منقذي الضابط⚛️

بارت 31

﷽
الضابط منقذي
تعليقات 📝
تصويت ⭐
مشاهدة ممتعه 🔥🐍
البارتت نار 🔥
____________________________________

ريم : غسل علي وجها شويه فتحت عيونها روحها رايحه كامت مرام فتحت الجنطه لي بيها هدوم مرتضى ومروج وطلعت كيك وعصير لها كعدت بصفها بدون صوت وصارت توكلها غصب وهند روحها رايحه من الوجع كامت تحجي وياها
مرام : يله يروحي بس شويه اكلي حبابه حته تشربين علاج يله هنوده عيوني
ريم : ماجابت علاجها
علي: ليش باباا مو انتيي مريضه غير تجيبينه
مرام :بابا جبته اني خليته بلجنطه
ريم: شوكت جبتي
مرام : من اجيت يمجن اخذته كالت اخاف تنسه
ريم : شكراا هواي مرومه والله اني عبالي نسته
مرام : وع شنو تتشكريني اختي هيه.
علياء : اني كاعده من يم هند من الصفحة الثانيه اجه اخوها عمر كعد كدامي وصار يحجي وياها حلوه حنيتهم عليهن باوعت عليه اشو هاذ صفن بوجهي له ريم كالت
ريم : جوعانههه يا جماعههه 
علياء: يم ماما اكو اكل
ريم : اححح تئري البي شنو لاكل
علياء : باعي سويت لفات مال كباب واكو عصير هم روحي ع ماما تطلعه وانطيهم
ريم : تعالي شنو خلي ابوسج  اخخ بودي اكلج
مصطفى: لا خيتي استري عليه  ماعندي غيرها
ريم : يمه لحب هاي شنو تعلموو ولكم يخوتيي
عمر : ولج بابا صوتج شبيج انتي
ريم : بيه كساح شنوو شبيك انته شاد وياي بابا تشوف ابنك لو لا
أبو علي: يي بابا اشوف
ريم : ويعني تقبلها هيج يحجي وياي
أبو علي: لا بابا ماقبل
ريم : اخ بعد كلبي نضومي
علياء : ههه ضحكنه كلنه عليه شلون محبوبه وتسوي أجواء تجننن  وحبابهه كلش وقويه  مصطفى صافن ع هند  بس ميرد احد يركز عليه  اني بيه طبع من نطلع طريق طويل نفسي تبقه تلعب وجع يصير بمعتي وحته ادوخ هاي من زمان من نطلع حسيت نفسي كامت تلعب شويه باوعت ع مصطفى مامنتبه لي طلعت تلفوني وكتبت له بابا نفسي تلعب  ماشاف التلفون لن يحجي ويا عمر  دكيت بس شال التلفون سديته يمكن قرأ الرساله اجه عليه ونضرات الخوف بعيونه عليه اجه يميكال
مصطفى: ها يروحي بابا تردين تستفرغين بابا تنزلين يروحي  محمددد كول لعباس خلي يوكف بساع 
علياء : وكفو السياره اجه عليه لزمني من اديه ومحمد من يدي الثانيه اول مانزلت كبل صرت استفرغ واني من استفرغ اختنك انطوني مي  شربت غسل وجهي محمد ولازم اديه يمسح عليهن له شويه رتاحيت يله يله رجعنه صعدنه ماخلوني اكعد غير بيناتهم كعدت بلنص بين محمد ومصطفى وهمه لازمين يديه الكشن صاير من كدام يعني وجهنه عليهم وهاذ أخو هند عمر صافن عليه كل شويه يصفن مااهتميت باوعت ع هند كاعده يردوها تكمل اكل لن علاجها قوي ومرام ترجف تريد بس تبجي وريم مخليه مروج بحضنها  كاعده تلعب بلتلفون مال اخوها وماما وخاله ام علي كاعدات يسولفن   حسيت نعست كالت مانام ضليت شويه كوه مفتحه عيوني كمت اغفي ومصطفى يحجي وياي غمضت عيوني وهمست بابا اريد انام كبل شالني  ونومني بحضنه راسي ع ع صدره باسني من خدي واني هم بسته وغمضت عيوني ونمت .
