𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎 [ SUPERNATURAL SERIES]

𝐓𝐡𝐞 𝐇𝐮𝐦𝐚𝐧 𝐌𝐚𝐭𝐞 🤎 - Episode 45

                          𝐈𝐯𝐚𝐧 𝐀𝐧𝐝 𝐙𝐡𝐞𝐧𝐠

"..සෝ.."

ශෙන්ග් හිටියේ බර කල්පනාවක. එයාලා දෙන්නා හිටියේ එයාලගේ ෆේවරිට් පොට් එකේ. ටිකක් හවස් වේගන එන හින්දා සෙනඟත් අඩුයි. බංකුවේ ඉන්න බැහැයි කියලා ශෙන්ග් එහෙම්ම බංකුවට පිට දීලා තණකොළ ගොඩේ වාඩි වුණා. ගඟ හරහා එන හුළඟත් එක්ක ශෙන්ගේ කූරු කූරු කොණ්ඩේ තිබ්බේ අවුල් වෙලා. අයිවන් හිටියේ ශෙන්ග්ගේ කකුල උඩින් ඔළුව තියාගෙන.
මුල් දවස් වල ටිකක් අවුල් වුනත් පස්සේ ශෙන්ග්ට ඒක එහෙම්ම අවුලක් නැතිවෙලා ගියා. අයිවන්ට විතරයි හැබැයි. වෙන කාටවත් එයා එයාව මෙහෙම අල්ලන්නවත් දෙන්නේ නෑ.

"..එදා මම කොලේජ් එක ඇතුලට එද්දි ලොකු බස් දෙකක් නවත්තලා තිබ්බා ඒකේ ගහලා තිබ්බේ 'CALIFORNIA HIGH SCHOOL' කියලා.."

ශෙන්ග් එයාගේ කතාව කියන්න පටන් ගත්තා. අකුරක්වත් මඟාරින්නේ නැතුව ශෙන්ග් දිගටම කතාව කියාගෙන යද්දි අයිවන් හොදම අවධානෙන් අහගෙන හිටියේ මිස්ටර් ඩැනියෙල් ගැන කියද්දි. මොකද එයාගේ විදිහ මුල හරියෙන්ම අයිවන්ට දිරවලා තිබ්බේ නෑ. ග්‍රැජුවේශන් එකෙන් පස්සේ මිස්ටර් ඩැනියෙල් ආයේ නොලේජ් ඇවිත් තිබ්බේ නෑ කියලා ශෙන්ග්ට ආරංචි වෙලා තිබ්බා. එයාට මිස්ටර් ඩැනියෙල්ව අන්තිමට හම්බවුණේ ග්‍රැජුවේශන් එක දවසේ. ශෙන්ග්ට විශ් කරලත් එක්ක එයා ගියේ.

ශෙන්ගේ ඉන හරියෙන් මි⁣රිකුව කතාව කියද්දි නම් අයිවන්ට තද වුනා. ඒත් ශෙන්ග්ට කරන්න දෙයක් තිබ්බෙත් නැති නිසා හා එතනින් පස්සේ ශෙන්ග්ට කරදරයක් වෙලා තිබ්බේ නැති නිසා අයිවන් ඒක එහෙම්ම ඉග්නෝර් කරා. ඒ වුනත් මිස්ටර් ඩැනියෙල්ව කොයිම වෙලාවක හරි හම්බවුනොත් ඉන ගාවින් කෑල්ලක් ගලවලා ගන්නවා කියලා නම් අයිවන් ⁣හිතාගත්තා.

ලූක් ගැන කියන්න පටන් ගද්දිම වගේ අයිවන් ශෙන්ගේ ඔඩොක්කුවෙන් ඔළුව අරගෙන බංකුවට හේත්තු වෙලා ශෙන්ග්ව එයාගේ කකුල් දෙක මැද්දෙන් ඉන්දවගෙන පපුවට තද කරලා තුරුල් කරගත්තා.

මොකද ඔය 'ලූක්' කියන නම එක්ක ශෙන්ගේ තියන මතක එච්චර හොද නෑ කියන්න අයිවන් එදාම දැනගත්තා. එයාට දැනගන්න ඕන වෙලා තිබ්බේ ශෙන්ග් මේ වගේ තත්වෙට පත්වෙන්න ලූක් මොකක්ද ශෙන්ග්ට කරේ කියලා.