كواكب الليل قد لاحت لناظرها
و بدر وجهك اليوم عني مفقود
فهل تراني اري من برقه خبرا
ام أن قلبي بالاوهام موعود؟
- مقتبس
ــــــــــــــــــــــــــــــــــ
تلاقينا متشابكين الايادي افترقنا متشابكين الأنظار ،
ممزقين القلوب،انتظرت أن تشرح لكِ نظرات اعيني الداميه لفرط بكاها و لكنك لم تلاحظي ،و لن تلاحظي .
نظرت "ليان" الي "باسم" بخوف و نظرات مشتته ضائعه يملؤها الحزن بأعين دامعه تقول بلهفه:لا يا باسم ارجوك،انا موافقه والله بس متقولش حاجه
نظر لها الآخر بدون ذره شفقه أو حزن لأجلها بل ناظرها بنظرات خبيثه و قال بضحكه ساذجه :شاطره يا ليلي كده تعجبيني أمشي انتِ بس تحت طوعي و انتِ تعيشي ملكه
ـــــــــــــــــــــــــــــــــــــــ
في غرفه "نور" تهاتف زوجها ليخبرها بتفاصيل يومه
تنتظره يجيب علي هاتفه بتوتر حتي اجاب اخيرا و قالت : السلام عليكم عامل ايه يا مازن اتمني تكون بخير و صحه و سلامه و كل حاجه حلوه
رد عليها "مازن" بسخرية :و عليكم السلام ورحمه الله ايه يا نور محسساني انك بتكلمي مع شيخ ده انا جوزك!
قالت هي بتفسير: انا اسفه مش قصدي والله بس الفكره اني مش متعوده اتكلم معاك علي الفون كده كتير و انا اصلا متوتره خلقه انت عارف
رد عليها بحب و قال :نور انا مش عايزك تتوتري احنا بإذن الله هنعيش مع بعض في بيت واحد يعني هتعملي ايه ؟ المهم عايز اقولك أننا بكره أن شاء الله رايحين ل فريده الدكتورة لو نسيتي
قالت الأخري بتذكر :اه شكرا انك فكرتني تمام هقول لبابا أننا خارجين لاني مش عايزه حد يعرف بالموضوع ده دلوقتي ،عايزاك بس تقولي ليان عملت ايه مع الولد اللي متقدملها ده ؟
قال الآخر يسرد تفاصيل يومه :بصي يا ستي آدم و عمو شدوا مع بعض شويه و اتفقنا انا و الرجاله أن في قاعده هتتعمل مع عمو عشان نحل المشاكل دي و ليان وافقت عادي معترضتش حتي مش فاهم ازاي بس في حاجه غلط في الموضوع كله مش داخل عليا و كمان ليان كان باين عليها الخوف و الإجبار و كانت بترتعش
قالت "نور":ايوه بس ليان مكانتش تقدر تعبر حتي عن رأيها عشان عمو زي ما انت حكتلي قبل كده يا مازن
رد عليها مفسرًا :يا بنتي حتي كانت قالت حاجه مش بالسهوله دي !
قالت الأخري :مش عارفه بس حقيقي ليان صعبانه عليا اوي هو لسه في حد زي عمو في الزمن ده اصلا ؟
قال "مازن" :ربنا يكون في عونها بقي يا نور المهم اسيبك تريحي شويه عشان بكره بقي و انا هتكلم مع عمو و أقوله ريحي نفسك اصلا المفروض انا اللي استأذنه مش أنتِ
شكرته الأخري ثم قامت لتأخذ حماما بارد لعله يطفئ من نيران توترها و تستعد لغدا و مقابلتها مع هذه الدكتوره
ـــــــــــــــــــــــــــــــــــــ
في منزل عائله "المحمدي " تحديدا في شقه "مصطفي " والد "لمار " كانت تجلس "لمار" رفقه ابيها لتخبره تفاصيل ما حدث عند جدتها: بس يا سيدي دي كانت مغامراتنا هناك المهم أن في حاجه اهم عايزه اتكلم مع حضرتك فيها لكن مكسوفه شويه