مرام : ضليت ويا هند وهيه صفحتها توجعها كوه تاكل مرتضى نام  يم خاله سناء ومروج بحضن ريم  وبعد معانات كوه يله خلصت الكيكه كوه تاكل طلعت علاجها من الجنطه وبطل مي طلعت علاجها كله مكتوب عليه من كل واحد حبايه خليتها وحده ورا الثانيه تشربها والحمدلله شويه صارت زينه  تحجي ويانه حضنتني واني مكزكزه عليه وهيه وبابا ثننهم يمي وبابا  باوعت ع علياء مصطفى مخليها بحضنه ومحمد نايم ع جتفه ومصطفى عيونه ع هند لي تضحك ويا علي مصطفى ومحمد وعلياء علاقتهم تجنن تكولون مو اخوه لا اب ابنه وبنته شكلهم يخبلون دعيت من ربي يبقون هيج تستاهل علياء هيج حنان
وبعد مدري كم ساعه بس احنه طلعنه بل 5 وهسه بل 11 ولن زدحامت فدنوب نزلنه سوه اسمع مصطفى يكعد بعلياء يكول لها
مصطفى: علايه روحي بابا بنتي عمري اكعدي يروحي وصلنه يله كومي عيوني
علياء : كعدت بابا
مصطفى: صح النوم يروحي يله تعالي ننزل عمري
علياء : بي
مرام : نزلها وهوا لازم اديها يخاف توكع اخذت مروج من ريم شلتها بيدي وهيه تباوع نامت شويه كعدت شابعه نوب ريم شالت الجنطه همه كدام يمشون واحنه لبنات وخاله سناء وعمه نمشي سوه مرتضى ويا بابا وتيم ويا عمو ناضم تمشينه وصلنه اللحضره جنه مشالله العالم هواي اكو وكلش حلوه نزلت دموعي بدون حته لا أدخل دخلنه الحضرت لامام الحسين عليه السلام عليه تخبل جنه ناس مو هواي فدنوب كعدت بصف الشباك بلكاع  وبجيت مهضومه ماكو امي وياي صرت احجي واشهك كل شي امي تحجي وتعلمني وتفهمني ع اهل البيت سلام الله عليهم واحجي ع ضلم ابويه لي وع ضربه بصوت ناصي مروج يمي ولبنات يم عمه وخاله سناء بيجيت  ودعيت ربي ولامام الحسين ياخذ حقي من ابويه لي ضلمتي  هوي بجيت حسيت وجن كل دموعه تشيل وجع وياها وبعد مدري شكد يله هدئت بس مهضومه اجي وحدي بعد ما جنت اجي ويا امي  شلت مروج قربتنا  وهمست شوف مولاي حته هل طفله ماخلصت من ضلم ابويه تيتمت كتلو اهلها مولاي بجاه السيده زينب عليه السلام  تاخذ حقي وحقهاا منه شلت مروج وكمت خليت مروج بحضن خاله سناء ورحت صليت وقريت مال زياره ورجعت اخذت مروج بحضني كالت خاله سناء يله نطلع طلعنه واني مدوخنه هلكد مابجيت لبنات وياي نمشي شفناهم واكفين تمشينه عليه كلنه اجه بابا يمي كال
علي : هاي شبيج يروحي
مرام : باوعتله مستهضمه هواي  وراسي يوجعني صار يمسح ع يدي ويكول
علي : يبعد عيوني بابا جبتكم حته تزورون وترتاحون يبابا شبيج ع شنو البجي
مرام : بابا راسي يوجعني
علي : ليش يروحي شو باوعيلي هواي يوجعج بابا
مرام : هزيت راسي بي
علي : هاي لن بجيتي والله باعي  بابا  تعالو نزور لامام أبو الفضل العباس ونطلع حته تاكلين وتشربين علاج تمام حبيبي
