CHIRAG E ZINDAGI

Chapter 6

uss din zawiyar offtime py khara phir Kafi dair irha ko dekhta Raha
aj uss k Liye din bohat aham tha kyun k aj uss NY irha sy pehli Baar baat ki thi
wo Ghar gya tou uss ki phopo lounge mein bethi thi
"ao zawiyar''uss ki mama NY kaha.
zawiyar azlan ko dekhnay Laga,azlan NY ussy janay ka ishara kiya.
zawiyar AKe apni mama k sath beth gya
"Chalo jaldi sy ja k uniform change krlo phir Khana kha lena,phir tumhari phopo tumhe lenay ai Hain un k sath chalay Jana''
"phopo kyun ai Hain??''
"tumhe lenay,wo tumhe apnay sath apnay Ghar ly jai gi''
"lekin mujhe school Jana hai''
"school mein application dy dega azlan Kuch hi hafto ki BAAT hai''
"lekin.....''
"zawiyar ab Kuch or nhi Suno gi utho ja ke bag pack kro apna''
zawiyar khara huva or apni mama or phopo ki taraf dekhnay Laga
Kuch dair hogi tou zawiyar neechay nhi aya tha uss ki mama NY azlan ko ussy bulanay neechay bheeja
azlan NY halkay sy zawiyar ka darwaza khatkatya
zawiyar NY koi jawab na diya azlan darwaza khul k ander Chala gya wo neechay bed k konay k sath betha huva tha
azlan khamoshi sy uss k pas gya
"kya baat hai champ sad lag rhy ho''
"mujhe phopo k sath nhi Jana bhai''
"lekin wo AP sy Pyaar krti Hain''
"Pyar tou wo AP sy b krti Hain lekin apko tou nhi ly k jati''
"haan lekin mein Ap k jitna cute tou nhi hoon na''
"bhai mujhe nhi jana AP un sy keh dein''
"zawiyar wo har Saal tumhy ly k jati Hain or Tum hi tou kehtay ho k wo tumsy mama sy b zyada Pyaar krti Hain phir iss Baar kya huva??''
"bhai mein ab school chod k kahin nhi Jao ga,wo keh rhi Hain k Kuch months k Liye leky jaye gi mein itna time Kaisay guzarao ga''
"zawiyar Tum Saaf kyun nhi kehtay Jo kehna Chahtay ho''
"bhai mein bas ye hi keh rha hoon''
"k uss larki k bagair nhi Raha ja skta hain na??''
zawiyar ki saans Kuch dair thaam Gai
''bhai baat uss larki ki nhi hai....''
azlan NY muskra k ussy dekha
"mohabat krna bura nhi hai,uss ko sir py sawar krna bura hai''
"bhai sir py sawar nhi kr rha''
"acha chalay Jao wo mohabat hi kaisi jis mein inteezar nhi''
''bhai mein nhi jaskta AP''
"zawiyar mohabat mat kro wo nhi milay gi na tou mar Jao gy''
"koi Kisi k Liye nhi Marta,haan wo na mili tou ye shikwa zaroor rhy gy k wo nhi mili''
"acha Ek deal krty Hain Tum uss k Liye letter likho or mein uss ko dy doon ga lekin. sirf Ek shart py k Tum phopo k sath z Jao gy''
"bhai lekin AP ko pata kaisay chalay ga wo Kon hai??''
"wo tou Tum batao gy''
"mein apko nhi batao ga''
"kyun?Tum mujhe apna bhai nhi mantay??''
"bhai manany mein or razda man NY mein farq hota hai,mein apko letter likh Deta hoon or AP Ali ko dy dijiye ga wo ussy dy dy ga''
"theek hai''
"or AP phopo sy kahain gy k bas Ek haftay SE   zyada nhi ly k jaye gi''
"acha bhai keh Deta hoon,ab ap uth jaye or neechay jaye warna mama mujhe zinda nhi choday gi''
"chill krein AP ko nhi Kuch kehti un ka Roop bas mujh py hi chalta hai''
"kyun k AP chutay Hain,or wo AP sy bohat Pyaar krti Hain or insan jis sy Pyaar krta hai uss sy hi gussa hota hai''
"hmm i know''
ye kehtay hi wo uniform change krny Chala gya.

