"المثير للدهشة أن تكون فلسفتك حزينه ،و وجهك بشوش و تحب الصباح ولا يفوتك سهر الليل،و قلبك يغلي و أفعالك بارده "
ـ دوستويفسكي
ــــــــــــــــــــــــــــــــــــــــــــــــــــــ
سافر حبيبي
راح ،راح علي بلاد الغربه
التي هي قلب يحتويه،
قالولي راح حبيبك
اواه من فراق الحبيب
دوي صوت صراخ "ليان" بالمكان بأكمله بعدما رأت امها تسقط مغشيا عليها ،بينما حمل "آدم"والدته الغاليه ليساعدها علي استعاده وعيها
قالت "ليان" بصوت باكٍ بعدما فاقت والدتها:ماما أنتِ كويسه يا حبيبتي ؟
نظرت "حنان" بتيه الي زوجها و ابنائها لماذا وصل بهما الي هذا الحال هل تصل حقاره زوجها الي هنا ؟
أهذا حبيبها الذي حارب لأجلها ،حبيبها الذي اغرقها بحبه! تبخر كل هذا و ما بقت الا الذكري.
قالت "حنان" بإبتسامه باهته اثر تعبها :اه يا حبيبتي كويسه الحمدلله
قال "آدم" بصرامة:بصي يا امي أنتِ تقعدي تستريحي و متتحركيش و ليان هي اللي هتقوم بشغل البيت كله خلاص هي كبرت و لازم تتحمل المسؤولية
ثم نظر لأبيه بنظره حقد و قال بصوت عالٍ: ام الجوازه دي مش هتتم و انا قولتها كلمه انتَ ابويا و علي عيني و علي راسي و كل حاجه بس انا شايف انك بتعمل حاجات غلط كتير مش فاهم انا ايه اللي غيرك و لو عاندت و عملت اللي ف دماغك بعد ما اسافر انساني انا ،و اختي ،و امي .
بعدما سمع والده هذا الكلام و رأي حال أسرته التي تغيرت كثيرا عن ذي قبل و هو السبب في ذلك خرج من المنزل لا يعرف له مأوي ولا ملجئ
سألت "حنان" ابنها : انتَ مسافر امتي يا حبيبي
قال الآخر بحنو و هو يقبل يد والدته: النهارده الفجر يا ست الكل أن شاء الله ،علي عيني والله اقعد معاكي و أنتِ تعبانه كده بس حكم الشغل متزعليش
ابتسمت له أمه بحنو و قالت:ربنا يجعلك في كل خطوه سلامه يا ابني
حمحم "زياد" بخشونه و قال:حمدالله علي سلامتك يا حنان يا قمر ،نستأذن احنا بقي ،و لو احتاجتي حاجه رقبتنا سداده أنتِ زي امي برده
ابتسمت له "حنان" بأمتنان ،و ذهب الشباب من المنزل و ذهبت هي الي النوم لشعورها بالمرض يسيطر علي جسدها
دلفت "ليان" غرفه أخيها بعدما طرقت الباب و اذن لها بالدخول و قالت بحزن بعدما وقفت أمامه بخوف:آدم انا اسفه والله بس كنت خايفه صدقني
قاطعها الآخر و قال بعصبيه و شبه صراخ:خايفه ! خايفه من ايه يا ليان ده انا بئر أسرارك و أنتِ بئر أسراري خايفه ازاي ده اللي مجنني ازاي استحملتي ده لوحدك ليه مقولتيليش هو انا عمري ضربتك زعقتلك عمري ! ده انا احن عليكي من اي شخص و أنتِ عارفه كده لي محكيتيش ليه كتمتي في قلبك لــيه؟
