الهوى والحُب اعظم خطاياي
البارت - 4
بعد يومين تحديداً الاحد
عند أيهم اللي كان يمشي بالمزرعه يسمع صوت بالحوش الخلفي يشوف بندر اللي يلمس نجلاء بقرف ويشوف نجلاء اللي تحاول تبعد بس انه حاشرها على الجدار
يتقدم يمسك بندر من ياقته : لا تقرب لها يا ابن الكلب والبنت مالك بنت عندنا تفهم ؟ متعاطي تراك لا تتمرجل عند جدي وعمي عشان يعطونك بنتهم
شهقت نجلاء بذهول لان وش يعني متعاطي ؟
بندر بسخريه وعدم اهتمام : مالك دخل ومحد شكى لك يالرجال انت عاد
وفك يد أيهم يدخل مجلس الرجال جنب يدخل أيهم وراه
: اسمع ياعم بنتك تبي الطلاق لانها ماتتزوج متعاطي !
ابو بندر بذهول : وش يعني متعاطي ؟ ولدي رجال ماله بدروب الحرام يهز راسه أيهم ببرود يطلع من المجلس يشوف نجلاء جالسه على التراب تبكي
دخل : اسمعي انا متزوجك متزوجك رضيتي ولا مارضيتي
نجلاء بذهول لانه مرّكز نظراته عليها مايصد : صد صددد ما احل لك انا
أيهم بعصبيه : اطلبي الطلاق ! لا تغيرين الموضوع الحين تروحين لابوك وماتتزوجين متعاطي
لجين اللي كانت طالعه تدور نجلاء سمعت الصراخ تشوف نجلاء قدام أيهم اللي ماسك معصمها تركض تبعدهم عن بعض
لجين بذهول : أيهم وش جاك ! صد صد عن البنت
نجلاء اللي اخذت الشال اللي على رقبة لجين تستر فيه نفسها
تطلع لايهم : مالك دخل اتزوج اللي اتزوجه وبطلب الطلاق مو عشان سواد عيونك عشانه متعاطي ومو رجال ولو تخطبني ماني موافقه عليك
لجين شهقت بصدمه لان وش يعني متعاطي وليه قالتها بالذات
الحين ؟
نجلاء اللي شافت عزام تركض عنده تحضنه وتشاهق
عزام بذهول : وش فييك
نجلاء وهي عافت الزواج وطاريه ماتبي لا أيهم ولا بندر : ابي الطلاق ماابي ابي اجلس عندكم ادخل قل لهم اختي تبي الطلاق
عزام بذهول : وش سوا لك !
نجلاء وهي تشاهق : ماسوا شي بس ادخل عندهم وعلمهم
عزام وهو يمسح دموعها يعطيها من المويه اللي بيده عشان تهدا : ابشري مايصير خاطرك الا طيّب ادخل غسلي وجهك هزت راسها بايه تبعد عن حضنه تركض فوق للغرفه
عزام اللي شاف لجين وأيهم اللي يصارخون على بعض يبعد عنهم يدخل للداخل يهمس لابوه : نجلاء تبي الطلاق
خالد وسالم اللي كان قريب وسمع تختلف ملامحهم : ليه ؟
عزام ببرود العالمين : مدري عنها تقول ماتبيه وانا قلت لها تم
جابر اللي سمع يتنحنح : والله ياابو بندر العلم سلامتك طلعت اختي اللي تبي الطلاق
بندر بصدمه : اكيد قالب مخها ذا الايهم
خالد اللي انصدم لانه ماتوقع ولده بيتكلم : والله وذا طلب البنت الللي سمعناه منها والحين نفصخ العقد والله يستر عليك
سالم قام يدور أيهم شافه هو ولجين اللي حاضنته : شفيك انت وش قايل لبنت عمك يوم انها طلبت الطلاق تلف لجين بذهول لان ماتوقعت ان نجلاء بتصدق كلام أيهم ضحك أيهم بسخريه : ماقلت شي بنت العم عرفت الرجال اللي انتم مطيرينه بالسماء لجين اللي سكنت ملامحها من الصدمه : وش شايف منه انت
أيهم : ماشفنا منه شي بس تعرف الرجال من وجهه وهو ماهو رجال ذا شبيه رجال وتاجر محْدرات يبيع ويشتري وياكل بعد
سالم بصدمه : وانت وش دراك عنه ؟
أيهم بعدم اهتمام : ذا مطلوب للدوله اساساً لجين ادخلي بلغي جدتي والحريم وانا وجدي بندخل عند الرجال
تهز راسها تدخل داخل تدور نجلاء شافت نجلاء ونجد ولمار جنب بعض ونجلاء بالوسط تسحب شهد يروحون عندهم يجلسون جنب بعض نجلاء تقول السالفه كامله لفت نجد بذهول : اخس والله مو هين الايهم ذا وينه بكلمه ضحكت لمار بذهول من تصرف اخوها : وين لجين وشهد هم اللي بيكونون مبسوطات ماتروح احلامهم على الفاضي
ضحكت شهد بانبساط غير طبيعي تحضن لجين : الله كنت حاسه ان ولد العم مايكسر ثقتي فيه ، نجلاء وافقي لو خطبك يححببكك !!
