نِداءً العقيدة في الخَافقِينْ
صلاةً عَليكَ والفُ سَلام
فَ أنتَ امتداداً لخيرَ الانام
وانتَ الشَهيدُ و أنتَ الأمِام
""""""""""""""""""""""""""""""""""""""""
مرام : صارت وشه قويه براسي فقدت لوعي بحضنه
علي: رخت بين اديه عرفت اغمه عليه عدلتها وطلعت صحت للدكتور اجه وهم متعرضه لنهيار عصبي ضربوها مهدئات كالو بعد شويه وتكعد ضليت انتضرها تكعد شويه وحسيتها بلشت تيستعيد وعيها ضليت اباوع عليه شكدوته وناعمه بس الضيم والحزن لاعب بيها لعب فتحت عيونها باوعتلي وكالت
مرام : عمو ساعدني الكه امي واخويه حتلو ميتين عادي
علي : نشالله هسه تعالي اكلي وصيري شاطره حته نطلع واخذج لاخوج
مرام : مرتضى. اخويههه انته تندلهه ويننن حباب عمو احجيييي
علي: والله بامان هسه هوااا
مرام : فدوهه اخذني عليه اكل والله هسه اكل
علي : يله اكلي واخذج وعد
مرام : عمووو زين وماما
علي: بنتي لكيت اخوج بس هوا شكد عمره
مرام : حيصير 4 صغيرر
علي : تعالي ناكل حته نطلع ونروح له
مرام : اخذت منه لفه وكمت اكل بيها وهوا صارلي اني ماماكله كملتها بساع بساع كتله يله عموو كملت اخذني لهه
علي : ضلي يمج اروح اسجل خروج ونطلع
مرام : ضليت كاعد واني بالي كله راح اشوف اخويهه
علي : سجلت خروج لها رحت عليه تضحك ومكيفه لزمت يدها نزلت من السديه لزمت يدها وهيه شكدوتها كوه يله واصله بطني طلعنه اول شي اخذتها للمول جنه تشتري ملابس لها مااعترضت لن ملابسها فدنوب صايرات اشتريت لها بنطرون اسود وقميص اسود طويل ماحجيت شي اخذتها لمحل احذيه اخذت هيه كالت كافي ماريد شي بعد طلعنه كبل لشقه مالتي كلت لها روحي اسبحي وبدلي بابا
مرام : عمو زين مرتضى وين هسه هوا
علي : بغداد
مرام : شهكت شبي اخويه ليش هناك ماعدنه احد بغداد ليش رايح لبغداد
علي : اشش هدي بيتي يم اهلي هوا واني هنه بمهمه وشفته بلصدفه هواي اشياء بعدين تعرفيهن
مرام : عمو هسه اذا بدلت ملابس نروح لبغداد لبيت اهلك ع اخويه
علي: يي
مرام : يي وين الحمام
علي : بلغرفه كوامج روحي اسبحي وبدلي ملابسج وتعالي يله بطله
مرام : هزيت راسي ورحت للغرفه شفت حمام طبيت وقفلت لباب علكت ملابسي فتحت لدوش وطبيت جوه الدوش شفت اكو شامبوات وغسولات سبحت فتحت شعري لي صارت 3 أيام ما مشط غسلته بشامبو شفت ليفه ليفت جسمي اكو مرايه باوعت ع جسمي ماكو مكان مابي اثار ضرب ابويه اديه رجليه بطني نزلت دموعي ع شكل جسمي يخوف بشكل مسحت دموعي ورحت بدلت رجعت ع ملابس الداخلية لبست لبنطرون ولقميص دكمت وطلعت اخذت لمشط وطلعت شفته كاعد ع قنفه رحت يمه متردده كالت عمو
علي : راحت تسبح ضليت صافن شلون راح اكول لها انها ماتت وشيصير بيهااا فزيت من صفنتي ع صوتها طالعه تجنن الأسود كالت عمو كالت لها ها عمو احجي
مرام : عادي تمشط شعري اذا بيك ماعرف
علي : عادي بابا تعالي كعدت كدامي وانطاتني لمشط بلشت امشط لها سرحته هوا يجنن شعرها بلشت اضفر شعرها كملت صفر انطتني كتر اسود شديته لها كلملنه يله بابا نروح
مرام : اوكف عمو هسه اجي ركضت للغرفه شفت لةصله لي اخذت بيها دم موجوه اخذتها شديتها ع يدي طلعت له كال
علي : وين رحتي بابا
مرام : عمو جبت هاي رفعت يدي شوفتها له
