الهوى والحُب اعظم خطاياي
بارت - 2
" العصر ببيت سالم
كان التجمع هناك وكانوا جالسين كلهم مع بعضهم
وسالم جالس بصدر المجلس وجنبه من اليمين عياله واليسار كانت سُميه وزوجات عيالها بعدهم البنات ومقابلين العيال كان المجلس مليان بعياله واحفاده
كان سالم يتامل احفاده ودق جوال أيهم يشوف المتصل مُديره استاذن
وطلع لبس وطلع لدوامه وهو يفكر بضحكة نجلاء وعيونها كانت اسم على مُسمى لاول مره يركز فيها ويسمع ضحكتها من قريب وحاول مايفكر
" المركز "
دخل يقابل العميد حاتم يدق له التحيه ويدخل مكتبه يدخل وراه العميد يتكلمون عن الشغل
حاتم وهو يناظر بوجه أيهم اللي واضحه هالاته : أيهم ياولدي ابيك تطلع لي موقع ذا الرجال وجب لي معلوماته وتجهز الاثنين بنمشي نمسكه
هز راسه أيهم بايه وهو يدق التحيه يطلع العميد من المكتب يبحث أيهم عن الاسم وطلع كامل معلوماته وأدى شغله باقي الموقع ويروحون
رجع البيت العشاء وطلع لبيت جدّه يشوف لمار ونجد ومعهم بنت ماعرفها الا من سمع ضحكتها وعرف انها نجلاء ودخل عند اعمامه يجلس جنب جابر يسولفون وشدّه نقاش جده وعمه خالد
سالم : ياولد شف البنت تبي تتزوج ولا لا توقف بنصيبها
خالد بذهول : بنتي صغيره كيف تتزوج !
سالم وهو بدا يعصب : تراها كبيره ياخالد لا توقف بنصيب البنت ولا انا رحت اعلمها
سكنت ملامحه لانه فهم ان في احد خاطب نجلاء بس مايعرفه
وعرف ان عمه رافض الفكره وسوا نفسه مو مهتم يلف يكمل سوالفه ووقف الدم بجسمه
من شاف عمه خالد وجدّه يدخلون بالداخل عند الحريم
يتنحنح خالد : يانجلاء يانوره
طلعوا نوره ونجلاء يجلسون بالصاله اللي محد يدخلها معاهم خالد وسالم
سالم بتمهيد : نجلاء انتِ كبرتي والخطاب كثروا يابوك
وقف الدم بعروقها لانها دايم ترفض الخطاب وهزت نوره راسها يكمل خالد : خطبك بندر من عائله آل رائد ظني تعرفينهم
تهز راسها لانها تعرف بناتهم : اعرفهم
يهز سالم راسه ايه : يابوك فكري واستخيري
توقف نجلاء تركض عند نجد ولمار تسحبهم لغرفتها ببيت جدها
" بالغرفه عند البنات
نجلاء بتوتر : بنات انخطبت
بققوا عيونهم نجد ولمار بذهول يلفون عليها : مين اللي خطبك ؟
نجلاء بتوتر من ردة فعلهم : بندر اخو وجد اللي من آل رائد
لمار بذهول وتهدئه : خلاص نجولي فكري واستخيري اذا مرتاحه وافقي اذا مو مرتاحه ارفضي مايستاهل التوتر
تهز نجد راسها بايه لان نجلاء متوتره بشكل واضح
يعدلون شكلهم وينزلون تحت تلف عليهم سُميه لانها عرفت بموضوع خطبة نجلاء تبتسم وتلف تشوف الخادمات يرتبون الطاوله للعشاء تشرف عليهم عشان يتعشون
تعشوا وراحوا عيال سالم مع زوجاتهم ينامون كل زي نهاية اسبوع ينامون ببيت ابوهم بغرفهم مع عيالهم بعد العشاء يروح كل لغرفته
الا البنات اللي يتجمعون بالملحق يسولفون وكانت سالفتهم ذي المره سالفة خطبة نجلاء
اللي عرف فيها أيهم ومانام ليله يفكر كيف بضحكه غيرت موازينه ؟ يحاول ينام بس ماقدر ينزل تحت لانه مايعرف بوجود البنات بالملحق والبنات يحسبون العيال نايمين تقوم نجلاء من وسطهم تدخل المطبخ تدور الحلا وما انتبهت لأيهم اللي كان واقف بطرف يشرب مويه تدخل شهد بجلالها تدور القهوه وانتبهت لأيهم اللي مركز نظراته على نجلاء تتنحنح تلف نجلاء لها : اهلين شهوده
شهد تناظر أيهم اللي يناظر نجلاء : اهلين نجولي وين جلالك ؟
نجلاء باستغراب : العيال نايمين مين بيطلع بالله
تلف شهد نظرها لأيهم تخبي نجلاء وراها : أيهم صدد
تشهق نجلاء من ذهولها تغرق بالخجل
أيهم اللي ترك الكوب يصعد لغرفته تطلع نجلاء من خلف ظهر شهد اللي تضحك : ذا مو تاملك وبس ذا فصلك تفصيل حبيبي
نجلاء وعيونها غرقت بالدموع : ذا اكثر واحد يخوفني من عيال اعمامي احسه شديد بس حلو
تنهار شهد من ضحكها تحضن نجلاء لانها شوي وتبكي يدخلون نجد ولمار ولجين لانهم طولوا يوقفون على الباب يشوفون نجلاء بحضن شهد اللي منهاره من الضحك تضحك لجين من المنظر تتقدم نجد تسحب نجلاء تشوف وجهها الاحمر وعيونها متغرقه دموع تناظرها بذهول لان وش يبكيها تسحبهم للملحق