نجلاء : مايحبني ولا ابي له حُب هو يبي يطلقني من بندر عشانه حق محْدرات
شهقوا البنات بصدمه : مين مين حق المحْدرات !
نجلاء ببرود : بندر
نجد بذهول : بندر ماغيرره ! اخو وجد ! كيف ومن متى ! بندر رجال دايم يقوولن ينشد فيه الظهر
لمار ببرود يقتل تنطق : أيهم استخباراتي وبيعرف بسهوله شفيكم مصدومين ! ترا مافي رجال كامل الا السعوديين اصل وفصل
شهد : يالليل لمار تكلمت عن السعوديه وش يسكتها الحين بس والله فعلاً بندر امه مو سعوديه وتحسين وجهه مو مريح
لمار بضحكه : لو سمحتي تراني سعوديه مو انسانه طبيعيه زيهم ضحكت نجلاء : والله اول مره ودي اني احل ل أيهم ابوس راسه على الاكتشاف قبل اتزوج سكران
لجين : معليك انتِ بتصيرين حلاله بالمستقبل مو تبوسين راسه وبس
نجلاء : يالليل ذي الجريئه سكتوها بالله وبعدين ماني متزوجه الا بعد عشر سنين
نجد : لا مو على كيفك حبيبي بتتزوجين متى ماخطبك أيهم توافقين طرق
شهد باتفاق : اتفق معاهم صراحه
نجلاء : وانتِ مهمتك توافقين وتوافقين خلي عندك راي
شهد : معليش بس مااقدر اقول كلام بعد كلامهم كله صح وبتتزوجين أيهم طرق ياقلبي وماعندي راي لان كل راي بقوله ينطقونه قبلي
جاء سعود : نجلاء اخوانك وعمي خالد وجدي يبونك
وقفت نجلاء بتوتر : بنات تكفون
نجد بابتسامه : الحمدلله بعدين ترا مال البنت الا ولد عمها
كشرت نجلاء : جدتي مو بنت عم جدي بلا عبط
لمار : برضو امي مو بنت عم ابوي
شهد : برضو انا امي مو بنت عم ابوي
كشرت نجد بزعل : لا اله الا الله وش ذي الشخصنه اللي فيكم قلتها على سياق الجمله بس بعدين انا عمتكم المفروض كل كلمه اقولها صح
وقفت نجلاء على الباب تاشر للبنات يتغطون دخلوا اخوانها وأيهم وسعود
عزام وهو سمع كلام نجد : طيب ياعمتنا الجميله شرايك نسافر
دخل فهد وراه يحط يدينه على كتوف عزام يستند عليه : بنسافر كلنا بس نختار الدوله بس حنا بدون الكبار
يدخلون الامهات والاباء وسالم وسُميه : ماشاء الله على وين ؟ وبدوننا بعد
وقفت نجد : بابا شرايك صدق بس بنسافر اسبوع ونرجع
سالم : نجد الاحباب نطقت وين بتسافرون ؟
توسعت ابتسامة نجد من ابوها اللي ماينطق اسمها لحاله كالعاده
فهد : بنروح الامارات
أنت تقرأ
الهوى والحُب اعظم خطاياي
Humorبسم الله الرحمٰن الرحيم اللهم بداية خير ويجعلني عند حسن ظنكم اول رواياتي « الهوى والحُب اعظم خطاياي » اذا في اخطاء اعذروني واذا نالت اعجابكم الحمدلله الحمدلله دائماً وابداً انستا : Rawaiah_45 الكاتبه : لـمـار 1445/12/30
