علي الشاطئ بعدما دلفت "نور" برفقة زوجها و هي متوتره بشده
قالت"جومانا"بتهكم و سخريه: شرفت السنيوره
تمسكت"نور"بيد زوجها و هي تقول بصوت اشبه بالبكاء: ل لو سمحت يا مازن عايزه اامشي
تجاهل الاخر ما قالته و قال: خليكي ف كوزك لما نعوزك
قالت"سلمي"بحماس: عايزين ننزل البحر يللاااا
قالت "لمار": اوكي جدا يلا يا بنات
قال" مازن": يلا يا نور ولا اي
قالت"نور"برجفه: ممعلش يا مازن مش عايزه انزل
قال"مازن"بحنو: لي بس يا نوري
قالت الاخري: ليا ذكريات وحشه جومانا غرقتني بس محمد لحقني
قال "مازن" و في داخله حزن علي ما مرت به زوجته المسكينه: نور انا لسه قايلك متخافيش من حاجه و انا معاكي و بعدين احنا لمه كلنا ابعدي بس عن جومانا و خليكي مع ساره و باقي البنات
اومأت الاخري بالموافقه
صدح صوت "ياسر" يقول: هنا
كانت هنا في عالم اخر مع روايتها (ايكادولي)
كرر الاخر اسمها عدة مرات حتي مل و صرخ بأسمها
انتفضت "هنا"و هي تقول بخضه: اي يا ياسر بتزعق كده لي
قال" ياسر"بضحك علي منظرها: اعمل اي طيب م انتي اللي سرحانه ف روايتك دي معرفش عاجبك فيها اي
قالت"هنا"بخنق: بقولك لخص كده كفايه انك خرجتني من المود
قال "ياسر" بحزن زائف: الغلط عليا اصلا اني جيت اقولك يلا عشان ننزل البحر عشان صحابك خانوكي و نزلوا مع بعض و انتي عايشه ف كوكب زمرده
قالت"هنا" بهدوء: ياسر غور لو سمحت من هنا عشان مفقدش سيطرتي عليك
********
بعد مرور القليل من الوقت ذهب "عز" ليجلب الكره ليلعبوا بها لكن رأي شئ جعل الدماء تفور بعقله
صدح صوت "ملاك" و هي تقول بقوه زائفه: ابعد من هنا بدل م اقسم بربي م هتعرف اللي هيحصلك
قال الشاب بوقاحه: اهدي بس يا مووزه مالك حاميه كده لي بعدين هتعملي اي يعني
صدح صوت "عز" و هو يقول بعصبيه: انا اللي هعمل يا ##مش هي
ثم انقض عليه بالضرب
قالت"ملاك" مشجعه لما يفعله: ايوا اديله يا عز
صدح صوت"نوران"تقول: اي اللي بيحصل ده بتضربه لي
قالت"ملاك": واد نتن كان بيعاكسني و معرفش عز طلعلي منين
قالت "نوران" بحنق: انتي هبله يا ملاك سيباه يضربه كده
ثم اكملت تقول: قوم يا عز قوم كفايه خلاص الواد هيموت
ثم بصعوبه ابتعد "عز" عن الشاب و قال بصوت مثل فحيح الافعي: اقسم بالله العظيم لو شوفتك بس بترفع عينك عليها تاني او ع اي بنت تانيه لهمحيك خالص