نجد : نجلاء حبيبي وش يبكيك مالقيتي الحلا ؟ خلاص مو لازم
شهد شرقت بضحكها من نجد اللي تحسب الموضوع كله دلع وحلا وقهوه تضربها لجين
" عند أيهم بغرفته
جالس مصدوم من نفسه انه ماغض بصره وانه أيهم وقف عند نجلاء ويفكر انو الملاك ذي من عائلتي وفي واحد خاطبها تشبكت الامور كلها وكان ناسي باب غرفته مفتوح وكان اللي واقف على الباب جده سالم مو غيره لان سالم حضر المشهد كله من المطبخ لين دخل غرفته وجلس على طرف السرير وهو يهوجس ودخل سالم يحط يده على كتف حفيده يرفع راسه أيهم يناظره تليّن نظراته يناظر جده
يجلس جده جنبه : يابوك الردى مالك درب به انت رجال ينشد بك الظهر والرجال اذا شاف حرمه مو محرم له يغض بصره ويصد لف يناظر جده بذهول ان جده يفكر انه متقصد : انا ماني ردي ياجدي عشان تحسبني قاصد اناظر انا ناظرت لان ماني مستوعب ومانيب قاصد اناظر في بنات الناس
سالم وهو يناظر حفيده وهو اساساً عارف انه كان يفكر فيها وعارف ان حفيدته تمكنت من أيهم عديم الاحساس ولانه ادرى الناس في حفيده يعرف انه يحس يعرف انه عانى 29 سنه لقى الراحه بسنته ذي ومو كامل الراحه بعد ربّت على كتف أيهم وهو يدعي ان الله يريح باله طلع سالم وسكر الباب ينزل لحفيداته يأمرهم ينامون لان بكره جُمعه ووراهم صلاه وبيجون يدورون فطور وقاموا البنات لغرفة نجد ينامون فيها مع بعض بعد ماطلبت منهم نجد يجون يسولفون شوي وينامون ووافقوا طبعاً
" قبل صلاة الجمعه "
قاموا البنات ياخذون شاور وينزلون مع امهاتهم يسوون الغداء لان الرجال بيجون من الصلاه
سُميه وهي تناظر نجلاء : هاه يمّه وافقتي ؟
تخجل نجلاء : بدري يايمه بدري بستخير
سُميه بعدم إعجاب : تفكرين وتستخيرين ذا رجال مابختلفون عليه اثنين وافقي بس كانت الجمله على مسامع سالم وأيهم اللي كانوا توهم جايين
يبتسم سالم على كلام سُميه : صح صح يارفيقة العُمر بندر رجال مايختلفون عليه اثنين ينشد فيه الظهر
ناظرهم أيهم بذهول وهو كان واقف على باب المطبخ يطلع للمجلس يجلس عند ابوه واعمامه
خالد : اخواني في خطاب بعد المغرب بيجون لبنتي حبيت ابلغكم
وكان الكلام يختلف بين ( ماشاء الله الله يوفقها ، الله يستر عليها ، مبروك مبروك وينها جولي صار لي يوم ماشفتها وكانت ذي جملة فهد يلفون عليه اخوانها
فهد وهو يشوف نظراتهم : سلامات وش ذي النظرات تراها بنت اخوي
جابر بتمثيل للحده : خلك رجال اختي تراها وبتتزوج وقتها ماتشوفها
تعالت ضحكاتهم على فهد اللي لانت ملامحه من استوعب : خالد مو منجدك خلاص انا اتزوجها مو لازم ذي كثيره عليه مهما كان يدخل سالم المجلس على جملة فهد : ماشاء الله ولدي يخطب حفيدتي وين صارت ذي ؟
فهد بزعل : شفيكم تراها بنت اخوي وماتتزوج الا اذا انا تزوجت
خالد بتعّجب : تقطع نصيب البنت ؟
أيهم بعدم اعجاب : ولد العم اولى ياعمي
ناظره رائد بذهول لان من العدم خطبها يناظره عمه خالد وعياله الثلاثه
وتنحنح سالم : خير ماقلت يا أيهم الحين راي البنت اولى
لف رائد يغمز لولده يلحقه يطلع وراه أيهم
رائد بتعّجب : ياولد انت صادق ؟
أيهم رفع حاجبه : مو ولد العم اولى من الغريب يابوي
يهز راسه رائد بأيه : ولد العم اولى بس انت مابلغتنا ولا عطيتنا سبب وانت كنت رافض الزواج
أيهم وهو يكره التبرير : يابوي صار اللي صار والحين انا خطبت باقي تعطينا الموافقه ونروح من بيت ابوها ونخطبها رسمي
انستا : Rawaiah_45
أنت تقرأ
الهوى والحُب اعظم خطاياي
Humorبسم الله الرحمٰن الرحيم اللهم بداية خير ويجعلني عند حسن ظنكم اول رواياتي « الهوى والحُب اعظم خطاياي » اذا في اخطاء اعذروني واذا نالت اعجابكم الحمدلله الحمدلله دائماً وابداً انستا : Rawaiah_45 الكاتبه : لـمـار 1445/12/30