علي : مردت كلبي من محتفضه بدم امها خليت يدي ع رأسها مسدت بخفه وكالنت بابا ليش شديتيها شلج بيها
مرام : عمو احس ماما ماتت وهاذ دمها كالت وبجيت سحبني لحضنه شويه وكال
علي: هسه مالت بجي والله مو تردين ترحين لمرتضى
مرام :ييي اروحله
علي: يله امشي بابا نزلنه كبل للسياره وهيه هادئه تمامن باوعت عليه غافيه عفتها نايمه وصلنه بليل لبيت اهلي كالت اكعدها اني كالت كلت مرام فزت مخترعه كبل رجعت ليوره وباوعتلي اسم الله شبيج بابا ليش هيج فزيتي
مرام : لا عمو هيج وصلنه لمرتضى
علي : يي تعالي ننزل نزلنه وهيه ورايه يمكن تخاف دكيت لباب فتح عمر كبل حضني حيل
عمر : اشتاقيتك هوايه شلونك ضلعي
علي : بخير وانتن شلونك شخبارك خويه
عمر : الحمدلله تفضلل تعال يمهههههه اجههه علوششش تعالوووو ولك علي هاي شنو لفرخه لي وراك
علي : انجب فرختيش هاي مرام أخت مرتضى مرتضى وينه
عمر : تعالي خويه تعالي ليش وره علي لاتخافين ماتاكل احنه خلي نشوف ملومه شلون شكلها مرتضى شكني شك بيج
علي : الفاضك ولكك مطي
عمر : يي علتهن اطلعي خويه
علي : تعالي بابا لا تخافين
مرام : طلعت من وره عمو كبل عاط هاذ الولد
عمر : بويهههههه هاي صاكههه ولك علوش
علي : انجب مستهتر نزلن ريم وهند من ع درج يركضن حضنتهن ع كلبي ثننهن يمه اخياتي شويه وطلعت امي وابويه من الغرفه رحت عليهم حضنت ابويه هوا يكول
لاب: هلا بفتحت عيني هلا ببني الشهم
علي: تاج راسي شلونك
لأب : لحمدلله وانته بويه
علي: بخير حضنت امي وابوس براسها وهيه هم
لام: شلونك وليدي
علي: بخير يبعد عيوني يمه
مرام : ضليت واكفه يم لباب شلون عدنه عائله حلوه وكلهم يحبونه تمنيت عندي هيج عائله بس للاسف ماكو
علي : باوعت ع مرام ع وكفتها تعالي بابا هنه
مرام :تمشت وكفت يمه
علي: بويه هاي مرام أخت مرتضى
لاب : هلا بويه شلونج
مرام : لحمدلله عمو
لام: تعالي يمه اريد ابوسنج
مرام : تقربت يمها واني هم بستها وبتسمت
لام: ماجذب مرتضى من كال هلوه
مرام : كلهم ضحكو واني ع نار شوكت اشوفه
علي : يمه وينهم تيم ومرتضى
ريم : فوك ديلعبون
علي : تعالي بويه مرام
مرام : مشيت وره صعدنه الدرج صار ممر جبير كله غرف باوعت راح ع غرفه دك لباب شويه وفتح ولد يجننن كمز ع عمو وخضنه حيل ويبوس بي وهوا هم نزله وكال
علي:بي طبي بويه يلعب بلغرفه
مرام : طبيت وشفته كاعد يلعب بلسيارات رفع راسه شافني كمز واجاني ركض احس رجليه بعد متشيلني كعدت بلكاع وهوا حضني حيل حضنته حيل لوواحس روحي رجعلتلي ضليت حاضنته ودموعي تنزل وحده ابوس بي واحجي ويا يروحي اختك يكلبي انته والله كلبي يوجعني عليكم انته واماما وين رحتو وعفتوني
مرتضى: ملومه شاقيتلج انه
مرام : عيون ملومه انته واني هم كومه مشتاقتلك
مرتضى : ملومه امه ليث مدتي (مرومه ماما ليش ماجتي )
مرام : مادري ماما وين راحت نشالله ترجع لنه
مرتضى: ي نثالله
مرام : اريد اجاوبه حسيت بدوخه وحسيت لضلام احتلني بعد مادري بشي ....
يتبعع...
نشالله حبلش انشر هنه هم تفاعلو وصوتوو
أنت تقرأ
منقذي الضابط⚛️
Romanceاب ضالم لدرجه تقتل لام شنو مصير طفله ذات العمر 14 واخوها ذات العمر 3 سنوات هل راح يجي العوض لي يعوضها ضلم ابوها