مرام : هزيت راسي بي شال مروج وانطاها لريم ودخلنه اني لازم بيد علياء وراسي احسه من امشي خطوه يريد يوكع كدامي دخلنه للحضره مال لامام أبو الفضل العباس عليه السلام وهل مره علياء ماعفتني كعدت بصف الشباك وبيجيت شكد ما مستفقده امي وعلياء تبجي وياي مره ورمره توسيني ضلينه تقريب نص ساعه واني ع بجيت الوحده عيوني كمت ماشوف بيهن من غواشهن كوه كمت ع حيلي وعلياء لازمتني بيدها حيل اخاف اوكع طلعنه واني مدوخنه لدرجه كل خطوه احس حيلي يرجف بيها وع دقيقه اوكع ولدوخه راسي يفتر طلعنه نمشي عليه اريد بعد مابيها اخطي الخطوه كبل كعدت بلكاع علياء كبل كامت تبجي من بعيد واجه يمشي الإنسان لي عوضني ع ضيمي اجاني بدون شي رفعني بيدي ثنين ذبيت نفسي عليه لزمني بيدي ثنين واخذني يمشي بيه واني اريد انام  دوخنت فدنوب بس كعدنه ذبيت نفسي بحضن خاله سناء وعلياء يمي وبابا يباوعلي بخوف من وره وجع راسي والدوخه كبل نمت .
علياء : نامت مرام بحضن ماما وعلي يباوعلها بخوف راحو جابو اكل وهوا راح يمها يكعد بيها  ويحجي ياها كعدت بس كوه مفتحه عيونها سندها يمه وكعد غصب عليه يوكلها اكلت شويه فتح بطل مي وانطاها حبايه وشربها مي  رجعت رأسها بحضن ماما وهم نامت لبنات يمي كعدنه ناكل اني جوعانه لن مامتريكه كملت لفتي وبعدني جوعانه صاحولي خواتي كمت كعدت بينهم انطاني محمد لفته ماقبلت اكل  هوا عاند له آكل اكلت كم لكمه وهوا هم خلصت كام شويه واجه بيده بيتزا وعصير باوعت ع مصطفى ضحك وكال
مصطفى: يله يروحي اكلي واشبعي بطونج
علياء: ضحكت وصرت اكل له مااسبعت يله بعد ماكالت اجه مرتضى كعد يمنه وكلته بيتزا اول ماكل كال
مرتضى: ائع مالت ملومه اتيب
علياء : ضحكنه كلنه عليه صدك مال مرام اطيب ضلينه كاعدين ومرتضى وتيم يلعبون ومروج حللتها ريم وضلت تحرك اديها ورجليها تخبل كالت امي
ام مصطفى: يمه علي مريتك صخنت
علياء : كام علي راح يم امي خله يده ع كصتها كام يحجي وياها
علي: مرام بابا مرام اكعدي بابا كومي موو احجي وياج
مرام : همم
علي: كومي حبيبتي يله موزين بابا
مرام : كعدت بس نفس لشي وعيوني يحركني هواي كمت افرك بيهن
علي: شو بابا شبيهن عيونج
مرام : يحركني هواي
علي: شو بابا فتحت عيونها صايرات دحمر دم وحته عينها لي جانت زينه صايره فدنوب ومنه مصخنه كومي بابا كومي اخذج المستشفى لصخام شوفي عيونج نكلبن دم
مرام : لا ماروح بابا فدوه
علي: بابا بس عيونج
مرام : ماريد
مصطفى: اخاف من الصخونه
مرام : ي
علي:لا من البجي 
علياء :يي هواي بجنت بلحضره
علي: ماكو اهنه صيدليه قريبه
هند : علاجي بي مال صخونه
علي: يي علوه وينه
هند : يم ريم
علي: رويمهه الجنطه
ريم: هاك حبيبي
