اله خايفه منه مدري ليش مع انُ ما اعُرفه رتبت المحل ترتيبات بسيطه صورت الملابس نشرت بـ حساب المحل اجن الموضفات الوياي لان المحل مو صغير بالعكس جبير ومقسم اني على قسم الحفلات والرسمي والبنات على الكاجول واكو بنات على قسم الجنط والاحذيه
بلشنه بالشغل وزبائن تروح وتجي وغير طلبات النت
انفتح باب المحل بـ هدوء ورزانه دخلو ثنين شباب
مرتبين من لبسهم عرفتهم اصحاب المحل
رفعت راسي اتمعن بـ وجهم الحلو اجتي عيني على
واحد شايفته قبل واعُرفه بس نسيت منو صفنت اكثر
عسى اعُرفه تجاهلت الموضوع من تقدمو علينه صافحو البنات وتعرفو عليهم واجو يمي
رفعت راسي عليهم ابتسمت بـ هدوء قدم واحد ايده يسلم عليه
ابتسمت بـ هدوء ورفعت ايدي على كتفي وأردف بـ خجل: اعذرني أستاذ مايصير اصافح رجل اجنبي عليه
ضحك الي ويا وأردف بـ ضحكه: بس احنه عراقين
ابتسمت بـ هدوء: مو هذا القصد بس حرام اسلم على شخص غريب
هزو روسهم وابتسمو أردف هذا الي لابس رسمي اسود: السلام عليكم أنسه
: وعليكم السلام أستاذ
واحد صار يباوع على الثاني تحسهم مشبهيني بـ شخص همس ابو الرصاصي: اني اسمي علي التقي
بس كلها تكلي تقي وانتِ شنو اسمج
: تشرفت بيك أستاذ عاشت الاسامي، اني اسمي مُـهجة
: الي الشرف أنسه
الي لابس اسود بس واكف ما حجه اي شي هز راسه وراح وتقي بقى واكف يضحك روحه حلوه اترخصت منه ورجعت لشغلي ارتب واصور القطع وادزهم للمندوبه تنشرهم خلص دوام مالتي لبست جنطتي وكفت اتصل على السايق الي ياخذني
كُل يوم بس ميرد راح عن بالي سيارته عاطله
وصرلي كم يوم اجي تكسي تنهدت بـ تعب ما احبهن
اخاف منهم طلعت للشارع انتضر تكسي تمر منا
لمحت المدير وتقي واكفين يم سيارتهم يضحكون
ابتسمت عليهم عدلت تنورتي جان الهوى عاليه كُلش
وتنورتي ستن فـ تلطش كرهت الساعه الي لبستها بيها
درت وجهي الي صار احمر من القهر عضيت شفايفي
وعيوني دمعن رحت كعدت على الرصيف رفعت راسي اباوع للسماء تجنن صفنت بيها بلعت ريگي بـ قهر
شيصير لو اهلي موجودين ميصير شي
بس اذا رجعت سئلت نفسي اكثر
راح يكون جوابي
جان سديم متزوجت بـ هل عمر ولا مُـهره انخطبت لشخص اعُرفها متريده ولا اني كعدت اشتغل ولا هنه اشتغلن وتعبن ولا تعذبنه بالميتم ولا تركنه بغدادنه ومنطقتنه وصديق طفولتي جان هسه بعدنه عايشين بـ بيتنه الدافيء ويانه ماما وبابا يلحك يتصالح ويه اهله ويعرفنه عليهم ويحبونه
نهضت نفسي بـ كسره رتبت تنورتي عن التراب وعبرت الشارع بدون اي احساس ذكريات الطفوله مرت عليه دموعي تنزل بـ قهر صعب يكون ماعندك سند الهضيمه الي بداخلي صعبه كممت فمي بـ ايدي اكتم شهكاتي عبرت السايد الاول بدون اي وعي من عبرت السايد الثاني نسيت وين اريد درت. وجهي على المحل تنهدت بـ قهر بيه صرخه قويه صرت اكرص كف ايدي علمود اهدء بس مداكدر اعرُف الاقدار بيد الله بس كلبي يوجعني فراق الاهل صعب
اخذت نفس طويل وعبرت تناسيت هذا الشارع عام وبي هوايي سيارات خاصةً هذا السايد مسرعين هواييي اجتي سياره تمشي سريع ناحيتي بلعت ريكي
بـ خوف لابيه ارجع ولا اتقدم رجليه ماتن غمضت عيني عايشه بـ دوامه صعب اطلع منهاا صرخت بألم من حسيت بـ قوة الضربه حسيت دم نزل من خشمي وراسي باوعت على الناس تجمعت عليه بنات المحل رمقت الناس بـ اخر نضره اليه قريت الشهاده و وكعت محاسه على نفسي اسمع اصواتهم بس ما اكدر احجي
انتهى وياي كُلشي كأنما عايشه بـ ضلام اغمى عليه وكُلشي انتهى
أنت تقرأ
مكر العيان
Fiction généraleلا أحد يعلم مدى مرارة أن تعيش في ذلك الخوف، وأن يكون الخوف أمامك في كل مكان في كل شيء ، لا أحد يعلم ماذا يعني أن تتمنى الطمأنينه. عندما يتحدى الحب الخوف و الارتباك عندها تفتعل حرب العقل والقلب مـكر العيان " خـيالـيه"
