( بسم الله الرحمن الرحيم)
الكاتبه:
شدن الغزاليه
ﻧﺤﻦ ﺃﺣﻴﺎﻧﺎً ﻧﺴﺘﺤﻖ ﻛﻞﻣﺎ ﻳﺤﺪﺙ ﻟﻨﺎ ، ﺣﺘّﻰ ﻧﻔﻴﻖ ﻣﻦ ﻏﺒﺎﺋﻨﺎ ﻗﻠﻴﻼً ..
ـــــــــــــــــــــــــــــــــــــــ
سديم: روحي ترجف من الالم فتحت عيوني واني احس روحي راحت صرت اتلفت بـ انحاء الغرفه محد جان يمي مشيت بـ روح هزيله امشي واتعثر بسبب ضيق التنفس الي صار عندي فتحت الباب على الخفيف وطلعت افتر بالممر اريد شخص اعرفه ماكو استغربت كُميل وين اجتي ممرضه لزمتني ونطقت: شدسوين طالعه ميصير توخرين الاوكسجين تعاي ارجعي
هزيت راسي بـ لا وكملت مشي وهيه تحجي وياي تقنع بيه ارجع للغرفه التفت عليها وأردفت بـ تعب: زوجي وين اكيد بي شي ؟
الممرضه: هذا الي اسمه كُميل؟
هزيتلها راسي بـ سرعه بس جوابها صدمني راح الحماس وكلشي من كلامها
: زوجج هنا بالمستشفى
: شبيي شصاير وينه هسه
: مصار حبيبتي بس هم تأذه شوي بالحروق
نزلن دموعي وأشرتلها تاخذني اله مشينه شوي اول موصلنه للغرفه شفت اهله واعمامه كلهم يم الغرفه صرت اتلفت ادور خاله اول مشفتها بجيت بـ صوت عالي اجتي تحضن بيه وتهدي أردفت واني اشهك: خاله كُميل كُميل شبي وينه اريد اشوفه خاله
: اشش يمه بس اسكتي هسه يدخلوج لتبجين كُميل ميقبل
حضنتها وصرت اشهك بـ صوت اعلى ربع ساعه مرن احسهن سنين خفت عليه كلش هواي تقربت يم الباب مالت الغرفه انتضر الدكتور يطلع اول ما انفتح الباب تقرب بـ لهفه على الدكتور وأردفت بـ خوف: عادي ادخل اشوفه اني زوجته خلي ادخل وينه هسه شبيي متأذي موو؟
ابتسم الدكتور ونطق: لتخافين بنتي مابي شي هيه طلقه بسيطه وشلناها بس متكدرين تدخلين
باوعت عليه ورجعت ابجي وهمست بـ صوت رايح من البجي: لا عفيه خلي ادخل هسه ما اكدر والله
صرت اشهك بـ قوه وباوعت على خاله اترجاها بـ نضراتي اجتِ يم الدكتور تحجي ويا وتقنعه وافهمه نوعاً ما قبل باوعلي وهز راسه وأشرلي ادخل وأردف بـ هدوء: مو تحجين هواي ماريد اي ضوضاء يمه تمام
هزيت راسي ولبسوني ملابس عمليات خاف تصير بكتيريا وهيج اول مدخلت صارت عيني عليه بجيت بـ صوت اعلى وتقرب يمه خاليله اوكسجين كعدت قريبه عليه بوسته بـ عيونه وراسه بوست اديناته همست يم أذانه: كُميل اكعد مالي غيرك، اني بوسط غربه لو تركتني اكعد فدوه اروحلك
بقيت ربع ساعه يمه منتضرته يكعد دنكت على مستوى وجهه بالسديه ومثلت النوم.
ما اعرُف شكد مر وقت بس مليت رجعت اكعد بي وامسح على شعره على عيونه كلشي
رجع بالي حنيته خوفه عليه سوالفه
مصارلنه هواي متعرفين بس جان اكو مكان بـ روحي فارغ وبس كُميل كدر يسد الفراغ الي بيه بوست عيونه وبقيت شفايفي على عينه اليمنى وهمست: اكعد يا أمان الروح
فزيت بقوه وفرح من جاوبني: يبعد أمان الروح اخخ بويه شلون صرتي
ابتعدت عنه وصرت ابجي اكثر وابوس بوجهه نسيت زواجنه على الورق وملازم اقوي علاقتي حتى ما اغلط
رفع ايده يمشيها على وجهي بـ.حنيه و همس بـ صوت خافت ورايح: سمسم شصار عليج.
أنت تقرأ
مكر العيان
Genel Kurguلا أحد يعلم مدى مرارة أن تعيش في ذلك الخوف، وأن يكون الخوف أمامك في كل مكان في كل شيء ، لا أحد يعلم ماذا يعني أن تتمنى الطمأنينه. عندما يتحدى الحب الخوف و الارتباك عندها تفتعل حرب العقل والقلب مـكر العيان " خـيالـيه"