علي: اخذت الجنطه طلعت علاج مال هند عدها مال صخونه لحمدلله جايبه العلاج كله مرام جان حرنه بيهن  طلعت لها علاج وانطيتها وهيه تطوطح بيدي استغفرالله شربت  وذبت نفسها عليه خلتها هند ع رجلها غمضت ضلينه كاعدين كل شويه اشوف صخونتها الحمدلله خفت الصخونتها ل2 فكتها الصخونه كعدت شويه زينه لحمدلله مابيها شي وهم رأسها كالت زين اخذتهن للمحلات لي هناك
علياء: شفت بنيه كاعده تلعب تخبل ذبيت تلفوني وجنطتي ورحت اتمشه عليه جانت برشه (لازم تعرفن شنو برشه ولي ماتعرف  لابرش يصير ابيض ثلج لدرجه وشعره أصفر وحته رموشه وحواجبه كله اصفر )  تمشيت وراها راحت يم مره كاعده لزمتها من يدها وبستها تخبلل جنها ملاك عيونها صفر تخبل بمعنه لكلمه سالتها شنو اسمج  كالت
اني زينب
علياء : عاشت لاسامي حبيبتي انتي ليش حلوه هلكد
زينب: وانتي هم خاله
علياء : عمري انتي وين اهلج
زينب: اني  وبيبي  اجينه
علياء : ها روحي يمهم لا تضيعين كلبي
زينب : شكرا خاله راح اروح يم بيبي
علياء : راحت تركض كمت اريد ارجع باوعت ورايه مادري وين راحو تمشيت ادور عليه هواي ناس تفتر واكو كاعدين  دموعي صارت تنزل ادور ععليهم ماكو ابد ماعرف وين جنه كاعدين دورت هواي مالكيتهم ضليت ابجي شفت مريه جبيره جلبت بعبايتها ع عيني خ خاله  ض ضيعت اهلي  خ خا خاله فدوه  ا اخاف اني
الحجيه: يا يمه وين ضعتي  يا حبوبه
علياء : خ ا خاله اريد خ خواني ودي  وديني عليه. ف فدوه
الحجيه : تعالي يمه امشيلنه اوليدي بره خلي يدك ع احد من اهلج
علياء :طلعت وياها واني فاقره بجي كوه اجر النفس وجسمي يختض اريد خواني وامي طلعنه  واني مجلبه بعبايتها طلعنه ع شارع سيارات هواي وعالم لي ينزل ولي يصعد هواي هواي  ضليت ابجي تبندت من البجي.
مرام : رحنه للمحات وبابا ويانه اني وريم وهند اشترن لبنات هواي شغلات واني اشتريت من شالات سود وفستان وقمصله ويا لمروج يجنن هواي اخذنه اشياء ورجعنه همه كاعدين كلهم اول ماكعدنه كال مصطفى
مصطفى: وين علياء
علي: مااجتي ويانه
محمد : شنو وينهاا لعد يمه مو كالتي راحت وياهن
مصطفى: ييي وينن راحت يمهه
ام مصطفى: يمه بنتي وين ولك عيني يمه وين بنتي علايه يمه
مصطفى: طلعت تلفوني دكيت عليه تلفونها بمكانها ركضت ادور عليه بين الزوار ومحمد وعمر وعلي وحته عمي ناضم يدور ويانه نهدحيلي ادور وماكو روحي كامت  تطلع من جسمي ملكيتها ابد اجاني محمد مثل السعفه زلمه طول بعرض يرجف عليه واني كلشي بالي له اخاف أحد يسويلها شي ماتختلط بأحد هيه هواي دورنه ماضل مكان مادورنه مالكيتها رجعنه عليهن بلكي  رجعت يمهن كلني امل بلكي رجعت لو كاعده بمكان وحدها خابت امالي من مالكيتها بعد ع طولي مابيه اوكف كعدت بلكاع حيلي مهدود اجاني علي وكفني ع طولي كوه ساندني وكال
