منقذي الضابط⚛️

بارت 14

﷽
تابعو حسابي
بارت هديه للي توقعت صح وحسابها

هاي الفراشه لي توقعها صح ولبارت هديه

تابعوها فراشاتي

✿✿✿✿✿✿✿✿✿✿✿✿✿✿✿✿✿✿✿✿✿

علي: كعدنه ناكل ماحس له طبت ريمه تركض وكالت
ريم :علي مرتضى وكع عليه لتشريب
علي: ركضت عليه وعمر وياي طبيت لمطبخ فاقر بجي ومرام يمه تبجي ركضت عليه شفت يده حمره وهوا يشهك اريد اخذه من يد مرام ماتقبل
مرام : فدوه لا عوفو يمي هسه اخلي له زيت السمسم والله لا تاخذه يوجعونه بابا ابوس يدك لا تاخذه
علي: عوفييييي مو وكتجج ولجج لا تلتهببب يده بس وخرييي سحبته منها وطلعت وهيه تبجي صوتها ليبره طلعنه اخذته للمضمد لي يمنه غسل يده من لتشريب وخله له علاج طبيعي وكال باجر جيبه انضفها له انطه حبايه منوم حته لا تبقه توجعه شلته بحضني شويه ونام رجعنه لبيت طبيت للمطبخ انصدمت بشكل مرام خدودها زرك وكوه مفتحه عيونها وهند تغسل بوجها شافته بحضني كبل وكعت بلكاع تشهك اخذته كبل للغرفه مالتنه ونزلت بساع هيه كاعده وسانده نفسها ع كاونتر وتبجي وصوتها كوه يطلع
هند : اخذ علي مرتضى من مرام وطلع انهارت تمامن كامت تضرب ع وجها نكلبن خدودها زرك وغمه عليها بلكوه كعدناها بلمي وهم رجعت تبجي اجه علي شايله هوا نايم نهد حيلها زكعهت بلكاع علي اخذ مرتضى وصعد شويه واجهة عليها لازم ها بثنين اديه ويحجي وياها وهيه تبجي شمرت نفسها بحضنه حضنها حيل ويطمن بيها منضرهم يخبل لحمدلله من سكتها غسل وجها وراحو الغرفة ضليت كاعده واني بالي شلون حترك هيج
علي: اخذت مرام فوك اريدها بس تهده ماكو منهاره شافته نايم لوو تخبلت تضرب ع وجها رغم حركه بسيط كافييي شجاجج مابيي شي ولججججج لا هيج تسوين بنفسج مرام بابا مووو احجي وياج
مرام : ه ها
علي: كافي يروحي كافي شسويتي بنفسج ابويه
مرام : كله من وراي جان كاعد اخذته بيدي للمطبخ
علي: اسكتيي ترا لشغله مال لتشريب يوكع وحده هاي ماتدخل راسي اكو احد جان بلمطبخ بابا
مرام : يي نور وريم
علي:اخخخخ الله يي بينت كومي بابا اغسلج شمسويه بوجهج بابا
مرام : بجه هواي مو
علي: ولج بابا والله لحرك بسيط لحمدلله
مرام : يي
علي: كومي اغسلج لزمتها بديه واخذتها للحمام غسلت وجها غسلت لها لديها هم وطلعنه كوه تمشي كعدتها ع جربايه هيه كبل ذبت نفسها شبيج بابا
مرام : بابا راسي وعيوني راح يطكن من لوجع
علي: اسم الله بابا شجاج كومي نروح للمضمد اخاف ضغطج صعد كومي بابا
مرام : مابيها شي بابا عوفني فدوه ماريد اعوفه وحده
علي: وكومي ترا ليوم ضوجتني راح احطج واكتلج كومي ابويه قريب هنه هسه نروحله كومي بابا استندي عليه
مرام : لزم يدي ذبيت نفسي عليه ضل لازمني حيل من يدي وراسي ع صدره وراح بيه للكنتور طلع عبايتي شالي معدول لبسني لعبايه وطلع حذائي ماقبلت يلبسني كوه لبسته احس ثكل ع ركبتي وعيوني يحركني وراسي يوجعني نزلني ع كيفه تلكتنه عمه كال لها
علي: يمه عينج ع مروج ومرتضى نايمن فوك بس اخذها ضغطها يمكن هابط
ام علي: روح يمه دير بالك عليها
علي:وبعيوني يله بابا
مرام : صلعنه بلسياره صدك بساع وصلنه هم لزمني من يدي ونزلنه دخلنه لمضمد جان اكو كرسي كعدني عليه وكال للرجال
علي: عمي بلكي تقيس ضغطها يمكن هابط
للمضمد : صار تعالي بابا ارفعي الردان مال دشداشه
علي: عمي ميصير بدون ما ترفعهن
للمضمد : يصير مدي يدج
