•عند محمد الي كان شوي متوتر، نزل من السياره وراح لقدام المدرسه، يتطمن بما انها تأخرت عليه، شاف خالد واقف يطقطق بجواله، تقدم محمد وسلم عليه وبادله خالد السلام،محمد الي كان بلبس الشغل،وقف والكل يناظره ويناظر هيبته ، طلعت سوزان وكان خالد بيمشي بس وقفه محمد وهوه ينطق: خالد تكفى قول لـ اختك تنادي وتين مره تأخرت
خالد: تبشر اصبر بس
تقدم خالد لـ سوزان ونطق: اقول وين وتين
سوزان: وتين؟
خالد: اي وينها؟
سوزان: وتين طلعت، وبعدين وراه محمد واقف هنه؟
خالد: من جدك انتي؟
سوزان: والله طالعه من 15 دقيقه!
خالد:طيب
مشى خالد لـ محمد الي واقف منتظره
خالد:تقول طالعه من 15 دقيقه!
محمد: طالعه مين؟
خالد: وتين طالعه!
خاف محمد وطلع جواله يرن عليها بس يرن لين يفصل، وما في اجابه، رن على يوسف يسأله اذا اخذها دون يقله او رجعت مع وحده من صديقاتها، رد عليه يوسف وهوه مستغرب إتصال محمد
يوسف: هلا
محمد: اسمع وتين جت؟
يوسف بستغراب: جت وين؟
محمد: البيت
يوسف: لا ماجت شسالفه
محمد: مختفيه، تقول اخت مشاري انها طالعه من 15 دقيقه، يوسف خايف لا يصير لها شي
يوسف: اهداء مابيصير لها شي، بجيك لا تسوي شي لين اجيك
محمد: طيب، تكفى بسرعه
يوسف: تمام تمام
سكر محمد الخط، ومشى لـ خالد الي وافق منتظر لـ محمد، ناظره خالد ونطق: عسى ما شر؟
محمد: انشاء الله خير
خالد: وتين بها شي؟
محمد:مدري ،بروح اشوف الكاميرات
خالد:أنا هنه منتظرك تمام
محمد:طيب الله يسعدك
مشى محمد وراح للحراس ونطق:ناد وقول للحريم والبنات يتغطون ،نبي نشوف الكاميرات
الحارس:ليه؟
محمد بـ عصبيه: اقول بشوف الكاميرات تقول ليه
الحارس: تمام، الكل رجاء تغطو بيدشون شرطه والي اهلها جو تطلع يلا، بدو المعلمات يلبسون والطالبات بعد،
•عند يوسف، الي اول ماسكر من محمد طلع من البيت، قابل ابوه فـ الباب، توتر وهوه مايبي يخوف ابوه، ابتسم بخفيف، ناظره عبدالله ونطق: وش فيك
هز راسه بالنفي: لا ولا شي
عبدالله: اجل ليه وجهك قالب لونه، احد اخوانك او احد اولادك فيه شي؟
يوسف: لا يبه، بخير إن شاء الله
عبدالله بحده: اجل علامه وجهك، سكت شوي وكمل بخوف: اختك فيها شي؟
يوسف: بخير انشاء الله
عبدالله: يوسف، وتين بها شي؟؟
كان وده يخبي عليه بس مايقدر يكذب على ابوه، اخذ نفس ونطق: وتين مختفيه يبه
عبدالله بخوف: وين مختفيه، يوسف اختك بخير
يوسف: انشاء الله بخير
عبدالله برعب: طيب انت وين رايح الحين؟
يوسف: بروح لـ محمد
عبدالله: بجي معك
يوسف: لايبه خلك وانا بروح، ولا تخاف برجعها اليوم، مابرجع الا وهيه معي
عبدالله: لالا بجي معك
يوسف: يبه افهمني، بنروح نشوف ونجي، ولا تخاف ببلغك بكل شي
عبدالله: يوسف اختك انتببهه
يوسف: تمام، انت لا تخاف ويرتفع ضغطك
عبدالله: تمام، بس طمني عليها
هز راسه بالمواقفه، وتحرك يمشي متجهه لـ مدرسه وتين
