ناظر المرسيدس وهـو يطلع من غرفته ولثّواني لف من نطقت المديرة : يابـاهي
بـاهي الي ناظرها بهدّوء ومررت المديرة المفتاح وهي تتمتم : الحين المعلمات بيطلعون سكر باب المدرسة والله يوفقك لاتنسى العصر العمال بيجون وينظـفون .
لهَـاب
المسجل الي كان يعتلّي بصُوت "خالد عبدالرحمن" نبـس فيّاض بهدوء : انت تدري انك على سيّرة لسان البيت الابيض؟ يرضيك يالهاب!! وابوك كبير سن ومايتحمل يسمع اخبار ماتبشر بالخير
لَـهاب الي نفض دخـانه ونطق بهدّوء وحدّه : يافيّاض انت متى بتسكت ؟ قلت لك ماني مرتاح الا لمن اقلع هالذياب مثل قلع الضرس.!
فيّاض الي تنهد وهو يمسك راسه بينما يتحسس هالددسن : تخيل لو يعرفون ان اغلى شي الددسن حقك؟ شبتسوي عاد؟؟.
لَـهاب الي نطق بحدّه وعصبيّة : احـرقهم يافيّاض ان قـربو مِنها!
فيّاض الي تنهد مرّة ثانيه ومرات لامتتاليه من هالتنهيدات وهو يمسك المسواك ونطق : وش الحل طيب ياحبيبي هذول يحرقون حايل كلها هذول ماينمزح معهم آل وايـل!.
لَهاب الي وقف قدام البيت ودلك جبهته بدوخه : تكفى وقف تقرقر يرحملي أهلك .. إنت ناسي من انا؟؟ انا ولد الفلاح يا فيـااض صحصح.!
طـفى الددسن لهاب ونطق بهدوء وسخريه : يلا ياحبيبي لا اسمع لك حسّ عند الـربع
فيّاض الي توتر وهو ينـزل ودخل الأستراحة لهَاب واول ما خطى خطوة طـب عليه مكحل ونطق بسُخريه : ياولد الفلاح سويـتها؟؟.
بـهت وجه لَهاب وهو يتمتم : وشـو؟؟.
مكحل الي دق ظهر هاللهاب وهمس : سويتها وحضنت بـنت المزاييّن؟؟.
لَهاب الي اخذته العصبيّة وحسّ ان ثُوبه بينقطع التفت علـى فيّاض وهو ناويّ نيّة شيـنهه بـس مكحل الي مسكه بتوتر وهمس : يرجال حنا ربعك ماعلمتنا مو من حقّك تطلع عصبيتك بهالآدمي
فيّاض الي خلخل يدّه بشعره وهمس بتعب : اوف يالهاب هذول ربعنا اكيد بكب عفشنا وانت مو اول واحد ينكب عفشه شفيك زعلان؟؟.
لهاب الي نطق بحدّة وعصبية : هذا شي كبير مو شي زي التفحيط والدخان والله يافيّاض لو مانت بعشيري كان حفرت قبرك بمكانـك يالضبط!
نفـث انفاسه هاللهاب وهو يتمنى ان هالعصبيّة تروح مع انفاسه قـبل لايجرم بـفياض الي واقف قدامه.
مسـكه صـديقه " حـارث " الي نفث بوجهه الدخان وضحك ببحة حارث وهو يناظر لهاب الي يقح من الدخان : ياولد رجعت لصوابك؟؟ وتـرت الاجواء لـنا أقول انثبر الحين وخلن نتقهوى .
لهاب الي جـلس بالجلسة ومرر له فيّاض القهوة وهو مبتسم ونطق لهاب بحدّة : ياسوّاد وجهك يافياض وتبتسم بعد؟
فيّاض الي ضحك وهو يجلس : لو اني مو عارف اطباعك وعصبيّتك ومزاجيتك كان تخانقت معك بس يلا عصبية وتزول وتـرضى علينا
تجاهل الكلام لهاب وأشر على حارث وهو ينطق : الا ويـن حمد داشـرنا؟.
بهـدوء تبسم حارث : يـدشر .. وين بيكون يعني؟
لَـهاب الي اخذ الدخان من حـارث ونطق وهو يولع الزقارة : ولعـو لنا شي .. ودي ادشر وافـحط لكن مامن سيارةً غير الددسن المزيونه وانا ماودّي ادشر فيها اشغلو بالي
مرر الجوال فيّاض لـ لهاب وهو ينـطق : دورنا شي طيب
مكحل عبـس وهو يضرب ظهر فياض : وانا شسوي هنيّا؟ ليه ما اعطيتني؟ الكسـرات والشيلات انا الي محترف فيها
لهاب الي ضحك بسُخريـه وهو يولع الكسـره
ولثّواني اشتعل وجه مكحل بالقهر والغبّننه: هذا شي تولعه؟.
لَـهاب الي تبسم بسُخريه وهو يدخن وهو يستمع
" سامحتك من كل قلبيّ يالعنزي
سامحتك بعيوني مع غيري يالفضلي لامحتك"
مكحل الي تنهـد وهو يأخذ البـلوت وتمتم : اقـربو ، بس الا لهَاب لايقرب على ذوقه ذا
لَهاب الي ضحك وماوقـف وهو يشُوف وجه هالمكحل مشتعل ، اقترب وهو يجـلس ورجع يناظر حارث : حمد ننتظره ولا نمضي هالليله بدونه؟.
حـارث الي دعس على الزقارة بالدعاسه حقت الدخان وتمتم وهو يأخذ البلوت : ماعتقد ، امس جـاء متأخر ولمن جيت الصباح لقيته نايـم بالأستراحة ماتحملت ورفسته
لـَهاب الي ضحك بسُخريه وهو يلعب بالبلوت
قرب حارث الشيـشه لـ لَهاب وهمس : تشيـش؟
لَهاب الي نفـى براسه وتمتم وعينه على البلوت : لا حدي دخان
فيّاض الي تمتم : حارث يرحملي اهلك خـبي الشيشة عن عيُوني ابوي يجرم فيني اذا مسيتها.
حارث الي تبسم وهو يقرب الشـيشه ل مكحل وضحك مكحل وهو يشيش قدام فـيّاض الي اشتعل وجهه بالقهر