مرام : مديت يدي له خله جهاز لضغط شويه وكال
المضمد : شكد عمرج
مرام : 14
المضمد : مو زين عمرج صغير مو مال ضغطج يصعد ل16 ولهبوط 8 ليش هامله نفسج
علي: لا والله عمي هبطه
المضمد: دائمن هيج يصعد
علي: يي
المضمد : اذا هيج لشغله كل ماتنهبط هيج يعلط ترا يثبت بيها لضغط دير بالكم عليه
علي: هسه شنو اخلي تاكل ينزل لضغط
المضمد: انطيها ابره تضربها بلوريد تنزل لضغط لوو تريد علاج بكيفكم
علي: علاج انطينه
المضمد : هاك هاذ خلي تاكل وتاخذ منه وشربها لبن شوي مالح لا تكثر لن عدها هبوط هم
علي: هاذ هوا مشكور عمي هاي حسابك
المضمد: واجبي هاذ بيها لعافيه
مرام : طلعنه وهوا هم لازمني حيل صعدني بلسياره وصعد هوا
علي: هااا يلخبله وتكولين مابيها شي بله لو مجلوطه هااا بابا ليش هيج تسوين بنفسج وبيا اكو وحده هيج اتخيل ع نفسها هبطه أدري هبطه بابا بس شويه سيطري ع نفسج مو كبل تشوطين
مرام : مو بيدي والله
علي: هسه انجبي باعي راح نروح نتعشه وتشربين علاجج حته تقرين شويه واتنامين
مرام : ماريد اكل
علي: غصبن عليج بابا تاكلين بس شنزل اكل تاكلين بيدزا لو لحمه بعجين لو همبركر
مرام : كيفك بابا
علي: هاهيه لعد نزل لفات همبركر وعصير
مرام : هزيت راسي بي وكف السياره كدام مطعم وخابر ع واحد منهم شويه ضل ونزل واجه بيده لفات وعصير انطاني لفه وعصير اكلت شويه منها مابيه اكل بعد
علي: لا بابا مو زين كمليها يله شطوره اكلي لا تبقين فاهيه حبيبتي لكمتج مال جاهل كبري لكمتج يله
مرام : صار هوا بيده يقرب لفه لي وعاف لفته اكلتها كلها شربت عصير انطاني لعلاج شربت وانطاني عصير وراهه ورجعنه للبيت شويه احس راسي احسن نزلت تلكتنه عمه سوده عليه كاعده هيه وهند ينتضرنه هند اخذت مروج يمها صعدت شفت مرتضى نايم سوده عليه ويده مخلين عليه علاج طبيعي مدري شنو ونام بس شفته شلون نايم ماكدرت مابجي لحرك يوجع هواي مو مال طفل يحترك هوا كل عمره 3 سنوات طب بابا هوا شافني كبل اجه حضني ويحجي واياي
علي: ليش لبجي بابا مو تشوفينه نامي والله مابي شي حرك بسيط لا تخافين عليه أدري تحبينه والله وتخافين عليه بس مو هيج حبيبي
مرام :هواي بجه مو هناك
علي: وداعتج لا بس كملو يده نام
مرام : لحمدلله بابا معقوله نور هيه حركته هوا مايلعب بشي اصلن كعدته ع كرسي لي بلمطبخ
علي:يي بابا لعد ليش مو معقوله كلشي تسوي هل بربوك*
مرام : ليش شنو سوالها
علي: مو اني كلت لها انووماعليها بيج ومرتضى راحت وحركته
مرام : بابا خايفه عليهم هوا ومروج
علي: واني ماتخافين عليه عاد خافي شويه عليه ترا استاهل
مرام : حضنته حيل وكالت ماينخاف عليك انته بابا
علي: يي عيني واني شلون بلبنيات ليموتني بحركاتهن لحلوات يله هسه اريد بنيت العلي الشاطره لي باجر تجيبله درجه حلوه بلمتحان
مرام : نشالله بابا بس اسبح واجي اقره
علي: يله بابا روحي
مرام : رحت سبحت وطلعت كعدت اقره هوا نزل مدري وين ضلي اقره شويه واجه رزلني لن شعري اخضر وكاعده كعدت وضليت اقره هوا شسوار شعري وضفره لي كملت قرايه بل1 هوا يمي ماعافني ابد كمت يمي كاعد يراجعلي الحمدلله خلصت وتاكدت من كلشي عزلت لجول وخليته بلجنطه ورحت للجربايه هوا فتحلي حضنه نمت ع يده حضني حيل ويمسح ع شعري شويه ونمت
