منقذي الضابط⚛️

بارت 2

مرام : دقائق من الصمت وبالي امي ومرتضى شصار بيهم ادك بلباب ماكوووووو ميفتح شويه وفتحه ابويه طلعت اركض ادور امي ومرتضى من شفت دم بلكاع لطمت ع وجهي بكل قوتي احس فقدت انهاريت ركضت عليهه ويننننن اميييي واخويه ويننن يا مجرمممم وين وديتهم ضربني راشدي وكعت بلكاع واني اشهك ومكال وين امي ولا اخويه ضليت كاعده يم لدم ركضت للغرفه جبيت قطعت قماش لون ابيض مسحت لدم ركضت لغرفتي طلعت لشسوار واحس تصرفاتي مالت مخابيل نشفت لدم ع قماش شديته ع يدي حضنت نفسي وبجيت خسرت كلشي خسرت امي واخويه ماماااااااااا وينجججججج ماماااااااا مرتضى يروححححح اختك وينكمممككمم اخخخخخخ الهييي ليش هيجججج اخويههههه انجنيت ماخليت شي بلغرفه كله شيل وشمر غفيت مدري اغمه عليه كعدت صبح مهزوله كمت بدلت وطلعت للمدرسه بدون اكل واني وجهي قطع ازرك بعد اكثر امشي واني فاقده بدون وعي وقطعت القماش شديته ع يدي وحاضنتها ع كلبي ماحس غير واحد سحبني من ايدي باوعت عليه ولد بس اول مره اشوف هيج يحجي وياي اسمعه بس احس فاصله عفته ومشيت شويه حسيت صوفرت أذني وبعد ماحسيت بشي
ππππππππππππππππππππππππππππππππππ
في مكان اخر
علي : كاعد بمكتبي واجتني مهمه بكركوك ع عائله يتاجرون مخدرات بلبدايه ضجت لن راح اعوف بغداد بس بعدين لا تخليت كدام امر الواقع رحت للبيت سلمت ع اهلي وبدلت وكلت لهم طبعن امي ولبنات ضلن يبجن عبالك راح اموت بلكون شلعت نفسي منهن واني روحي تطلع من اشوفهن يبجن طلعت بسيارتي لكركوك ولحمدلله وصلت بسلام رحت للمركز لي راح شبه ابقه بي منه عمه نلقي لقبض عليهم قربت كلشي بلقضيه ولازم واحد يراقب لعائله كلها عرفت عنونانهم بلشت اراقب بلبيت عرفت انو لي موجودين للبيت فقط 4 نفرات بنيه ولد ولام ولاب بيومها وكفت بشارع قريب ع مدرستهم طلعت لبنيه كلش حلوه وناعمه وصغيره عيونها بلكاع وتمشي ضليت امشي وراها بالسياره اضن من شافت سياره لاحكتها خافت لن استعجلت طبت لبيتهم ومن يومها اني احقق وادور ع دليل حته نثبت لتهمه عليه ركزت بلبيت واني بلفرع مالتهم اريد اعرف شيصير بلبيت بس صوت طلقات مسدس طلقتين و طلع طفل يركض يطلع بعمر ل3 سنوات أو اكثر خايف لدرجه نزلت من سيارتي عليه يدك باب ويبجي معينه ع بيتهم رحته شبيك بابا صفن بوجهي اضلن مايحجي ليش خايف بابا
مرتضى: يليد يتلني بابا
علي : مافتهمت شكال كتله شبي بابا
مرتضى: اتلني يليد وثغدت
علي : افتهمت يكتلني يريد بس شنو لاخيره
مرتضى: ثغدت ملومه ضلت اتلها وماما هم
علي : تعال وياي اخذته السياره كعدته بلصدر يمي يله احجيلي شنو لي صار وليش تركض وليش يكتلك بابا وشنو صوت أطلق وشنو اسمك
مرتضى:اني متضه (اني مرتضى)
علي : مرتضى
مرتضى: ي
علي : شنو صوت أطلق لي نطلق من بيتكم
مرتضى: بابا
علي : شبي
مرتضى: دلب ماما انه وياشرع راسه
علي : بيش ضربهاوليش واني بالي معقولة كال مرته
مرتضى: بلته (بلطه عود مسدس بلهجته )
علي : ليش زين اختك وين
مرتضى: ملومه اتلها بابا و يهليها بمئتن بلتلمه(مرومه اكتلها بابا ويخليها بلمخزن بلضلمه)
علي : تروح ويايه
مرتضى: ي
علي : حركت لسياره وكبل اخذته للشقه مالتي لي ماجرها طلعت صمون وعندي اجبان حميت لجاي وانطيته اباوع شلون كام ياكل وحده بهدوء جبيت حلويات من لثلاجه ورجعت هاك حبيبي
مرتضى: هاتي ادمها لملومه وهاتي لي
علي: حرت وين اخلي شفته نعس صحتله اجه يمي كعد شلته وخليته بحضني وهوا كبل نام شلته وديته عجربايه هل طفل شنو ذنبا نومته ع يدي وهوا غفيت حسيت ع فزته كعدت شفته يبجي شبيك حبيبي
مرتضى: ئمو ملومه اسه وحدها خاف عيه (عمو مرومه هسه وحدها اخاف هيه)
علي : حضنته وضليت اقره قران ع راسه لمن نام اني هم نمت كعدت صبح كمت ع كيفي وهوا هم كعد باوع عليه شوف حبيبي ممنوع عليك الكهرباء اكل لثلاجه بيه طلع واكل ممنوع تطلع ضل باوع ع بلازمه ولباب ممنوع ينفتح واكل زين تمام حبيبي شويه واجي اني أخاف تخاف بابا
مرتضى: ئمو محاف أنه
علي: عفيهه بلبطل طلعت وقفلت لباب عليه وكبل رحت بفرعهم اريد اشوفها تطلع لو لا ركزت زين طلعت كوه تمشي وعينها بلكاع ويدها ع صدرها فات من يمي ولا باوعت اصلن انتبهت ع وجه ازرك كانو مضروبه مشت مشيت لسياره وراها نزلت اباوع عليه هاي شبيه ماحس غير اجتي سياره وهيه تمشي بتجاها مشيت عليه وجريته من يدها احجي وياها ولا كانو تسمع عافتني ومشت خطوتين وكع بلكاع شلته وكبل اخذته للمستشفى اخذوه لدكاتره ضليت كاعد واني افكر شنو لي صار طلع للدكتور تمشيت عليه
الدكتور : لبنيه متعرضه لصدمه قويه لدرجه انهيار عصبي يضربها ومتحس خلوها شويه بعد هنه خلي تكعد ونشوف تشكرت منه وضليت كاعد مر نص ساعه ماحس غير صوتها هرج لمستشفه وهيه تعيط ماما واخويه اباوع عليه نهارت لدرجه لمستشفه كله لتمت عليه رحت عليه احجي اريده بس تهده ماكو ثواني وكعت مغمه عليه شلته وهيه ضعيف بشكل رهيب خليته ع سديه وهيه تون علكوله مغذي ماكدرت اضل يمه خليت وطلعت ع شقه اشوف مرتضى طبيت واني اشوف شي صدمني...

يتبع...