الهوى والحُب اعظم خطاياي
بارت - 8
فتحت عيونها لمار تشوف اللون الاسود
أيهم بابتسامه : الحمدلله قمتي ، كيفك ؟
لمار بخوف : أيهم مااشوف
تلاشت ابتسامة أيهم : كيف ماتشوفين ؟
لمار ودموعها تنزل : مااشوف مااشوف أيهم تكفى
أيهم اللي سكنت ملامحه : ابشري انادي الدكتور الحين
وطلع ينادي الدكتور
الدكتور : لمار غمضي عيونك وافتحيها بقوه
نطقت لمار : مااشوف !
ناظرها أيهم وهو خايف ولف يشوف اهله يركضون
رحاب ركضت عند لمار تحضنها وتبكي تكرر " الحمدلله الحمدلله "
بعّدت رحاب من لاحظت سكون بنتها تمسك وجهها
الدكتور نطق من شاف ان ابوها بيجيها : معليش ياابو لمار بنسوي فحص هز راسه رائد ترجع خطوته ورا
الدكتور : لمار تشوفين ؟
لمار بكت تصرخ : مااشوف مااشوف
سكنت ملامح اهلها وشهقت لجين بصدمه : وش يعني ماتشوفين ؟
لفت لمار على الصوت تبكي وتقدمت لجين تحضنها : والله والله يالمار بتصيرين بخير بس وش فيك وش اللي تحسين فيه بس لا تبكين لا تبكين
رائد نطق يتدارك : صح بتصيرين بخير ، بعالجك لو اطلّعك للخارج اللي تبينه يصير
بردت ملامح رحاب : وش وش خارج ومدري ايش ؟ بنتي مافيها العافيه اكيد من الارهاق
هز راسه الدكتور بالنفي وصار صمت عجيّب
قطع الصمت البنات اللي جو تتقدمهم سُميه وسالم
نجد بفرحه : الحمدلله ، لماااري وحشتيني حتى حلطمتك وحشتني كيفك ؟
نجلاء ناظرت لمار بأبتسامه واضحه
شهد : آخخ لماري
ابتسمت لجين : هاه شهود ؟ قبل تطيح كنتم متهاوشين صار لك شهر وانتِ تهليّن دموعك
ابتسمت لمار تخفف شعورها : شهد تحبيني ؟
ضحكت شهد : احبك ؟ وشو الحُب عندك انتِ ؟ اموت فيك انا ، بعدين وش ذا التشهير لجين حبيبتي ؟ شهرتي فيني تقولين اخيراً طلع عند شهد احساس ! تراني انسانه زيكم بعدين
ونطقت نجلاء : الحمدلله على السلامه لماري
لمار : الله يسلمك نجولي
نجد باستغراب : لمار حبيبتي وين تطالعين نجلاء جنبي
ابتسمت لمار فقط بدون رد ورفعت حاجبها نجلاء
لجين بتدارك : للحين صاملين على روّحة دبي ؟
سكنت ملامح لمار من اختها ماتستوعب وش تقول لو قالوا ايه ؟ كيف بتتصرف وهم مايعرفون انها ماتشوف
دخل فهد يركض ووقفت خطوته من شاف لمار جالسه والكل حولها توسعت ابتسامته : لماري !
ابتسمت لمار : فهودي
تقدم فهد يحضنها : اخ لمار صار لي شهر ماحارشتك
ضحكت تهمس باذنه : قصدك صار لك شهر ماطقطقت علي انا وتركي تقول ورعان الامس يحبون وانا لا والمشكله انك اصغر منّا يالبزر انت
تنحنح فهد يضحك : ماله داعي تصارحيني اخر شي اني اصغر منكم
ضحكت لمار تمسك يده تشدها ولفوا عليهم يكملون
نجد بتذكر : صدق بنروح دبي ولا كنسلتوا ؟
سالم : بكيفكم انتم اللي بتروحون
لمار : مابنروح
نجلاء باستغراب : ليه ؟ عاد كانت بخاطري هناك اشياء
تركي : الحمدلله والله طلعت سالمّه
عزام براحه : ياولد صار لي شهر وانا اواسي نجلاء وكل ماقلت بتصحى بكت زياده توترت منها هي وفالها
ضحك جابر : اي والله كانت اذا قالت واذا ماقامت ؟ ارّد دموعي بالغصب
تركي : والله توتر منها صدق
سعود : الحين نجلاء وأيهم بيتزوجون ؟
رفع حاجبه أيهم الداخل وتنحنح سعود : اقصد بتكملون بالخطبه ولا ؟
هز راسه أيهم يدخل
سعود : ياراسي صدعت من حواجبه شوي وتوصل منابت شعره
تعالت ضحكاتهم على سعود ولفوا من دخل سالم وسُميه ووراهم الباقيين قام تركي يدق تحيه بطقطقه ورمقّه سالم ناقد
وتراجع تركي يجلس بأدب
أنت تقرأ
الهوى والحُب اعظم خطاياي
Humorبسم الله الرحمٰن الرحيم اللهم بداية خير ويجعلني عند حسن ظنكم اول رواياتي « الهوى والحُب اعظم خطاياي » اذا في اخطاء اعذروني واذا نالت اعجابكم الحمدلله الحمدلله دائماً وابداً انستا : Rawaiah_45 الكاتبه : لـمـار 1445/12/30
