سوري لو اتأخرت عليكو حقكو عليا،بس والله غصب عني،الفصل الجديد اهو وهستني رأيكو في الكومنتات ياحلوين..♡
ــــــــــــــــــــــــــــــــــــــــ
باسم ابتسم بسخرية: ابقي وريني هتعملوها ازاي!
فهد : اعتبره تحدي يعني ؟
باسم : براحتك
فهد بهدوء:وانا قبلت التحدي
سابهم باسم ونزل وقف في نص القصر واتكلم باعلي صوت عنده
باسم بعصبيه وصوت عالي: انتو ياللي عايشين في البيت اجمعولي هنا يلا
اتجمعو كلهم علي صوته وعاصم اتكلم: انت ازاي تعلي صوتك كده وانا موجود
باسم : مش قصدي ياعمي حقك عليا بس كنت عايز اطلب من حضرتك طلب
عاصم : افندم قول اللي عندك وسمعني
باسم بص لفهد بتحدي واتكلم: كنت عايز كتب كتابي انا وجميله يبقي بكره ياعمي لو سمحت
جميله جريت علي عاصم وهي بتعيط: ابوس ايدك يابابا اوعي توافق عشان خاطري انا بكرهو و مش بحبه وكلكو عارفين اني بحب فهد بلاش تعمل فيا كده ارجوك
عاصم مردش عليها وهي عياطها بيزيد وبصت لباسم واتكلمت: ترضاها علي نفسك يابن عمي تتجوز واحده مش بتحبك ومش طيقاك وبتحب واحد تاني وكمان اخوك
باسم ببرود : اه ارضاها عادي
سعيد بغضب : بس ياحيوان انت معندكش نخوه ولا كرامه
باسم : جميله بالنسبه لفهد ابعد من نجوم السما وهتجوزها يعني هتجوزها
جميله هنا واتعصبت جامد وضربته بالقلم وسط صدمه الكل
وداد : يلاهوي ايه اللي انتي عملتيه ده ؟
جاسر : لو سمعت صوت حد فيكو هقتلو مهما يكون ( بص لباسم بعيون كلها شر وكره ):
جوزاك من اختي بقي مستحيل بعد كلامك ده ولو شوفتك بتبصلها بس مجرد بصه هتصرف معاك تصرف ميعجبش حد خالص ولحد ماهي وفهد يتجوزو ويسافرو مش عايز اشوف وشك في البيت نهائي لأن الظاهر كده سلسال عيله النمر بقي في حد معندوش دم ولا كرامه
عاصم بغضب : انت اتجننت يا جاسر بتعلي صوتك وبتاخد قرارات كده من دماغك وانا موجود
جاسر : مش قصدي يابابا بس انا قولتلكو مليون مره مهما كانت المشاكل والخلافات اللي بينا ومهما يحصل البنات ملهمش دخل واي واحده فيهم تطلب اي حاجه تتنفذ فورا وليهم حريه الاختيار في كل حاجه وجميله هتتجوز فهد وده اخر كلام عندي
جميله اترمت في حضن اخوها وهي بتعيط: شكرا اوي يا جاسر ربنا يخليك ليا
جاسر : بس خلاص متعيطيش وكل اللي انتي عايزاه هيحصل
نغم بتريقه : وده من أمتي العقل ده كله يابن عمي ؟!
جاسر ببرود : من دلوقتي يبنت عمي وكلامي ده ليكو كلكو وشوفي زميلك اللي قولتي عليه أنه عايز يتقدملك عايز ييجي امتي وعرفينا عشان نبقي في استقباله
نغم بغضب مكبوت: ماشي يا جاسر ماشي ...
وداد : والله وعرفتي تربي يا منال عشان بنتك تمد اديها علي ابن عمها
منال : ابنك هو اللي غلطان من الاول وكان عارف وكلنا عارفين أن فهد وجميله بيحبو بعض من زمان ومع ذلك برضو استغل سفر اخوه وراح خطبها
حنان : وابنك انتي كمان يا منال مش غلطان ؟
منال : غلطان والغلط راكبه من ساسه لراسه بس مش بايدي حاجه اعملها
حنان بغضب: يعني عجبك كسره قلب بنتي كده ، عجبك الطريقه اللي هو بيعملها بيها
منال : طب اعمل اي بس ، مانتو كلكم عارفين جاسر وعارفين اد ايه دماغه ناشفه وعمره ما بيقول اللي حاسس بيه ابدا
حنان كانت لسه هتتكلم بس وداد قاطعتها: هو انتو سبتو مشكله عيالي ومسكتو في مشكله جاسر ونغم ،ابني اطرد من بيته وانتو واقفين تتفرجو
حنان: احنا ملناش دخل بالموضوع ده روحي اتكلمي مع جاسر يمكن تعرفي تقنعيه ...
( في شركه عبدالرحمن النمر )
رحيم: ها يا سعد في اخبار جديده ؟
سعد : عرفت أن في واحد زميلها في الشغل عايز يتجوزها بس هي رافضه وكمان عرفت أن الشركه الي هي شغاله فيها تابعه لخالك عاصم باشا
رحيم : تابعه لخالي ازاي ؟
سعد : صاحب الشركه كان واخد قروض من البنك وجه عليه فتره شغله وقف ومقدرش يسدد تمن القروض دي وخالد ساعده وسددله كل القروض ودخل معاه شريك
رحيم : تمام روح انت
سعد : ماشي يا باشا عن اذنك..
