ڤيرايا

مكتبة القصر

احدق بكل الكتب الموضوعه على الارفف لعل قلبي يخفق حين ارى الكتاب المنشود ، يمشي كاوس خلفي ويبدو ممتعض لم استطع ان احادثه بسبب الامير الذي لا يصمت .

ديلان : شوفي هنا الكتب التاريخيه كتبي المفضله اكو مجموعه خاصه بيه كتبت شوي بيها وجنت جزء منها .

( شنو ممكن يكون لونه غمضي عيونج واول لون يجي ببالج هو )
اغمضت عينياي ،
" ازرق "

ديلان : وبهاي الصفحه روايات من اشهر الكتاب بالممالك الاربعه كلهن ،
ليش مغمضة عيونج ؟

( وي نسيت هذا يحجي )

ڤيرايا : ها هيج جاي اتذكر شي .
ضحك كاوس بخفه التفت له لاتزال ملامحه مبتسمه ، ابتسمت ايضاً

ديلان : اكو شي يضحك ؟
ڤيرايا : لا سمو الامير ، بس ادور عن كتاب قديم ممكن يكون اثري و سحري هيج شي .
ديلان : اثري وسحري ؟
ڤيرايا : اي هيج عندي فضول بس .
ديلان : اوكفي خلاروح ادورلج لعد اخذي انتي جوله هنا .

تركنا مغادرا بأحد ممرات الكتب التاريخيه التي كتب بعضها واشك في صحة هذا الكلام ، هل انطفئ سحر الامير بداخلي اجده تافهاً وسطحي وحديثه ممل .

كاوس : شتسوين بكتاب سحري ؟
ڤيرايا : اذا تعرف مراح تصدكني
كاوس : جربيني .
ڤيرايا : انا مو ڤيرايا اسمي مريم ومن عالم ثاني .

نضر لي لبرهه ثم ضحك ، لم اشاهده يضحك قبلاً اتذكرون حين اخبرتكم ان ديلان يملك ضحكه جميله جدا ، ضحكته لا شيء قرب ضحكة كاوس ، عيناه الخضراء تشع وتلمع وتضهرغمازتان ناعمه اسفل شفاهه .

( تنفسي مريم تنفسي )

كاوس : تدرين سمعت هواي عن شخصيتج وتخيلتها بأبشع التخيلات ف ابد ماشيل احتمال متلبستج روح ثانيه لأن ابد ماتشبهين الوصفوه .

( كاعد يشاقه مو )

بالتأكيد لن يصدقني احد من قد يضن انني انتقلت من عالمي لفتاة تشبهني تماماً تعيش بعالم اخر ، انا نفسي اجد صعوبه في تصديق مايحدث حولي .