"لعنة الحب"

البداية✨

كانت ملك و ادهم نايمين دخلت عليهم مليكه و كانت داخله ب بطئ و حرص و كان فاديها حاجه دي........
دي صواريخ ولعت مليكه الصواريخ و رمتها جمب السرير وطلعت
ثانيه....
اتنين....
تلاته و.....
بوووم صوتت ملك و وقع ادهم من على السرير وكان شكلهم مسخره و كانت مليكه قاعده بتصورهم و اول ما قاموا و طلعوا وقعوا تاني بسبب الكور الصغيره
ادهم بغضب:مليكهه
قفلت مليكه التليفون و طلعت تجري نوح:عملتي ايه يا مصيبه
مليكه ببرائه مصطنعة:انا معملتش حاجه هو الي معصب نفسه مش عارفه ليه؟
ادهم من وراها: مش عارفه ليه طب تعالي اعرفك
                     ( بعد 20 دقيقه)
مليكه بنبره شبه بائكه:ادهم... ادهم ماتنزلني بقى وخلي قلبك ابيض...
ادهم بهدوء:لا.. انا قلبي اسود يا ستي....
ملك:نزلها عشان تروح الجامعة
مليكه:جامعة هه لا جامعه ايه خليني كده احسن.. 

تعالوا بقى اقلكم الوضع كانت مليكه متعلقه فالمسمار على الحيطه و قدامها السفره و موجود عليها كل من نوح و ملك و ادهم
ملك: يلا عشان تجهزي نزلها يا نوح...
و بالفعل نوح نزلها و جهزوا نفسهم....
                         ( في الجامعة )
كانت ملك بتتمشى و هي سرحانه نوح:الحلو سرحان في ايه....
ملك بشرود: لا عادي بس كنت بفكر في حاجه...
اتنهد نوح بيأس و قال:ما تنسي بقى يا ملك...
ملك بسخريه: هه انسى؟ انسى ايه ولا ايه؟
نوح: ملك مش انتي السبب مش انتي السبب افهمي بقى افهميي...!
ملك:لا انا الي اصريت نخرج في اليوم ده..
نوح:مهو هو قال انه راح على الفيلا الاول يعني كان هيحصل كده يعني كان هيحصل...!
مليكه: خلاص يا نوح سيبها دلوقتي....!

بعد ما خلصوا المحاضرات ساره:مليكه هي ملك متخانقه مع ادهم ولا ايه؟
مليكه:لا ليه؟
ساره: اصلها مخنوقه كده...
مليكه:مانتي عارفه بنت عمك ايه رايك نفرفشها؟
ساره:هنرجع للشقاوه تاني؟ 
نوح: يعني هو احنا كنا سبناها اصلا؟
ساره:لا يلا؟
نوح و مليكه: يلا...!

بعد شويه كانوا كلهم في الفيلا و كانوا بيقرروا يعملوا مصيبه مليكه:ملكك يلا بقى تعالي معاناااا
ملك بزهق من زنها:مش عايزه يا مليكه مش عايزه...
مليكه: خلاص هنروح نعمل مصيبه لوحدنا
ملك:مصيبه؟
مليكه: اه مصيبه ايه هتيجي؟
ملك:طلامه فيه مصيبه يبقى انا جايه...
( بيعشقوا المصايب😂)

بعد شويه كانوا كلهم بيتمشوا عشان يعملوا مصيبه
ملك:احنا تهنا ولا انا بتخيل؟
مليكه: على ما اعتقد اه..!
نوح:طب ايه؟
ساره:تعالوا من هنا انا عارفه المكان...
ملك: يا جدعان المغرب قرب يأذن المفروض نروح..!
ساره:طب هنعمل ايه؟

