" رواسم الشر "

البداية ..

الكاتبه : زينب الوائلي .

بقلمي ، رواية : "رواسم الشر"

                   ..................................
                         
                             مشهد 🔥

التعمق بها صعب
هي لا تجيد التصنع ولا تجيد التمسك
بأيادي الراحلين ممتلى قلبها بالغموض
ويتلبسه الكبرياء
مزاجها متقلب
ولا تتحدث بالقدر الكافي
والطريق برفقتها ينتهي بالكوارث ...

جنت كاعد بمكتبي بالليل اشتغل ، شوي واجاني اتصال هاتفي من بنيه رديت عليها وكالت ....

- روح لخالك عادل وكله بستانك حترك .

- منو انتي وشنو جاي تحجينن ؟؟؟

- هههههه ضحكتني والله ، لك روح كوله لعادل خلي يلحك على جم نخله ههههه .

- منو انتي ؟؟؟

- اوفف نزعجت شكد دراما ، يلا روحح باي ههههه .

كمت مفزوع واركض لحد ما وصلت لسيارتي ، اتصل على كرم ابن خالي ميجاوب ، اتصلت على خالي خمس مرات ما جاوب وبالسادسه جاوب ومبين جان نايم كلتله ....

- خاليي الحك بستانك حتركك .

عادل : لك ايهم شتحجي يابستان حترك ؟؟!!!

- خالي توه اتصلت عليه بنيه تضحك وتكول كول لخالك بستانه حترك .

عادل : اخخخ يا ملعونه ، جاي جاي روح انت قبلي بسرعه وأخذ الولد وياك .

- ماشي خالي باي .

رحت بسرعه اني والولد وراي ، وصلت اول واحد  اول ما وصلت عبرت من يمي خمس دراجات نارية الي صاعدين بيها يضحكون بإعلى صوتهم ، عرفت هذول الي حركو البستان ..
وصلنا وما لحكنه عليه صاير كاع البستان كله محترك ماباقي شي صاحي ، شفت ورقه جبيره على باب البستان مكتوب بيها ....

" هاي النار الاولى يا عادل انتظرني بالجاي اكبر ، تاج راسك روسم "

يتبع ....

        """"""""""""""""""""""""""""""""

بناتتت حماس الروايه تجنن احنا بالبدايه هسه وان شاء الله كل يومين بارت جديد ، طبعا اني كاتبه جديده اتمنا منكم الدعم ، تابعوا حسابي ولا تنسون التصويت نجماتي 🎀