رواية : " رواسم الشر "
الكاتبة : زينب الوائلي .
اللهم صل على محمد وال محمد 🩷✨
متابعه لحسابي نجماتي+ لاتنسون التصويت 🎀
فاكدينك
احنا كلش فاكدينك
من غبت ماكمنا نلتم
واعتزلنة الكعدة ذيج
ومرة اذكر بيك نحجي
ومن وصلنا لحرف اسمك
هب حنينك..أنتَ وينك؟
.
باقر :اهووو شعنده جاي .
رضا : اني شنو كلتلكم مو كلت ما يسكت ، الله يستر من هاي جيته .
- خلي يجي ميسوي شي تره .
رضا : روسم ليش متاكده ميسوي شي ؟؟
باقر : عدنا قضايا فساد وتهريب عليه لو طلعتهم روسم يضيع وره الشمس .
خليتهم يحجون وطلعت رحت لمكتبي ، بقيت ادور بالملفات شركه عادل شكو شي ضده طلعته ، اتصلت على باقر أبلغه يجيب الكادر ويجي حتى اسوي اجتماع حتى استقبل عادل .
اجه رضا واخواني ومدراء اقسام الشركه ، بقو يتحضرون للاجتماع شوي ودخلت عليهم .
- سلام عليكم.
الكل : وعليكم السلام .
- اليوم راح يجي عمي عادل ، اريد منكم تستقبلونه وترحبون بي ، واي شي يسئل عنه جاوبوه باختصار ولا تطولون كلام وياه ، وانبهكم بنات الجواب على كد السؤال فهمتوو ؟
الكل : تمام .
رضا : شباب انتبهوا مو يسحب منكم كلام عن شغلنا أو مشاريعنا الي جاي نشتغل عليه مو تزل لساناتكم .
باقر : اني خايف من اخوك ابو راس .
غياث : شبيي اخوو ؟؟؟
باقر : لا مابي شي بس لسانه شطوله لسان دلاله .
- شباب هدوء .
غياث : اي انتي ابقي خلصتي حياتج تردين هدوء وماكو .
- والله صحيح ، بس المهم سكتو كافي يلا خلص الاجتماع وكلمن يروح لشغله ، ومثل ما كلتلكم انتبهوا وركزوا .
طلعوا كلهم وكلمن راح لشغله ، بقيت كاعد بمكاني افكر خاف يسوي مصيبة جديدة ، راد يطلع غياث وباقر صحت عليهم .
- غياث باقر تعالو ، باقر جيب كل ملفات شركه عادل ،وانت غياث تعال يمي .
راح باقر يجيب الملفات ، واجه غياث يمي .
- غياث اريد اطلب منك طلب .
غياث : يي روسم طلبي .
- اريدك اليوم تأخذ مكان ريان اختي لأن مريضه وما كدرت تجي ..
أنت تقرأ
" رواسم الشر "
Mystery / Thrillerالتعمق بها صعب هي لا تجيد التصنع ولا تجيد التمسك بأيادي الراحلين ممتلى قلبها بالغموض ويتلبسه الكبرياء مزاجها متقلب ولا تتحدث بالقدر الكافي والطريق برفقتها ينتهي بالكوارث ...