و فجأه ظهر قدامهم عربيه و خرج منهم رجاله ملثمين لا اسفه رجاله ايه دول دواليب بشريه و قال واحد منهم باللغه الالمانيه:من منكم السيدة ملك الالفي...!
ساره:الله ياخدك عملتي ايه خليتي فوق 6 عمالقه عايزينك؟
ملك: وربنا ما عملت حاجه!
الرجل:لن اكرر سؤالي من منكم السيدة ملك الالفي.؟
ملك: انا هي ماذا تريدون مني؟
الرجل:فقط اراد ان يخبرك سيدي انك ستكوني له قريبا...!
ملك بارتباك:و من هو سيدك هذا..؟
الرجل:ليس لدينا اوامر لاخبارك سيدتي....! لكنه قال لنا ان يخبرك فقط انك ستكوني له قريبا جدا...!
ملك:انا مش متطمنة...!
ساره:ولا انا والله بس هو فيه حد عايزك؟
ملك:لا مفي... يا رب ميكونش الي في بالي...!
ساره:مين الي في بالك؟
ملك بتوتر:ج جيكوب اكارسو.....
ساره:لا لا اكيد لا..!
مليكه:انا بأمل انه يكون لا فعلا...!
نوح:لازم ادهم يعرف.!
ملك:لا لا بلاش بلاش عشان خاطري محدش يقول حاجه!
نوح:بس هو لازم يعرف!
ملك: بلاش دلوقتي عشان خاطري...!
مليكه: طب يلا نروح طيب!

و بالفعل روحوا كلهم و راحت ساره على بيتها و تاني يوم راحوا الجامعه عادي..... كانت ملك مش مركزه مع الي هم بيقوله و كانت سرحانه في الي حصل امبارح..!
ساره بقلق:ملكك انتي معايا؟
ملك:اها؟ اا اه اه معاكي...
ساره: متاكده؟
ملك: اه متقلقيش..!
ساره وهي بتحاول تلطف الجو:الساعه كام؟ يلهويي قومي يا بت علينا مستر ماصوره قومي ده لو اتاخرنا دقيقتين هيطردنا قومي بسرعه....

نسيبهم هم مع مشاكلهم و نروح في مكان تاني في مبنى المخابرات كان اسامه قاعد في مكتبه و دخل عليه ادهم و قال:قوم بسرعه اللواء عايزنا اخلص..!
اسامه:ليه عايزنا في ايه؟
ادهم: يابني انا ايش عرفني كان حد قلك اني بقرأ الافكار؟
اسامه:انت ملك عدتك ولا ايه؟
ادهم:يلا يابني ده ممكن ينفخنا..!
اسامه:جاي جاي امشي انت بس...

و بالفعل راح اسامه و ادهم اوضه الاجتماعات و اول ما دخلوا لقوا هناك اللواء محمد الشرقاوي و جمبه واحده اسامه و ادهم ميعرفوهاش وادوا التحيه العسكريه و قعدوا و قال اللواء:طبعا انتو عارفين ان الوفد الالماني جاي مصر و برضو عارفين ان فيه عمليه كبيره اوي هتتعمل و هيسلموا فيها ممنوعات و بنات و اسلحة و اعضاء وان الوفد برضو مستهدف ف انتوا و باقي فاريقكوا هتتعاونوا مع المقدم نور محمد المسيري و فريقها ف ان شاء الله هتيجوا بكره كلكم عشان تتعرفوا على بعض و تشوفوا هتعملوا ايه في المهمه مع العلم وقت التسليم هيبقى يوم الاتنين الاسبوع الجاي الساعه 7 المغرب..ف ياريت توقفوها..!
كلهم:واحنا اكيد هنبقى عند حسن ظن حضرتك...
وقاموا كلهم و ادوا التحيه العسكريه و مشيوا و عند اسامه وادهم اسامه:هتعمل ايه دي ملك لو شمت خبر انك هتشتغل مع بنت هتعمل منك شاورما...
ادهم بلامبالاه:خليها على الله...!
...............................

عايزه اعرف منكم كام حاجه كده ايه رايكم في السرد و الاحداث هل هي مشوقه بنسبه ليكم و يا ترى في ليكم تعليق على الروايه او احداثها؟
اتمنى بجد تكون عجبتكم وتكونوا حبيتوا الاشخاص و السرد( ولاواني اشك في الحته دي)بس ان شاء الله تحلوا و تعجبكم... ✨
فوت بقى عشان اكمل و متنساش
Follow me ✨
...............................
لَعْنَةُ الحُبْ..
بقلمMona