صوفيا: اقول انا ماعندي صديقات ماصديقات تغلط امسح فيها الارض بعدين انا ساكته ومتحمله مشان وتين!!
وتين: اقول العني خيرها بس وانا بعد مو طايقه وجودها
لفت ساره تناظر فيهم وبعدين تكتفت: اقول سوزان شرايك تدخلي ولا اكلم عزيزه،، وتين ناظرت بـ سوزان وعرفت ان عزيزه نفسها بنت عمت سوزان الي ماتطيقها: اذلفي بس قال ايش قال اكلم عزيزه روحي كلميها مسويه اوه انا القوي الي مافي مثلي ثنين
ساره وهيه تناظر فـصوفيا من فوق لتحت: انا ما اكلمكم انتو انا اكلم ذي المريضـ.. ماكملت الكلام وقاطعتها وتين بكف ونطقت بحده: مااسمح لك تتكلمي بذي الطريقه مع صوفيا ولا اي واحده من صديقاتي بوجودي
انصدمو البنات من حركه وتين وانصدمت ساره ونطقت: هيه انتي والله بروح اشتكي فيكي واقول يتنمرو علي ذي مدت يدها
ضحكت وتين وقالت بصوت شبهه عالي: روحي المديره مكتبها علئ اليمين والوكيله مكتبها فوق يلا واهه قبل تروحي لا تنسى انو سوزان تكون بنت اخت المديره ومارح تسوي شي يلا تشاوي حبي،،، ناظرتهم ساره بقهر وهيه تدري ان كلام وتين صح ناظرتهم ومشت خافت سوزان لا تروح وتعلم عزيزه وعزيزه بتوصل الكلام لـمشاري ومشاري ينتظر منها الزله نطقت بخوف: بنات لو علمت عزيزه بروح فيها
وتين: ليه؟!
ندئ: لاتقولين تخافين منها؟؟!!
صوفيا: وش فيكِ اتكلمي؟؟
ناظرتهم سوزان ونطقت بتوتر: اذا علمت عزيزه بتوصلها لمشاري ومشاري ينتظر مني الزله مشان يهاوشنيي
ناظرتها وتين وقالت بعصبيه وهيه الي ماتطيق مشاري من سوزان: طز فيهم ماعليكي،،
هدوها البنات وانتهت الفسحه طلعو البنات الفصل،،
وتين: اقول سوزي تعالي معي شوي
سوزان: وين؟؟؟!
وتين: لسه في وقت للحصه تعالي،،
مشت وتين مع سوزان وجلسو بجمب الفصل وحكت وتين لسوزان كل شي صار فاليل: وبس هاذا الي صار
سوزان: منجدك انتي؟؟!
وتين: اي ليه؟
سوزان: يبنت الحلال وسكتي ماكلمتي ابوكي
وتين: ليه شايفه اني لحقت احكي ليه الي صار!!
سوزان: واذا صدق محمد لمن سميه ابو راس مستطيل ماعرفتي وش ورا كرهه ذا؟؟!!!
تنهدت وتين وقالت: مدري دورت بس ماعرفت شي
جت المعلمه وقاطعتهم: اي فصل انتي وهيه؟!
وتين: مدري..
مها(المعلمه):وش هوه الي مدري؟؟
تكلمت سوزان تقطع النقاش الي بينهم: ثالث أ استاذه!!
مها: اجل يلا ترا عندكم حصه مو وقت السواليف!!
وتين: طيب
سوزان: ابشري استاذه
راحو الفصل بما انو اول يوم مافي دروس وكذا،،،،،،
في بيت ال سعود تحديداً في الصالون
نوره: عبدالله!!
عبدالله:هلا
نوره بتوتر: بقولك شي!!
عبدالله وهوه عينه علئ جواله: قولي؟!
جت كريمه وجلست كانت نوره بتتكلم بس قاطعها دخول سلطان الي قال: السلام عليكم
ردو عليه: وعليكم السلام
جلس ولف عبدالله على نوره: هاه وش تبي تقولي؟؟
نوره: ءءالشي ذا يخص وتين!!
تعدل عبدالله بجلسته وقال: وش فيها وتين؟؟
حكت نوره كل شي قالته لها وتين وختمت كلامها بـ: والحين في حلين يا تغير غرفتها لاني مستحيل اخليها ترجع تنام فيها!! ياتكون تنام معي!
الكل كان مصدوم من الي قالته نوره نطق سلطان بعدم تصديق: خالتي متأكده من كلامك انتي ولا وتين قاعده تلعب عليكي؟!
نوره: لا يسلطان الخوف كان باين فـصوتها وعيونها!!
تنهد سلطان ولف لـ ابوه الي قال: بتكون تنام معك ينوره لين مانجهز لها غرفه تحت!!
نوره بأبتسامه: طيب،،
