"اقتباس من الروايه"
باسم رجع البيت زي المجنون ودخل اوضه جميله بس ملقاش فيها حد وبعد كدا دخل اوضه اخوه واتصدم لما شاف جميله في حضنه ومكنش عارف يعمل ايه...
باسم بصدمه : بقي الخيانه تيجي منك انت .. انت ي فهد طب ليه ؟
فهد : انا مخونتكش وانت عارف انا وجميله بنحب بعض اد ايه بس انت بتحب تكوش علي كل حاجه واستغليت فرصه سفري وخطبتها يبقي مين فينا الخاين بقي ؟
باسم : المصالح بتتصالح يابن ابويا ومصلحه جميله ومصلحه ابوك معايا انا مش انت
جميله مسكت ايد فهد : مصلحتي مع فهد مش معاك انت وانا لو هتجوز حد فالحد ده فهد حبيبي وحب عمري مش انت يا باسم ولو علي دبلتك فاتفضل اهي (قلعت الدبله ورمتها في وشه)
باسم بسخريه : الله الله ده انتو مظبطين كل حاجه مع بعض بقي..
فهد : اه مظبطين كل حاجه وخد المفاجأة دي كمان انا وجميله مسافرين بعد بكره امريكا وهنتجوز وهنعيش هناك بعيد عن المشاكل والصراعات الي انتو عايشين فيها
باسم ابتسم بسخرية : ابقي وريني هتعملوها ازاي
فهد : اعتبر ده تحدي يعني ؟
باسم : براحتك
فهد : وانا قبلت التحدي ...
"اقتباس تاني من الروايه"
البيت كان فاضي ومكنش فيه حد غير نغم وجاسر رجع البيت وهي أول ما سمعت صوته ابتسمت وقررت تعمل الفكره اللي في دماغها، وهو اول ما دخل الاوضه رمي نفسه علي السرير من التعب وهي اتسحبت ودخلت وراه بالراحه وقفلت الباب بالمفتاح وراحت نحيته كان نايم فضلت تبصله وتتأمل ملامحه واد ايه هو وسيم و زي القمر وقربت منه واول مالمسته صحي واتصدم اول ما شافها..
اتعدل واتكلم بصرامه : انتي بتعملي ايه هنا وازاي اصلا تتجرأي وتدخلي اوضتي من غير اذني؟😡
نغم قربت منه اكتر : بحبك يا جاسر افهم بقي حرام عليك اللي بتعمله فيا ده
جاسر اتوتر من قربها وخاف الصراع الي بين عقله وقلبه قلبه هو اللي يكسب فيه : اطلعي بره يا نغم انا راجع تعبان وعايز ارتاح
نغم : لو عايزني اطلع بره فعلا وعايز تثبتلي ان راحتك مش معايا بص في عيني وقول
"جاسر بص في عينها واتقبلت عينهم في نظره طويله وهو عينه فضحته ونغم فهمت هو عايز ايه وراحت راميه نفسها في حضنه" : عينك فضحتك علي فكره وشوفت فيها اد اي انت بتعشقني مش بتحبني بس
جاسر اتلجم من حركتها دي وبعدها عنه : انتي ازاي تقربي مني بالشكل ده ، عايزه توصلي لأيه بحركاتك دي ؟
نغم : عايزة اوصل لقلبك وبس وبعدين اللي انا عملته ده رغبتك انت وانا نفذتها
جاسر باستغراب : رغبتي انا؟ انتي اكيد اتجننتي
نغم ابتسمت : ايوه رغبتك انت ، وزي ما قولتلك عينك فضحتك وشوفت فيها انك عايز قربي منك مش البعد
جاسر فعلا عايز قربها بس كان دايما بيكدب نفسه إنما المره دي وهي قريبه منه بالشكل دا وعينه في عينها وهو سرحان فيهم كده مقدرش يتمالك أعصابه اكتر من كده ومشاعره
خانته : انا بعشقك يا نغم مش بس بحبك بس مش بايدي اعمل حاجه وانتي عارفه ♥️🥹
نغم مكنتش مصدقه انه قالها كده : جاسر انت قولت ايه عيد كلامك كدا تاني؟!
جاسر بص في عنيها وابتسم وضمها : قولت بحبك ، بحبك يا نغم ...♥️🥰