رحيم لنفسه: وبعدين معاك يا رحيم هتفضل تفكر فيها كدا لحد امتي ؟! دي واحده خانتك وداست علي كرامتك عايز منها اي تاني وليه مستنيها ، انسي بقي وشوف حياتك انسي ...
( في قصر النمر)
سعيد : تقدر تقولي انت ازاي تطرد باسم من البيت مين ادالك الحق في كدا ؟
جاسر بهدوء: والله ابنك غلط وده أقل عقاب ليه ، وبعدين ياعمي انت تحمد ربنا اني مقتلتهوش
سعيد : علي فكره ده مش بيتك يا استاذ جاسر عشان تطرد منه اي حد كده بمزاجك
جاسر : لا بيتي وكلكو ضيوف ياعمي وانا اللي اقول مين يقعد ومين يمشي
خالد باستغراب : يعني اي ؟!
جاسر ببرود : اصل انتو شكلكو نسيت أن جدي الله يرحمه كان كاتب القصر ده باسم ابويا عاصم باشا النمر ، وبابا كتبه باسمي فده بيتي انا
صفاء بعصبية: نعم يا خويا ؟!
خالد وسعيد: عملتها يا عاصم (وخالد كمل ) : يتكرر ظلم ابوك لينا تاني يا عاصم ، الكلام ده حصل أمتي وازاي
صفاء : ما تتكلم يا عاصم باشا
عاصم : افندم عايزني اتكلم اقول ايه
سعيد : تقولنا ازاي حضرتك تكتب القصر باسم ابنك ، بتظلمنا تاني وبتظلم عيالنا ليه؟
عاصم : ما بلاش نفتح في الدفاتر القديمه يابن ابويا
هنا سليم هو اللي اتكلم : لا ياعمي افتح وقول كل اللي عندك عشان انا لو مخدتش سبب مقنع للظلم ده قسما بالله هخليها حرب ومش هرتاح غير لما تشوف ابنك جثه قدامك
عاصم بغضب : انت تخرس خالص وبلاش تهديدك ده ليا بالذات
سليم : طب خلاص اتفضل فهمنا باي حق تكتب القصر باسم ابنك
عاصم بص لاخواته: في حد فيكو ليه حق وانا معرفش
سعيد : نعم يعني ايه ؟
صفاء : قصدك ايه مش فاهمه ؟
عاصم بهدوء: قصدي أن اللي ليه حق فيكو يدور عليه والقصر ده محدش فيكو ليه حق فيه اصلا واكتبه لجاسر أو اولع فيه أو ابيعه محدش فيكو ليه دخل اصلا
خالد بعصبيه : بطل ظلم بقي يا اخي حرام عليك طول السنين دي مستقوي القلب علي الكل وعامل حجتك انك الكبير وبتدي اوامر وخلاص ، عيالنا كرهو بغض بسببك وبسبب عمايلك
عاصم: بسبب عمايلي انا ده علي اساس انكو ملايكه مش بتغلطو صح ؟!
سعيد: ومين اللي غلط فينا الاول وراح قتل واحده ملهاش ذنب في اي حاجه غير أن اخوك حبها وهي حبته مش انت يا عاصم
جاسر وسليم في نفس الوقت: يعني ايه ؟
سعيد : يعني اللي انتو متعرفهوش أن الاخلافات اللي بين عيلتنا وبين عيله ابو جبل كانت بسبب أن عاصم باشا زمان قتل اخت حسانين بسبب أن هي وخالد كانو بيحبو بعض وطبعا والدي المحترم الله يرحمه كان عنده شويه مشاكل في الشغل بينه هو وأبو حسانين وعشان كده رفض أن خالد يتجوز بنته ولما خالد خرج عن طوعه وقرر يتجوزها من وراه اتفق مع عاصم باشا أنهم يخلصو من البنت ولما وقفت في صف خالد وعارضتوه قرر أنه يحرمني من الميراث انا وخالد وراح كتب كل حاجه باسم عاصم (كمل بتريقه ) : ومن كرمه وعطفه علينا قاله القصر ده الوحيد اللي هيبقي لاخواتك الحق فيه وبس عرفتو دلوقتي في ايه وكل الخلافات دي بسبب ايه
سليم بذهول : والله برافو عليكو عيله تشرف ، وطبعا عشان كده حسانين قتل جدي صح ؟
صفاء: ايوه بالظبط كده
جاسر بص لابوه : يعني كل المشاكل والخلافات دي بسببك انت وطول عمرك مكرهني في اعمامي وولادهم وتقولي الحب ضعف ، حرام عليك
لسه عاصم هيتكلم بس قاطعو دخول الخدامه عليهم : جاسر باشا جودي هانم تعبت فجأه واغمي عليها والبنات بيحولو يفوقوها مش بتفوق ..
ـــــــــــــــــــــــــــــــــــــ
( يا تري جودي مالها وهل هيلحقوها ولا لا ؟ ويا تري جاسر هياخد خطوه جديده في علاقته بنغم ولا لا ؟ مستنيه توقعاتكو ورأيكو وعايزه تفاعل من الكل ، ولسه اللي جاي تقيل.صراع النمور بقلم:منه محمد)
