محمد تمنئ ان الاجابه تكون "لا"
كان مشاري بيرد بس قاطعت كلامه وتين بسرعه: لا مب هوه،،
تنهد محمد براحه واستغرب مشاري بس كملت وتين: بس ذا المتخلف الثاني مب راضي يخلي سوزان تجي معنا!!
محمد لف يناظر مشاري وهوه يعرف سبب كره مشاري لـ سوزان: وتين خذي سوزان وروحو خلصو اغراضكم!!
وتين ابتسمت: طيب
لف مشاري لـسوزان ونطق بعصبيه: امشي ولا تبي اجي اشيلك للسياره يعني؟؟!
محمد: وشبك شوي على البنت!!
ابتسمت سوزان واكتفت بهز راسها بالمواقفه ومشو البنات
"عند البنات "
ليان: اول مره اشوف مشاري يتكلم كثير ههه!!
جود: بنات اذا صار الي قلته بالمستقبل وش لي؟؟
صوفيا: اي شي تبيه!
جود بحماس: الف ريال!!
ليان وصوفيا: تم
ندى: وانا كنت متفقه معك جودد!!
جود: 500 لي و500 لك شرايك؟!
ندى: قدام هههههه
ليان: هاذا ان صار الي تبونه انتم ههههه
صوفيا: بناات وتيننن جابت سوزان
"عند سوزان ووتين"
وتين: حمارره انتي وراه ساكته؟؟!
سوزان: تبيه ياكلني انتي؟؟
وتين: انطمي وامشي
طلعو السياره ومشو متوجهين للمول
صوفيا: وتين لو تشوفي فرق الطول بينكم يموت ضحك!
وتين: يشيخه اسكتي بس انكسرت رقبتي وانا ارفع راسي مشان اناظر فيه!!
انفجرو البنات يضحكون ونطقت ليان: بس كيف مز ولالا
وتين بتفكير: صراحه كنت مركزه على اهدافي والي هيه سوزان مااركزت اذا مزيون ولالا ههههههه
ليان بغمزه: عندي صوره اذا تبي؟!
وتين: اقول اذلفي بس..
"عند مشاري ومحمد"
كان محمد ساكت منتظر مشاري يتكلم و مشاري ساكت منتظر محمد ينفجر عليه!!
محمد: يعني بتجلس ساكت؟؟
مشاري: وش اقول يعني
محمد: يبويا لين متئ بتقعد تحبها البنت تزوجت وصار عندها ولد وانت للحين موقف حياتك علئ شانها هيه ؟؟؟
مشاري بهدوء: عجزت انساها يـمحمد عجزت!!
محمد: مافي شي اسمه عجزت انساها خلك منها الحين اختك وش ذنبها؟؟!
تنهد مشاري: لو ماكلمت ابوها كانت لي الحين!!
محمد: سوزان كانت طفله ماتفهم بعدين احمد ربك ماقلت انك انت الي تكلم بنته ولا ذبحك قبل تتزوجها!!
مشاري: صح كلامك بس، قاطعه محمد: مافي بس ولا شي هيه كم كلمه ياتتعدل مع اخواتك يا اوريك شلون اخليك تتعدل!!
ضحك مشاري ونطق: تهدد يالخوي
شاركه محمد الضحك: اذا في تيس مايفهم اهدد فيه ولا؟!
كملو سوالف ومشاري يهوجس بكلام محمد،،
"عند البنات"
كانت وتين ملاحظه هدوء ندئ
وتين: ندئ
ندئ: سمي..
وتين: وش فيكي
صوفيا: اي ملاحظه انك ساكته؟!
ابتسمت وتين: تكفين قولي صار الي فراسي؟؟
ندئ: اي الي فراسك عارفه تتمني لي الخير دايم!!
وتين بدت ترقص بفرح: تستاااهليي مين قالها اول انتي ولا هوه؟!
ندئ وهيه تشتت انظارها عنهم: هوه،،
وتين: شفتو بس قلت لك ابعدي عن هاذ الطريق بس تستاهلي،،
ناظرت وتين لـ ليان الي جالسه جمبها: شغلي اغنيه عمار مجبل ذيك الي كانت ترند من ثمان سنين هههههه
ليان: اي وحده؟!
وتين: وعدني!!
شغلت ليان وبدت وتين تغني وندئ تشتت انظارها عنها،،
