𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎 [ SUPERNATURAL SERIES]

𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎 -Episode 85

𝐈𝐯𝐚𝐧 𝐀𝐧𝐝 𝐙𝐡𝐞𝐧𝐠

එයාලගේ රූම් එකට එබිලා ඉන්න කිරන්ව දැක්කම අයිවන් ගොරවගෙන කිරන් ගාවට යන්න හැදුවත් ක්‍රිස්ටියන් අයිවන්ගේ අතකින් තද කරලා අල්ලලා අයිවන්ව නැවැත්තුවා.
රූම් එක ඇතුලට ගිය කිරන් වටපිට බැලුවේ මොනා හරි හොයාගන්න වගේ. ඒත් රූම් එකේ කිසිම වෙනසක් ⁣තිබ්බේ නෑ. කිරන්ට පස්සේ ඇතුලට ගිය අයිවන් මුලින්ම බැලුවේ බෙඩ් එක දිහා. ශෙන්ග් කොට්ටෙකුත් තුරල් කරන් හොදටම නිදි. ⁣ජනේලේ පැත්තට වෙන්න තියලා තිබ්බ කොට්ට දෙක ඇදෙන් බිමට වැටිලා තිබ්බා.
'ඒකට ⁣ශෙන්ගේ පයින් පාරක් දීලද කොහෙද.'
අයිවන් ඒ කොට්ට දෙකත් ආපහු හදලා ශෙන්ගේ නළලටත් කිස් එකක් දීලා කට්ටියත් එක්කම රූම් එකෙන් එළියට ආවා.

ඊටපස්සේ තමයි මොකද වුනේ කියලා කට්ටිය කිරන්ගෙන් ඇහුවේ.

"..මට උඩ තට්ටුවෙන් සද්දයක් ඇහුණා.."

පහලට ඇවිත් සොෆා සෙට් එකෙන් ඉඳගන්න ගමන් කිරන් කියද්දි කොල්ලෝ ටික කිරන් දිහා බැලුවේ පුදුම වෙලා. ඒක වෙන්න පුලුවන් දෙයක් නෙමෙයිනේ. කිරන්ට සද්දයක් ඇහුණා කියන්නේ එහෙනම් ඒක හැමෝටම ඇහෙන්න ඕන.

"..සමහර විට මං හිතෙන් මවාගත්ත එකක් වෙන්න ඇති.."

කිරන් එහෙම කිව්වේ ඇත්තටම එහෙම එයාට විතරක් සද්දයක් ඇහුණ එක වෙන්න බැරි දෙයක් නිසා. එයාට ඇහුණා නම් ඒක අනිත් අයටත් ඇහෙන්න ඕන. හරි අනිත් අයට ඇහුණේ නෑ කියමුකෝ. ඒත් අඩුම එලොන්ටයි‍, කැම්ඩන්ටයි‍, ජොෂුවටයි හරි ඇහෙන්න ඕන. ඒත් එයාලා කාටවත් ඇහිලා තිබ්බේ නෑ කියන්නේ ඒක එයා හිතෙන් මවාගත්ත එකක් වෙන්න ඇති කියලා කිරන් හිතුවා.

"..අපි දැන් යනවද..?"

ජොනතන් ඇහුවේ වෙලාව බලන ගමන්.

"..යමු.. ඔයාලා එනවද..?"

ක්‍රිස්ටියන් ඇහුවේ කිරන්ලා දිහා බලලා. හා කියන්න ඔළුව වැනුව කිරන් ක්‍රිස්ටියන්ලා එක්ක වොරියර් ග්‍රවුන්ඩ් එක පැත්තට යන්න පිටත් වුණා.

"..එලී අර හෙවනැල්ල අපි රූම් එකට යනකොට තිබ්බද..?"

ග්‍රවුන්ඩ් එක පැත්තට ඇවිදන් යන ගමන් අයිවන් අහද්දි එලොන් ඔව් කියන්න ඔළුව වැනුවා.