٭قلبي بلادتس وانتٍ حضرة سموه٭

1

السلام عليكم اخباركم انشاء الله عجبكم البارت الاول

استغفر الله
والحمد لله
لا اله الا الله
اللهم صل على محمد 🌷✨

واستمتعو بالبارت
___________________

.
:من صب لي من دلـتوه ربع فنجان
أصب له من خافق الروح دله

ومن ساق لي بالطيب قول وأفعال
اسوق له الروح والعمر كله
.
.
.
.
.
.
.
.
.

بـ اليل والبرد بيت محترق وتناثر رماده بكل مكان بالجهه الثانيه اب وزوجته  الحامل ب طفله مع اعيالهم الثالثه

سلطان بحنيه: جميله يا حيي اقعدي تعبتي من المشي
جميله برهق وصوت مبحوح؛ لا يا سلطان نبي نوصل الديره لا يجي عيالنا شيين(شيئ)
تنهد سلطان: شوفي نقعد بهاه(هنا)ونكمل الصبح إنشاءالله مطلق ي ولدي رح مع اخوك خالد وجبو حطب ولا تبعد وخذ البندق وفطن لخوك

مطلق:ابشر يبه خالد انهج يلا
خالد بردان ولا وده يقوم ومعبس:يخي خذ ذيب معك أنا اتعيبان(تعبان)
مطلق بعصبيه:قم قامت عصبك إنشاءالله وجع اهلك تعبانين وانت تتصروع تقل مره قم يمل السلال يا مفتور الحيل
خالد بتفتفه؛خلاص قمت اسكت لا يسمعك ابوي يمل التبن
مطلق بحده:اي قم ماتمشي الا بالعين الحمره تبيني أخذ ذيب الوغد(البزر)منتب رجال صدز،،،
مشى معه خالد وهو يتفتف

طلعو يم الجبل القريب من مكانهم ب الطريق يدورون حطب يكفيهم الليله ونور القمر المكتمل ساعدهم يشوفون اخذو ما يكفيهم وعودو لمكان اهلهم مستعجلين عشان امهم التعبانه من الحمل والمشي والبرد وصلوو وشبو النار وعطو امهم واخوهم ذيب الصغير الفروه عن البرد وهم تغطو مع ابوهم سلطان نامو العيال بس سلطان وجميله ما طرف لهم جفن النوم جفاهم من الظلم والغدر الي صار لهم جميله تنام وتصحى عشان الخوف على عيالها بس سلطان النوم جفاء عيونوه
وقعد سلطان يحط الحطب وقول الابيات ذي

الله من جفـنٍ عن النـوم محـروم
وقـلبٍ رجـف بيـن الـظلـوعـ النحـايـف

حاولـت انام ولا تهيـا لي النـوم
النـوم والهواجيس ماهنب ولايـف

ماتستريح العـين والبال مهوم
ولا يستقر الحـال والقلب خايـف

غديت مثل اللي بالاعدام محکوم
مامات لاكنـه من الـعمـر عايـف،،

تنهد بضيق والقهر محرق قلبه
______________

وجاء النهار وقامو وصلو الفجر وكملو طريقهم لـ ديرة الشيخ كريم لان معروف بحكمته وكرمه ولا يظلم احد ووصلو طراف الديره ودخلو اطراف الديره ومع المدخل تشوف الناس الطيبه والسمحه الي بالمزارع يزرع والي يرعى والي يبيع والبرزان يركضون يلعبون والحريم يشترون ولا يسيرون على بعض كل ذا تشوفه من أطراف الديره ومسك سلطان وغيد واسأله وين الشيخ كريم وعلمه الوغيد وينهم الرجال يتجمعون ب بيت الشعر وسط الديره دخل سلطان هو وعياله الا زوجته وما لقى الا كريم وسعد ولده وسلام ورحبو به ترحيب حار ومعروف بحائل اهل الكرم والجود الترحيب والوجب يتم له الطرقي ولا الخطار  وكل من يلفي عليهم