علي: كوممم هاي انته القوي كومم شوف محمد شصار بي كوم والله نلكاها اخاف طلعت وحدها أخاف راحت تزور كوم مصطفى يخوي باوعلي كوم يله ذب ثكلك عليه لازمك اني امشي ندور بره كوم
مصطفى: صارت عيني ع محمد يرجف وكاعد يم امي يهد بيها دك تلفوني رقم غريب كبل ردت  الو
المتصل :الو هلا اخويه تكدر تنطيني مكانك رضيعتك يمنه تدور عليكم
مصطفى: وين انتو بيا مكانن اني  اني اجيكم يي جايي اندلهه جايي والله يي سديته كوممم محمد لاكينهاا كومم نجيبهاا ركضت ومحمد وعمر وعلي وراي ركضت بكل حيلي  وصلت للمكان لي كال عليه شفتها واكفه يم مريه جبيره وتبجي ركضت عليه سحبتها وحضنته حيل وهيه كبل شهكت وكالت
علياء : ب ابابااا
مصطفى: روحه وكلبي لي يدك موتين عليه والله هديتي حيلنه وين رحتي
علي: وصلنه لهم ركض محمد حضنتها يبوس بيها وهيه تبجي وتشهك بحضنهم  يبوسون بديها تشكرو من الولد والحجيه لي ماخذته جابوها واجوي يمشون وهيه صاره حمره من البجي مشت شويه وماعت روحها وكعت بحضن مصطفى تخبل هوا ومحمد عليه ركز عمر جاب مي واجه وده لهم غسلو وجها شويه فتحت عيونها وهم رجعت تبجي هواي تخاف شالها محمد مصطفى كوه كام يخطي الخطوه اعرفه ضغطه صاعد من خوفه وعياطه ولهبطه  رحنه عليهم  محمد خلاها ع رجله ماانزلها ابد خلاها وكعد يحاجيها بصوت ناصي وهيه مجلبه بي مرام تبجي وهند وريم عبالك شنوشكو كوه سكتن اخذت امي للسيد  نعرفه من زمان صار يقره عليه هواي ضل يقره قران وادعيا كال
السيد : ابني والدتك متعرضه للسحر من ناس قريبين لها
علي: دخيلك سيد شسويلها بهيج حاله
السيد : انطيها حجاب تلبسه وددعاء تخلي بطل مي وتشربه ومي تسبح بي وكل يوم جمعه تخلون ملح بطل جبير مال ببسي وترشون البيت كله ونشالله باذن الله تطيب
علي: تشكرت منه صار يكتب لها لادعيه ولمي حضره لها اخذته وحاسبته وطلعنه عليهم عباس بعده يزور خابرنه كال شويه ويجي وطلنه لهم كاعدين  ومصطفى ماكو خليت امي تروح يمهم ودكيت عليه رد صوته فدنوب  ماكال وين يكول اريد ارتاح خليت وطلعت موقعه بتلفوني ورحت كاعد بعيد عليهم بس مبين يم لاسواق يدخن وكاعد ع كرسي تمشيت يمه سحبت الجكاره منه بعصبيه هوا مايشرب بس مرات قليلات ينحسبن بليد شبيك ولك مصطفى هاي انته العاقل شنوو هوا التدخين ولك
مصطفى: دخيلك مابيه كلشي ماعليك بيه علي اني اريد اشرب عوفني يااخي
علي: هاي صوجي اني الكواد الخايف عليك شبيك مثل المتخبلل شجاكك
مصطفى: احلفك بلعباس عوفني راسي راح ينفجر خليني شسوي اسوي