علي: حضنتها ع صدري ضليت امسح ع شعرها شويه ونامت غطيت مرتضى واني هم نمت حسيت صبح كامت من حضني باوعت عليه كبل راحت ع مرتضى تبوس بيده لفته زين وكامت توضت وصلت وكعت تقره قران كملت وضمت قرانها ولجادر واجتي ع مرتضى ع كيفها كعدته هوا كوه مفتح عيونه نقصت السبلت شالت مرتضى ولفته بلمنشفه شويه وطلعت شايلته بدلت هدومه ويده ماواصلتها تخاف عليه لبسته حته عطر خلت له ومشطت شعره ورجعته للفراش ولفته بلبطانيه تخاف عليه طلعت هدومها وطبت سبحت شويه وطلعت لبست شالها جواريب عدلت هدومها وطلعت كتابها وصارت تراجع وهاذ كله ماكو صوت شكد هادئه كملت قرايه وضمت كتابها بلجنطه ونزلت كمت توضيت صليت سبحت ولبست هدوم لدوام مشطت وخليت عطر ونزلت لكيته بلمطبخ هيه وامي تسوي ريوك صبحت عليهن وكعدت بلمطبخ وهيه تحجي ويا امي تريدها هيه تسوي لريوك وامي ماتقبل
مرام : عمه هوا شنو اني اكمل روحي كعدي عمو
ام علي: ولج يمه نسوي ثنينه هوا شنو
مرام : شنو هوا ريوك ماا خلي اسوي اني بابا احجي وياها ماتقبل مايصير هيج كله همه عاد بس لريوك نهاري كله يركصن هيه وهنوده يله كول لها ميصير هيج هسه شكو خايفه عليه دكعدي يااا عمه
علي: هههه يمه عوفيها تعالي خلي هيه تسوي شوفي للسان انتي مال دلالات استلمتنه إكس مربع يله سوي انتي ام لسان
مرام : يي عفيه مرام سويت مخلمه وجاي وبيض سلك وطك حضرت كلشي خليته بلصينه ورحت لبست عبايتي وشلت جنطتي ورحت ع ريمه شفته شايله دولكت مي واكفه فوك نور اشرتلي اطلع شمرت لمي عليه وركضت بره نزلنه سوه وهذيح تكمز منو ذب عليه مي تريكنه وكملنه وطلعنه بلسياره وصلنه للمدرسه انطانه بابا مصرف اني ماخذت مااصرف بي هوا مايقبل له دخلت لصفي كعدت برحلتي قريت تسبيحات مولاتي فاطمه الزهراء وكعدت اراجع بلش لدوام وأول درس ست غفران اجتي يمي وكالت اي
ست غفران: ماما منو ضاربج
مرام : ست محد ضربني والله
ست غفران: شبي وجهج كملي متحانج وتعالي بلاداره
مرام : صار ست انطتني ورقتي سميت بسم الله وبلشت احل والحمدلله كل لاسئله سهلات كملت اول طالبه بلصف راجعت وتاكدت من كلشي كمت انطيت لورقه للمدرسة كالت
ست غفران: راجعي
مرام : راجعت ست
ست غفران: يعني متاكده من اجوبتج
مرام : يي هواي كلتها وضحكت انطيتها ورقتي ورجعت برحلتي كعدت خلص لدرس كالت بنيه ست غفران دزت عليج هزيت راسي ورحت عليه للداره جان كاعده تصحح بلاوراق كالت لي
ست غفران: ماما ماكلتي شبي وجهج
مرام : ست : لبارحه اخويه صغير عمره 3 سنوات انكاب عليه لتشريب خنكتني العبره وكمت واخذو للمضمد واني اخاف عليه لن يوجع لحرك هوا واخذو غصب عليه لن يخافون يلتهب لحرك واني ضربت نفسي
ست غفران: بي لعافيه ماما نشالله مو لحرك قوي
مرام : لا ست الحمدلله بسيط
ست غفران: مابي غير لعافيه
مرام : الله يعافيج شكرا ست ع سوالج
ست غفران: ادللي ماما يله روحي لصفج
مرام : هزيت راسي وطلعت وعباتي تمشي وياي احس روحي فراشه بيها رغم مجرد قماش بس لستر ولعفه لي بيها كانو حايط كلش احب لبستها وماامتقيده بيها ابد بلعكس حلوه وخفيفه كعدت برحلتي وبلش الدرس لثاني ولحمدلله اني مسيطره ع كل لمادات لن اقره اركز كل تفكيري ع دراستي بس وخلص الدرس بلش لدرس لثالث اجتي ست غفران وزعت اوراق لامتحان كالت اسمي
ست غفران:مرام محمد......

يتبع..

شنو تتوقعون شكد درجت مرام ولي هم تتوقع صح بارت ينزل وحسابها انشره
واريد فراشاتي تعليقات حلوه مثلجن
احبجن هواي