رواية: ꧂حَنَادِس نشرَوان꧁
بقلمي: ꧂زينة آل جبر꧁
البارت: 5
My snapchat account: zeno_znzn00
"أني بعمر الورد بس ورود ذبلانة
أني بروحي غصن ذبلان وتگلي
الناس حليانة"
لا تنسون متابعة الحساب والتعليق بين الفقرات لطفاً ♡.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
بعد مرور بضعة أعوام…
ʚنشرَوانɞ
من بعد مرور سنين من زواجي من أصهب رزقنا الله سبحانه وتعالى بالذرية ملأوا علينا البيت "القاسم" و "جواد" القاسم هو الكبير وجواد أصغر منه وهسه أني حامل بعدني بالبداية لكن أحس بتعب بشكل مو طبيعي مو مثل حملي السابق وإلي قبله..
چنت واگفة بالمطبخ أحضر الغداء وادحگ لـ القاسم وجواد وهم نايمين سمعت صوت باب الحوش انفتح عرفت أنو هذا أصهب طلعت أشوفه چان معصب لدرجة كل دماراته مبينه
نشرَوان: وعليكم السلام ورحمة الله وبركاته، خير يا ستار شصاير خو ما أكو شيء؟!
هو أني حچيت هيچ وشال الراجدي وضربني بخدي أحس فترت بيه الدنيا، شنو هاي، هاي شلون هيچ وليش!، هاي چانت أول مرة أصهب يمد ايده عليَّ حسيت بوقتها بأنكسار وخذلان وفقدت الأمان إلي چنت عايشته وياه معقولة هيچ يسوي زين أني شسويت حتىٰ يسوي فعلته هاي؟!
بوسط هذي التساؤولات صدمني كلام أصهب لماً گال
أصهب: لچ انتي شنو؟ شنو هذا المسويته؟
حچاها وأشر لصندوق چان بيه أشياء غريبة وكذا كاغد مكتوب عليهم أشياء غريبة ما لمست شي مجرد نظر، عقدت حواجبي وسألته وأني أشهگ.
نشرَوان: شنو هذاااااا أصهب؟!
أصهب: متعرفين مووووو، هذن السحورة إلي سويتيهن لأهلي.
نشرَوان: شنو سحورة؟ شنو صخام؟ شبيك أصهب هاي منو لاعب بعقلك؟ خواتك وأمك مو؟ أدري بيهم يردون يحرضوك عليَّ يجوز بعد الچناين هم أثروا بعقلك رجال شگدك شكبرك منصب وكذا يأثرون عليك نسوان! روح راجع حساباتك وبعدين تعال عليَّ حاچي العاقل بما يُعقل.
عفته ورحت دخلت أخذت القاسم وجواد ودخلت لغرفتي وما طلعت منها حتى الغداء عفته عود خلي يفيدوه خواته وأمه والچناين، تعوذت من الشيطان الرجيم من بعد ما راح وصفگ باب الحوش قوي ورحت طفيت الغاز خفت يصير قدر، رجعت لغرفتي وگلت لازم أردله هي وما أخليها تبات گضيت النهار كله ويه القاسم وجواد وبين الصلاة ومن أكمل صلاة أدعي رب العالمين يهديه وإن كانت مكيدة منهم يبطلها ويهديهم للأحسن ونخلص من شرهم، طويت السجادة ورجعتها لمكانها بعد ما خلصت من تسبيحة فاطمة الزهراء (عليها السلام) إلي علمتني إياها أمي
أنت تقرأ
حَنَادِس نشرَوان
Mystery / Thrillerفي ذلك الزمن هناك طفلة مدللة لا تعلم شيء عن مصاعب الحياة فهي تعيش في دفء عائلتها لكن هذا لن يستمر مطلقاً وسيأتي من يأخذها لعالم مختلف لا يشبه عالمها عالم لا يوجد فيه أي شيء يشبهها ... مختلف تماماً فهل سيتجاذب هذا الاختلاف أم سيكسر قوانين الفيزياء...