[irha]
irha Ghar jatay hi kamray mein bhaag gi uss NY apni dairy likhna shoro krdi
"aj pata Chala k Kuch cheezay jism mein jaan dal deti hain,or uss ki awaz b un awazo mein sy Ek hai aj us NY mujh sy baat ki uss NY Sirf itna kaha k 'mein ny miss sy kaha tha k mein aka ly jata miss NY aesay hi apko bhej diya uss k in Chaand ilfazo ny jaisay Meray Dil mein Ek ajeeb jazba paida krdiya uss ki wo awaz Jo duniya ki sari awazo ay achi hai mein uss ki khoobsurt ilfaaz ko Raat din sun skti hoon Kash wo Meri Kismat mein ho or mujhe din Raat uss ki awaz Sunna naseeb ho mein Roz ye baat Tay kr k jaati hoon k ab uss ki taraf dekho gi nhi lekin wo itna Pyaara hai k Meri ankhein uss ki taraf khudi Mayil hojati Hain mein uss ko din Raat dekhna chahti hoon filhaal Haal tou mein kal uski ankhon mein dekho gi or uss ki ankho sy pocho k mujh sy mohabat hai b k nhi?? wo mujh sy mohabat krta hai wo kahay ya nhi uss ki ankhein Bata deti hain or sab sy achi feeling tou tab hoti hai jab mein uss ki taraf dekho or wo already Meri taraf dekh rha ho tab Meri dharkan jaisay thaam si jaati hai Kya yehi mohabat hai?k us ko dekhti hi sab bhool k Sirf uss k baray mein sochnay lag jati hoon,ab tou kitab b kholo tou lagta hai har lafz wo hai Kisi b cheez mein Dil nhi lagta har tarf Wohi Nazar ata hai,kya har cheez mein wo hai,ya har cheez wo hai?? kya wo b Meray baray mein aesa hi feel krta hai??pata nhi lekin uss k chahny na chahny sy Kya HOTA hai mohabat Ek tarfa b tou hoskti hai"
''irha!mama neechay Bula rhi Hain tumhe''sameeha k kamray mein dhakil hotay hi uss NY takiye k neechay dairy chupa li
"waisay kya huva hai aj kal Tum school sy atay hi seedha kamray mein ajati ho,Kafi gum sum rehnay lagi ho''
"Kuch nhi sameeha,wo papers start honay walay Hain iss Liye bas parhai p bohat concentrate kr rhi hoon,Kuch or karnay ka waqt hi nhi milta''
"haan ab iss school mein b tou position kaim krni hai AP ny''
"jee haan''
"Chalo ab neechay ao jaldi warna Chachiko lagay ga AP ko Pyaar hogya hai''
"haan wo tou pata nhi kya hi sochti Rehti Hain'' uss NY sameeha k peechay jatay huva kaha
neechay gy tou uss ki mama lawn mein uss ki Chachi k sath bethi huvi thi
"ao irha betho,beta Kahan gum Rehti ho??ab Nazar hi kum kum ati ho''
irha k jawab denay sy pehlay hi uss ki Chachi bol uthi ''tumhe ye nai naksh samjh nhi arhy?Saaf Saaf keh rhi hoon apni iss larki pe Nazar rakho talashi liya kro iss ki school sy anay par hoskta hai koi khaat wageera mil jay''
irha sameeha ki taraf dekh k zoor sy hasi
uss ki mama NY uss ki taraf ghoor k dekha
''chachi zamana badal gya soch nhi badli Bhala phone k zamanay mein khaat Kon likhta hai?''
sameeha NY muskra k uss ki taraf dekha
"bhabi dekh rhi Hain AP kis Tarah AP ki beti jawab dy rhi hai mujhe''
"Chachi AP tou bura hi mann Gai mein Bhala AP ko aesa kyun Kaho gi Mazak kr rhi thi mein tou bas''
"irha bas kro'' uss ki mama NY ussy ghoor k dekha
wo ultay kadmo wahan sy wapis Chali Gai.
Ek dam jaisay uss ko Kuch sojha tou wo wapis ai "Chachi Sameer bhai kaisay Hain wo Lahore kab arahay Hain??''
"theek hai or ussy bhai mat Kaha kro tumhari umer ka hi hai wo''
"chachi lekin hai tou Meray bhaiyo jaisay,bhai hi kahoon gi na unhy waisay AP NY bataya nhi kab wapis arahay hain Sameer bhaiii''
"Kuch mahino baad'' uss NY irha ko Nazar andaaz krty huvy kaha
irha ye keh k wahan sy Chali Gai sameeha uss k peechay Chali Gai
uss NY irha ko dekh k kaha "irha,tumhe pata hai chacho tumhe Sameer k Liye Pasand krty Hain phir b Tum ussy bhai bolti ho''
"haan tou Kya bolo wo Chahtay Hain kyun k ye un ki marzi hai Meri nhi hai''
"or baba??''
"baba,baba ki Wohi marzi hai Jo Meri hai''
"tumhe Sameer itna bura kyun lagta hai??''
"mein NY kab kaha k mujhe Sameer bura lagta hai mujhe wo as a cousin theek lagta hai lekin Jo soch Chachi or chacho k zahain mein hai wo mein honay nhi doon gi''
"Jo b hai bohat straight forward ho Tum Chachi tumhe Kuch kehti nhi Hain lekin soch samjh k bola kro''
"hmm ''
(zawiyar k Ghar)
zawiyar apna bag pack kr chuka tha or wo apni phopo k sath ja rha tha jab azlan NY ussy kaha
"zawiyar wo letter tou dy dou Jo uss larki ko dena hai''
"bhai mein uss ko abhi koi letter nhi Dena Chahta mujhe nhi pata wo Meray baray mein kya Rai rkhti hai iss Liye mein abhi iss feeling ko Zahir nhi kr rha''
"theek hai jaisay tumhe Sahi lagay phir Chalo miltay hain bye''
"Allah hafiz'' wo sab sy Mila or apni phopo k sath un k Ghar Chala gya

__________________________________________________________________________________

Stay tuned for next parts
Sorry for late upload
Comment and vote for it
Don't forgot to read my novel qalb e ulfat too