"لعنة الحب"

عوده الحياة زي ما كانت+النهايه!

( ايوه ايوه البارت ده ليه اسمين عشان انا عايزه كده🤡)
...............................
ملك: ايييييههههه!
بعد ما قالت الكلمه دي طلعت تجري على الاوضه الي ادهم فيها اوضه العمليات دخلت بسرعه و وقفت جمب ادهم و هي عماله تهزه و هي بتقول بانهيار: ادهم ادهم قوم قوم عشان خاطري قوم بقى ط طب مش تقوم عشاني قوم عشان ادم و كارما و نيره و محمد طب عشان بناتك ايوه ايوه هم تؤام قوم بقى لوسمحت ادهمممم
بعد ما قالت كده بصت حواليها و لقت جهاز الصدمات الكهربائية جابته و حطته على ادهم و كررت كده اكتر من مره لحد ما الدكتور شدها جامد وقال انه خلاص
مات

ملك: لا لا هو مامتش
و كررت الي بتعمله تاني لحد ما سمعت صوت جهاز نبضات القلب و كان في نبض بس بسيط بص الدكتور لملك بصدمه كارما بعياط و هي بتحضن ملك: شكرا شكرا اوي يا ملك انا انا بجد مش عارفه اقولك ايه
وكملت بعد ما حست ان ملك مش عارفه تقف: ملك ملك انتي كويسه
اما ملك كان اغمى عليها بسبب التعب حاولت كارما تشلها بس مكانتش عارفه جري نوح و شالها بسرعه و ودوها اوضه الكشف و بعد شويه طلع الدكتور و قال: هي كويسه دلوقتي بس اغمى عليها من التعب و الضغط ده غير انها حامل

راحت مليكه لابوها ماهر و قالت بانفعال: ممكن تفهمني انت ازاي عايش و كنت فين كل ده
جيكوب: اهدي يا ملي
مليكه: اششش اسكت انت يا جيكوب
و بالفعل سكت جيكوب
( مسيطره همشيك مسطره احم احم كملو كملو)
مليكه: ها كنت فين و هل بقى ماما كمان عايشه زيك ولا ماتت بجد؟

ماهر: انا عايز اشوف ملك الاول
مليكه: لا مش هتشوفها
نوح: خلاص يا مليكه بقى
مليكه: مش خلاص يا نوح مش خلاص انت عارف كويس ان ملك بعد الحادثه كانت عامله ازاي و انها كل يوم كانت بتعيط عشان فاكره انها هي السبب في موتهم
ماهر: حادثه؟ حادثه ايه؟ احنا معملناش حادثه اساسا
مليكه بعدم فهم: نعم؟ قصدك ايه بان انتوا معملتوش حادثه امال مين الي كان معاها في العربيه خيالكوا

اسامه والي كان لسه خارج من اوضه ملك: ملك فاقت!
دخلو كلهم بسرعه و قالت ملك بدموع: فين ادهم هو هو كويس صح
مليكه بحنيه: ايوه يا روحي هو كويس
ملك: بابا انت كنت فين و هي ماما عايشه؟
ماهر: اه عايشه بس هو ايه موضوع ان احنا عملنا حادثه ده؟
ملك: يعني انت مش فاكر الحادثه لما كنت انا و انت و ماما خارجين و واحنا راجعين عملنا حادثه كان يوم 11/6

ماهر: انتي بتقولي ايه احنا يوم 11/6 ده اصلا كنت مسافر انا و مامتك عشان في مشكله في الشركه الي كانت هناك و اول ما وصلنا مطار روسيا اتخدرنا و مامتك موجوده في روسيا لسه
ملك بصدمه: امال مين الي كان موجود معايا في العربيه
ردت واحده من وراهم و قالت: كانوا رجاله محمود باشا
اسامه: انتي مين؟
البنت: انا كيارا محمود الليثي!
مليكه بغضب: وانتي ايه الي جايبك هنا
جيكوب: مليكه كيارا هي الي ساعدتني عشان اطلع عمو ماهر من هناك