الهوى والحُب اعظم خطاياي
البارت - 6
أيهم بغضب : كلامي واضح لكم كلكم امشوا معي للمزرعه بسيارتي واتركوا فهد رجّال تراه
نجلاء بعناد : رجلي على رجل فهد
نجد بروقان : عصبوا بكيفكم انا ماني متحركه من مكاني
فهد بجلطه من روقان نجد : خلاص امشوا اوديكم المزرعه انا
نجد ونجلاء ابتسموا بانتصار وراحوا مع فهد
شهد بروقان غريب : أيهم بتملك بعد يومين على حُبك وش شعورك
لمار : حبيبتي شهد ابد مو وقتك
أيهم وهو روق بعد سوالها : خليها لمار ، ايوه شهد وش تقولين
شهد بوناسه وهي تشد على يد لجين : اقول بتتزوج حُبك صرت رجال مو زي الذكور اللي يوعدون يتزوجون ومايوفون اشباه الرجال
أيهم رفع حاجبه لثواني : وانتِ وش دراك عنهم ؟
لجين تنحنحت بتدارك : ماتقصد هي قالت من وحي الخيال بس
أيهم قلد نبرتها : ماتقصد ياحرام ، سبحان الله
كتمت ضحكتها لمار وكذلك شهد ولجين
بسيارة فهد
فهد بطقطقه : نجلاء عصيتي زوجك ياويلك
نجد بضحكه : اي والله وراك مارحتي معه
نجلاء بتوتر : شدعوه ماصرت زوجته للحين ماملكنا شفيكم
فهد بروقان : شرايكم نروح كوفي
نجلاء : الله يلا بس
نجد : في كوفي جديد يمدحونه لف عليه يمين
دق جوال فهد من أيهم
أيهم اتصل لانه كان وراء سيارة فهد واستغرب ان فهد لف يمين
أيهم بعصبيه : انت وين رايح
تنحنح فهد : نجلاء تبي قهوه
شهقت نجلاء بذهول
أيهم بطقطقه : ماشاء الله نجلاء تبي صدقت
نجد : أيهم بنروح نمر ناخذ قهوه ونرجع المزرعه ، عشان نجلاء بس
ضحك أيهم بذهول : روحوا روحوا الله يستر عليكم بس الحمدلله والشكر صدق
نجد عطته بوسه وقفلت الاتصال
نجلاء بعصبيه : انتم شفيكم كل شي علي والله اعضكم فهد نجد كيف صرتوا اعمامي انتم ليه انا بوجه المدفع
نجد وهي تدندن : لانك حُبه بيسوي المُستحيل عشانك ياحبيبتي
نجلاء بطفش : اقول مانبي درايڤ ثرو خلونا ننزل
هز راسه فهد يوقف السياره
ضحك وهو ينزل : والله السياره من وراء معدومه
نجد بسخريه : انت متبلد ولا قاعد تشتت خوفك من ابوي ولا وش
نجلاء : خايف من جدي واضح ياحرام الله يعينك على الهواش
تنحنح فهد : شدعوه مااخاف الا من اللي خلقني بس الشيخ سالم من مايهابه
نجد بطقطقه : يالبى الشيخ سالم مخوفك البابا ياحرااام
نجلاء : خلاص مسكين بيبكي
فهد : بنت ! انا رجال ماابكي
نجد : ماشاء الله عليك رجال والله وتصير ارجل لو تدفع عني
فهد : ماشاء الله انتي صدق ووراك ماتدفعين ؟
نجد : مكافاتي راحت على الفساتين
تقدم فهد يشوف شنطتها يطلع بطاقة ابوه : ياحرام راحت مكافاتك بطاقة ابوي وش جايبها معك
نجد بابتسامة توتر : يمكن نسيت بلغلط معقوله
نجلاء وهي تشوف المنيو : عيب عمه كيف نسيتي توك صغيره للحين مانضج عقلك مسكينه
فهد وهو يناظرها : الحين انتِ معروفه طلباتك دايم V60 وراك تشوفين المنيو
نجلاء : خلصت من اختك جيتني ؟ ، ابي حلا بفلوس جدي مو فلوسك
فهد : حلالي وحلال ابوي واحد
نجد بذهول : البطاقه لي ابوي معطيني اياها انتم مالكم دخل كل واحد يدفع لنفسه
فهد : حبيبتي والله تدفعين لي
الشخص اللي مر : يضايقكم ذا
نجد باستغراب : هاه
فهد بذهول : من انت ووش دخلك
: يضايقكم ؟
نجلاء : وش
فهد قاطعها : مالك دخل توكل بس
: فوق ماانك مصفوق ووجهك مجرّح جاي تغازل ؟
فهد : مالك دخل يلا بس
عند نجد اللي خافت تصير هوشه وتاشر للموظفين
الموظف : امريني اختي
: شيلوا ذا يغازل
نجد بذهول : انت وش دخلك محد شكى لك
فهد : ياشين اللقافه يلا تدل دربك اللي جيت منه توكلل
نجلاء : لو سمحت شيلوه راعي مشاكل
: راعي مشاكل هاه وانتم عندكم ال ..... ذا وراضين يالرخصيات
نجد اللي رمت المق اللي بيدها عليه ونطقت بنبره حاده :
مالك دخل ولا تتلفظ وتقذف يابابا لا اجرجرك بالمحاكم على الكلام اللي قلته الحين
الموظف بتدارك : خلاص هدوا النفوس ، اخوي يلا توكل
: الشرهه علي اللي جاي اساعدكم
هز راسه الموظف : خلاص مايصير خاطركم الا طيّب
أنت تقرأ
الهوى والحُب اعظم خطاياي
Umorبسم الله الرحمٰن الرحيم اللهم بداية خير ويجعلني عند حسن ظنكم اول رواياتي « الهوى والحُب اعظم خطاياي » اذا في اخطاء اعذروني واذا نالت اعجابكم الحمدلله الحمدلله دائماً وابداً انستا : Rawaiah_45 الكاتبه : لـمـار 1445/12/30
