الله يعين قلبي على مدك وجزرك

١٢

عدي : اي والله صادق وش يقولون عنا توهم جونا وسببو مشاكل
اخذو لهم جوله لين شافوا محل يبيع شاهي جمر واخذو لهم وهم يجلسون على الكراسي
عدي : ي ماشاءالله ي الجو هم دايما كذا أجواءهم حلوه
مسفر : شكلها بتمطر شوفو السحب السوداء ورا الجبل ذا كيف
وضاح : ان شاءالله تمطر وتبرد على قلبونا
عبد الرحمن : وضاح انت قلت لرجال ان عندك شغل ليه كذبت عليه ومن وين لك شغل الحين
وضاح اول ما كذب الكذبه ما اهتم لها ولا فكر كثير : خلها على ربك بتتيسر
حسين فز بفرحه لما سمع صوت الرعد : ها جت جت
مسفر : الله يجيب الخير شكل معها عجاج خلونا نرجع لا تطير فينا
عدي : اجلسوا بس حنا يالله يالله نلقى مطر ويوم جاء لنا بتهربون

قاطعهم الشايب الي جاء لهم : اعذروني ي عيالي بس لازم ادخل الطاولات والكراسي قبل تهب العجاج
وضاح قام : افا ولا يهمك قايمين خلينا نساعده قوموا
قاموا العيال ودخلو مع الشايب الكراسي وكان يدعي لهم من كل قلبه
وهم راجعين ومستمتعين بالجو شافوا ناصر الي طالع من البيت وأول ما شافهم ناداهم : تعالوا حياكم عندي
العيال ناظروا وضاح الي هز راسه لهم بمعنى يالله
ومشوا لناصر الي دخلهم بالعشه كان عندهم عشه بالحوش وكانت مفتوحه وما فيها إلا السقف
جلسوا وناصر يراقب الجو : ماشاء الله والله الجو كان يبغاله مزرعه عمي
مسفر : وين ما تشوفها بتمطر
ناصر : لا ماهي ممطره أنا أعرف إذا هي بتمطر ولا لا
اشرايكم نروح المزرعه
وضاح الي كان يحاول يكون طبيعي ولا يبين لناصر خذلانه منه : بكيفك
ناصر : اجل خلوني اجيب لكم القهوه واتصل على عمي
قام ودخل البيت وكلهم ناظروا وضاح الي ناظر لهم بمعنى وش فيكم
عدي قرب منه : ليه تناظر الرجال كذا
وضاح : وش فيها نظراتي
مسفر : أتوقع حتى هو لاحظ انك مو طبيعي نظراتك له فيها حقد
وضاح الي ما انتبه على نفسه : والله ما انتبهت نظراتي عاديه بس انتو تبالغون
مسفر يسلك لك : ايه يمكن نبالغ

_

دخل ناصر البيت وهو يشوف ليلى بالمطبخ : ليلى جهزتي القهوه
ليلى : ايه جاهزه
ناصر : جيبيها العيال برا لا تطلعون وينها العنود
ليلى : بغرفتها شوي وتجي
ناصر طلع معاه الصينيه للعيال

_

العنود الي كانت واقفه عند الشباك وتراقب وضاح قبل كانت تشوف الجو وانتبهت لهم وهم داخلين وطاحت عينها على وضاح ومن وقتها وهي تراقبه وتراقب حركاته وضحكته الي طلعت لما راح ناصر
كانت ذايبه وعيونها قلوب
تنهدت واختفت ابتسامتها لما شافت ناصر طالع
رجعت تجلس على السرير وهي تفكر بالي قاعد يسويه فيها ناصر : هين ي ناصر مو العنود الي تسكت راح آخذ حقي منك وما بسمح لك تمد يدك علي مره ثانيه
ناظرت الباب الي يدق : تعالي ليلى
ليلى فتحت الباب وابتسمت : جميلتي يالله قومي تجهزي بنروح المزرعه كلنا
العنود ابتسمت : تمام بجهز
ليلى : اجل راح ناخذ الحلا معنا ونسويه هناك احسن
العنود : ايه خذيه
طلعت ليلى والعنود قامت تشوف العيال وما شافت احد رجعت وهي تأخذ ملابسه عشان تبدل وانتبهت لناصر الي واقف عند الباب قال بستهزاء: الاميره النايمه قامت
العنود ناظرت فيه لثواني وطنشته
ناصر سكر الباب وتقدم لها وهو يسحب الملابس من يدها : وش ذا بتلبسين بنطلون من متى ي زوجه ناصر مسموح لش البنطلون
العنود بعصبيه سحبته منه : ما باقي إلا تتحكم بلبسي