مرة يومين براحه بال من ناحيه الكل الي متوتر والي قلقان والي متحمس وطبعاً فارس تقدم لـجود ووافق ابو حازم بس لسه يبون وقت للملكه، وكمان الكل دون استثناء منتظرين رد وتين..
عند وتين الي استخارت وارتاحت وهيه اساساً من البدايه مارتاحه، نزلت وراحت غرفه عزام وريان داهمتها زي كل مره،
وتين: جيتتت
عزام: عرفنا من المداهمه
ضحكت وتين وجلست تسولف معهم، بعد مده من السوالف حسو بملل وقررو يطلعون يغيرون جو
وتين: بس وين نروح عصر وحر؟!
ريان: تكفين من مده ودي اروح السينما
عزام: اي والله وانا ابي بعد
وتين: اجل تم انتو اجهزو وانا بروح اخذ مفتاح السياره
عزام: سياره ابوي ولا سياره محمد
وتين: حق مين تبون انتم بدلعكم اليوم
عزام وريان بنفس الوقت: حق ابوي، ابتسمت وتين ونطقت: تم
ريان: بس الكل تحت موجود وشلون بتكلمي ابوي دون مايتدخل عمي عمر ولا عمتي سعاد؟
وتين: شي مايخصك علي الموضوع اجهزو ولا بروح لوحدي
ريان وعزام: تممم، راحت وتين غيرت ملابسها وجهزت حطت عبيتها والطرحه واغراضها على السرير ونزلت لـ ابوها، شافوها فيصل ومحمد ويوسف بدو يصفرون ويصفقون لوتين الي جايه، ابتسمت وتين وتقدمت لـ ابوها الي فاتح يديه وينطق: هلا هلا بعيون ابوها هلا بالزين كله هلا، جلست وتين بحضن ابوها وهيه مبتسمه ثم نطقت بدلع: بابي، الكل ناظرها ومحمد مسك ضحكته لانه عارف وتين اذا تبي تقهر الموجودين تنادي عبدالله بـ"بابي"، اما عبدالله نزل انظاره لها وابتسم ثم نطق: ياعيوني
ابتسمت وتين ونطقت: ابي اطلع من البيت مليت يومين مو طالعه، انفجر فيصل يضحك وتحولت الانظار عليه، كشرت وتين بوجهها ثم نطقت: وش فيك تلبسك جني؟
عبدالله: وش فيك يالولد تضحك تقول رقاصه، سكت فيصل بفشله من ابوه ضحكت وتين عليه وناظرت محمد الي يبتسم بضيق، وقفت وتقدمت تجلس بجمب محمد، ناظرها محمد وابتسم، وتين ابتسمت نفس ابتسامه محمد ونطقت: وش فيه اخوي متضايق؟، ابتسم محمد ونطق: ولا شي ياعيون اخوك، ناظرته وتين بعدم تصديق ونطقت: محمد لا تكذب علي انا اكثر وحده تعرفك بس تتضايق!، تنهد محمد وتقدم ياخذها بحضنه ونطق: هيونتك تعبانه ومو راضيه تروح المستشفى!،ابتسمت وتين ونطقت: طيب هيه قالت ماتبي تروح، والاعراض الي عليها مو ملاحظ انها نفس الاعراض بوقت حملها بـ عبود، وإلين؟
اتسعت ابتسامه محمد ونطق: يعني افهم ان اهه حامل؟
ضحكت وتين ونطقت: ايي بس اذا حامل وش هديتي
ضحك محمد ونطق: عيوني لك، ضحكت وتين وحذرته مايكلمها ويخليها تفاجأة، رجعت وتين تجلس عند ابوها ونطقت: بابي مرت عشر دقايق من وقتي كله بسبب اولادك ابي اطلع!، ناظرها عبدالله ونطق: مع مين بتروحي!
وتين: عزام وريان، هز راسه عبدالله ونطق: خذي المفاتيح من نوره، ابتسمت وتين وفزت بتمشي بس قاطعها عمر ينطق: وش رايك تاخذي بنات عمك معك؟
كشرت وتين ونطقت: احس ماودهم
نادا عمر هاجر ودلال وخوله وخلود، جلسو جمب عمر الي نطق: تبون تروحون السينما؟
نطو خلود وخولة بس جلسو اول ماشافو نظارات دلال يلي تهز رأسها بنفي
وتين: خير وش فيكم جلستو
دلال: خلود وخولة مارح يروحون معاكي
وتين: خير ان شاء الله ليه؟!
عمر: كلكم بتروحون
وتين: لا والله بنات عمتي اي بناتك خذهم انت
ناظرت وتين لخوله وخلود: تبون تعالو ماتبون عادي كيفكم، مشت وتين، خلود وخوله ناظرو بعض
خلود بهمس: ابس اروح
خوله بنفس الهمس: وانا بعد
خلود: نروح ونفذ كلام دلال بدون لا يحسون
خوله: احس ودي كذا اخذ حق هاجر بس خلينا نكون كيوتات هه، ضحكو الثنتين وهمه مفكرين انهم يلعبون على وتين مايدرون ان وتين كاشفتهم من البدايه،
خوله: حنا بنروح مع وتين
هاجر بعصبيه: لا مابتروحون، طنشوها خوله وخلود ومشوا متجهين لغرفه وتين، دقو الباب ودخلوا لما سمعو صوت وتين: ادخل
دخلو شافتهم وتين ونطقت: وش فيكم؟
خلود: وتين نبي نطلع بس انتي ومين طالعه؟
وتين : اذا بتجون انا وانتو وعزام وريان
خوله: عزام بعد؟
ضحكت وتين : اي عادي
اكتفت خوله بهز راسها وسكتت
ناظرتهم وتين: وراكم واقفين روحو اجهزو ترا بجهز وبنمشي علئ طول!!
خلود وخوله: حاظر
مشو وضحكت عليهم وتين ونطقت: يضحكون ههه
جهزو وطلعت وتين قبلهم شغلت السياره، ركبو وتحركو للسينما،