علي: وطبك طب مو صوجك وعلي صوجي اني الكواد الخايف عليك  عسمه تشرب ع*رك هم ماعليه بيك بعد عفته ومشيت رجعت يمهم دقايق دخابر عباس كالت لهم كامن البنات  وامي وأم مصطفى  محمد  خابر عليه اجه يمشي من بعيد  خليت ومشيت كبلهم رجعت شلت مروج كاعده وملبستها تنوره وفالينه سلوخ وهيه مشالله مدبده جنها لعابه طلعت كلساع ابوسها حيل من خدها شفت عباس تمشيت يمه سلم عليه وشال مروج باسها حيل من خدها ام الطكه حيل باوعت عليه وبرطمت ضحكت من كل كلبي اخذته منه كبل بجت اجني البنات اخذتها امي مني وصعدت ولبنات هم وعلياء ماعافت محمد مصطفى كاعد يمهم بس صافن محمد اول ماكعد يمه كبل كال له شارب جكاير مصطفى علياء ومحمد وخاله سناء كلهم صارت انضالهم له بخوف هز راسه بي بدون مايباوع عليهم دار وجها للجامه  مامهتم اخته كامت تبجي وتشهك ومحمد يسكت بيها ماتسكت  رجعت راسي ع كشن وغمضت نعسان
هند : شكاله تعبان هواي طلعت تلفوني وراسلته كتبت له شبيك مصطفى طلع تلفونه بدون اهتمام شاف المراسله رفع راسه باوع عليه وكتب
مصطفى: تعبان هند راسي احس راح ينفجر
هند : كتبت اسم الله راح ادز لك بيد مرتضى دوه مخفف الم ماعندي مال وجع راس والله
مصطفى: اذا عندج دزي
هند : طلعت العلاج مالتي شفت موجود بندول ومخفف الم ضحكت فرحانه رفعت راسي هوا صافن بوجهي كبل كتبت له لكيتت بندولل  ومخفف الم حدزهن طلعت بطل مي ومن كل شريط حبايه شاورت مرتضى انته مو تحب عمو مصطفى
مرتضى: ي
هند : شوف خطيه مريض وديله هاذ العلاج وبوسه من خده وتعال
مرتضى: ي
هند : انطيته الحبايات ثننهن وبطل المي ورح عليه باسه بخده وانطه لاعلاج  اخذه مصطفى وضحكت وباوعلي شرب لاحبايات وبطل مي دزه بيد مرتضى اجه وجابه يمي وكال
مرتضى: يتول وتي لانوده
هند : استغربت هوا مدري شنو كتب فتحت التلفون كاتب
مصطفى: اشربي قبلي ودزي البطل
هند : باوعت عليه بصدمه وكتبت يااا عزهه يااماتستحي شلون مااا
مصطفى: العلاج مر هواي واحسهن وكفن بزردومي
هند : قريت الرساله باوعت عليه هوا هم اخذت بطل المي من مرتضى فتحته وشربت منه شويه وسديت القبق وانطيته له هوا اشر له بيده راحله مرتضى اخذ البطل منه وشرب البطل كله خلصه ونزل البطل وباوع عليه بنضرات سز  كتبت له لا تباوع هيج
مصطفى: ليش تذوبين
هند : لا نضراتك سز  بس حلوات غميت كصتي هيه هاي هم حجايه ماحس له طكها بضحكه حيل حته علي فز  عاط بي
علي:  وسم وجعع مو مخمود  عارر
مرام : كام مصطفى وكعد يم علي وكام يحجي ويا وبابا يحجي ويا من وره خشمه يمكن متعاركين  ضل يشاقي ويا له كام يضحك ويا ضل يشاور بي ويضحكون حسيت نفسي مامرتاحه ماعرف ليش شلت مروج من عمه وكعدت من الشباك  نعست كالت انام خليت مروج ع صدرها ومرتضى غطيتهم بلعبايه مالتي رجعت راسي ع كشن وغمضت عيوني شويه وماحس اله صوت هورن قوي واسياره نكلبن بينه غمضت عيوني من حسيت بحراره براسي وصوت مرتضى وبجي مروج يرن براسي.........