"لعنة الحب"

صدمه..!

في يوم جديد في الجامعه كانت ملك بتتكلم مع ساره و نوح و مليكه في محاضره ملك:طب عملتي ايه؟
ساره:قلت مبدهاش بقى و قمت جايباها من شعرها و نزلت فوقيها و نتفتلها شعرها شعرايا شعرايا
ملك:احسن تستاهل الملزقه دي.!
ساره:اه صحيح انتي قلتي حاجه لادهم بخصوص الي حصل امبارح؟
ملك:متفكرنيش لانه اصلا مرجعش امبارح
ساره:مرجعش؟ وانا كمان اسامه مرجعش امبارح!
ملك:غريبه يعني
ساره:ممكن يبقى عندهم مهمه؟
ملك: ممكن!
...................
وفي مكان تاني جوه المحاضره كان الكل قاعد مستني الدكتور يدخل و الي محدش بيطيقه اصلا! اتفتح الباب لكن الي دخل مكنش الدكتور والي دخل قال:الدكتور منصور مش هيديكم لفتره و ده لانه تعبان لفترة ف الي هيديكم دكتور جديد و هيجي كمان 5 دقايق!
وما ان خرج الا و صرخ الكل مهللين و بعد شويه دخل حد المدرج و كان الدكتور بس محدش خد باله بسبب الدوشه و كان نوح قاعد جمب مليكه و كانوا بيتكلموا عن حاجه ملهاش لازمه تتحكى دلوقتي او تتحكى اصلا الدكتور: انتباااه
الكل انتبه معاه و هو قال و كمل الدكتور و قال:طيب يا شباب انا الدكتور اسر المسيري والي هيديلكم التشريح..!
مليكه:والله خساره
نوح:خساره ليه؟؟
مليكه:خساره في الماده!
نوح: يا بت احترمي نفسك
مليكه: حاضر و ركز بقى
و بعد ساعه قال اسر: حد عنده اي اساله؟
قالت واحده: دكتور ممكن اسال سؤال هو شخصي شويه بس حضرتك عندك كام سنه؟
اسر: انا عندي 28 سنه حد عنده سؤال تاني؟
واحده تانيه: طب حضرتك مرتبط؟
اسر: هو شخصي شويه بس لا مش مرتبط!
مليكه: حلو حلال عليا
نوح: هو ايه ده الي حلال عليكي؟
مليكه: بوكس الشوكولاتة طبعا!
نوح: بوكس الشوكولاتة؟
مليكه: اه ليه؟
نوح: انتي بتعملي ايه؟
مليكه: بكلم اسامه
نوح: بجد هو فين؟ واساليه ادهم فين؟
مليكه: هم بيقولوا انهم في المبنى!
الدكتور: طيب دلوقتي المحاضره خلصت اقابلكم المحاضره الجايه!
نوح: تعالي نطلع يلا!
مليكه: يلا
نوح و هم ماشيين: قولتي بقى هم فين؟
مليكه بصوت واطي: مبنى المخابرات
نوح: غريبه امال ليه مرجعوش امبارح؟
مليكه: ياعمي تلاقي كان عندهم شغل ولا حاجه
نوح: يمكن اصل يعني ملك معملتش رد فعل بس برضو انا عايز اعرف بوكس الشوكولاتة ايه الي حلال عليكي؟
مليكه: هو ده الي همك؟
نوح: اه
مليكه: لا ولا حاجه بس هو كان عايز حد يبعد البت سوزي عنه وهيديله بوكس الشوكولاتة وانا قمت قايله يبقى بوكس الشوكولاتة حلال عليا
نوح: طب اساعدك و تديني نصه
مليكه: يوك(لا بالتركي🙂)
نوح: طب عشان خاطري
مليكه: ما تولع انت و خاطرك
( طحن الخواطر)
نوح: طب والله لاقول لتولان تجيبلي شكولاته و هي جايه و مش هديكي فتفوته
مليكه: طب ما تخليها 50 50
نوح و هو بيقلدها: يوك
مليكه: هو فين ملك و ساره هم مش قالوا هنلاقيهم هنا؟
نوح: اه بس ممكن يكونوا غيروا مكانهم
مليكه: ممك.... اهم هناك!
وبالفعل راحلهم ولقوا ملك واقفه و وشها اصفر مليكه بقلق: في ايه؟ و ملك مالها؟
ساره:وصلتلها رساله من جيكوب و رجعت بالاحداث لوره
Flash back
كانت ساره و ملك بيتكلموا و وصل لملك رساله ساره بفضول:مين ها مين؟
ملك باستغراب: من رقم غريب
ساره: طب اقرائها!
ملك: دي بالالماني و مكتوب"عزيزتي ملك انا جيكوب ماذا الا تتذكريني ام ماذا حسنا لا باس انا اعلم انك ستتذكريني لكني اردت ان اذكرك انك لي لي وحدي ولن تكوني لغيري هيا عزيزتي اهتمي بنفسك حتى اخذك لا تقلقي لن اتاخر! "
ساره: يا نهار فوشية
ملك: ط. طب هنعمل ايه في المصيبه دي؟
ساره:اعتقد لازم تقولي لادهم
ملك: بس انا مش عايزه اقلقه
ساره: لا اقلقيه اقلقيه يا ملك عشان مش هتقوليله و فالاخر هنندم كلنا عشان مقلناش قوليله من الاول!
ملك: حاضر هقوله!
Back
ساره: بس كده!
مليكه: طب انتي كويسه؟
ملك: حاسه اني دايخه بس
نوح: طب تعالوا نقعد!
ملك: حاسبوا من قدامي
و طلعت ملك تجري على الحمام ساره: في ايه يا ملك انتي كويسه؟
ملك: عادي عادي خت برد بس!
ساره: برد؟
مليكه: برضو والله انا شاكه انه مش برد!
ساره: اشمعنى؟
نوح: اصلها بترجع من امبارح بس مش عارفين ليه و صاحبتك دي كل شويه تقولك "مجرد برد مجرد برد"
ساره: طب ما نروح نشوف..!
ملك: يابنتي انا كويسه ده مجرد برد!
نوح: اهو شوفتي!
ملك: طب يلا نروح!
بعد شويه مليكه:ملك مالك وقفتي ليه؟
ملك ملكككك
اما ملك كانت وقعت على الارض ساره: شيلها يا نوح بسرعه نروح المستشفى!
بعد شويه كانوا وصلوا المستشفى نوح: ترولي ترولي بسرعه!
و دخلت ملك اوضه الكشف بعد شويه طلعت الدكتوره من جوه وقالت: حضراتكم تقربولها ايه؟
مليكه: انا اختها وده اخوها ودي بنت عمها فيها ايه؟
الدكتوره: المدام عندها قله تغذيه و ده غلط على صحتها هي و الجنين!
ساره: ايه؟ صحتها هي ومين؟
الدكتوره: هي والجنين اصل المدام حامل!
الكل: ايه حامللل؟
............................
صدمه مش كده لا اتعودوا بقى على الصدمات عشان لسه في كتييير جاي😂و مقلكمش بقى عشان لو كملت احتمال اقول ايه الي هيحصل و بس فوت بقى عشان نكمل و اسفين لو البارت قصير بنسبالكم بس والله الاحداث لسه بدري عليها و متنسوش تقولوا رايكم في السرد و متنسوش تاني✨
Follow me ✨
لَعْنَةُ الحُبْ
بقلم:Mona