الهوى والحُب اعظم خطاياي

بارت 9

الهوى والحُب اعظم خطاياي
بارت - 9

طلعت نجلاء تتمنى انه راح ومن شافته واقف بالحوش متكي على الجدار يدخن كشرت واخذت عبايتها تتسحّب تطلع من الباب الثاني واخذت مفتاح سيارة عزام بغضب هي جت بيتهم تبي تجلس لحالها بدون احد وأيهم جاء وعصّب فيها وركبت السياره ماتعرف وين وجهتها بس انها تبي تروح ورفع حواجبه أيهم من صوت السياره اللي كانت قريبه وطلع للشارع يشوف سيارة عزام تحرك بس عزام مو موجود من الاساس هو وجابر خارجين من العصر واخذ نفس من توقعها هي لانه سمع صوت خطوات وراه ومايبغى يلتفت لانه قاعد يجبر نفسه ويتمنّع بالغصب عقد حواجبه مايعرف هي وين رايحه بس مايبي يلحقها ابداً ويراقبها

نجد بذهول وهي كانت واقفه على الشباك ووقت شافت نجلاء طالعه تركب السياره هي ضحكت بذهول تلتفت لشهد : بنات عمك انجنوا والله مو صاحيات ثنتين يزعلون وحنا ماقلنا شي ، ووحده تجينا عيونها دموع وماترد
تنهدت شهد بتمثيل للحزن : طيب تزوجي وجيبي بنات يصيرون بنات عمتي وصحباتي ذولي زعولات
نجد بطقطقه : اخ وين فارس احلامي بس والله اسحب عليكم كلكم اهجركم اجيكم بالسنه حسنه تنسون ان عندكم عمه اسمها نجد
دخل فهد : ايوه تبين الزواج طال عمك ؟
رفعت حواجبها : اي والله وانا اختك تصدق لو تزوجت ماتشوفون وجهي لباقي الحياه ؟
فهد وهو يحضن شهد او بالاصح يخنقها : اي والله خير وبركه تفكينا شوي
شهد بخنقه : تكفى والله ما سويت شي فكني
شدّ فهد عليها : ماسويتي شي بس اشتقت لك
ضحكت نجد تشوف شهد شوي وتختنق : فكها حرام عليك خنقتها
فهد طنش يشد عليها وضحكت نجد بذهول من شافت شهد تبكي تقدمت تفك يدين فهد : حرام عليك من الخنقه بكت
ناظرها فهد بذهول : ماعورتها ! والله ماعورتها
ضحكت شهد وسط بُكاها لان وجيههم تُحفه يناظرونها مصدومين بس كشرت من تذكرت ترجع تبكي فهد بذهول : انفصام قسم بالله تبكي وتضحك وترجع تبكي
نجد بذهول : وش يبكيك انتي بعد ! توك تضحكين انهم زعولات صرتي زيهم ؟
هزت راسها شهد بالنفي تنطق وهي تبكي : ابكي لان البنات تغيروا ماكانوا كذا تغيروا ماصاروا يحبونا ولا يحبون بعض ، ولان لمار ماصارت تشوف ماراح تشوفنا بتنسى وجيهنا وتتغير نجد حرام !
ضحكت نجد بصدمه تحضنها : ياحياتي ، ماتغيروا مضغوطات البنات بس ، ولمار بتتعالج
ضحك فهد بعدين استوعب وش يعني البنات تغيروا ووش يعني لمار ماتشوف : مافهمت شي
نجد وهي تضحك : انا افهمك ، هي تبكي لان لمار ولجين زعلوا بدون سبب ولا نجلاء برضو جت تبكي بدون سبب ، ولان لمار صارت ماتشوف كفيفه
فهد : ماتشوف؟ طيب
رفعت حواجبها نجد من هز راسه يطلع من الغرفه تهمس لشهد : لو عرف بيدها وش بيسوي اذا هو عصب وزعل عشان ماقلنا له انها كفيفه ! ياويلنا ياشهد
شهد : لا لا محد بيعرف عن يدها ! حنا نكفي والله نجد لا تعلمين احد وبنقولهم مايعلمون احد بعدين تراها بتروح ! لا تحسسوني تكفون
ميّلت شفايفها نجد : محد بيعرف بس اسكتي تبكين ليه !
رفعت اكتافها شهد بعدم معرفه