علّمتني نجمة الصبح وزهرة البُستان

١

المملكه العربيّه السعوديّه - الخُبر

| امام الشاطئ |

رفعت كفها تمسح دموعها وهي تناظر البحر تبكي مثل تحرُّك امواج البحر , رفعت راسها للسماء وهي تمسك قلبها تبكي , تبكي باعلى صوت وشهقاتها تملئ المكان , تبي من يسمعها وسمعت امواج البحر بُكاءها واحتياجها لأبوها اللي ما ابدأ فعل لمّا قالت له انها توظفت في مستشفى وبتصير دكتورة احلامها ٫ تنتظر اليوم اللي يكشف ستار وظلام ابوها لها , استوقف بُكاءها شخص من جلس بجانبها بمسافه والتفت عليها ينطق : تشكين همومك للبحر؟
التفتت له تشوف السواد بكُل ملابسه وما يُظهر لها الا عيونه , مسكت كفوفها تهمس : خير من ألف جليس
أشر على البحر ينطق : البحر مسؤوليته كبيره , كل الناس تجي له تشكي همومه وترمي عائق حياته عليه
هزّت راسها تنطق : احتاج شخص يسمعني
سكت ووقفت وجد وناظرته تنطق : ليه تجي للبحر دام ما يحب ان احد يشكي همّه؟
ناظر البحر ونزل عيونه ينطق : اتهرب من ابويّ
استغربت منه ومشت تركب سيارتها ترجع لقصور آل مساعد , ناظرت الساعه وسمعت آذان الفجر ينتشر بارجاء الحيّ , دخلت القصر وتوّجهت لغرفتها تبدل ملابسها تاخذ شاور , طلعت بمنشفتها وناظرت شكلها بالمرايا وناظرت وجهها اللي كان يبكي قبل شوي والآن بشوش , اخذت ملابس تلبس ومسكت اللابكوت ونزلت لتحت , استشعرت الهدوء وطلعت لسيارتها تتوّجه لمستشفى إطلال ..

| مستشفى إطلال |

فزّ من نومه على رشة قُصي له , مسح المويه اللي على وجهه ورفع راسه من نطق قُصي : وش نومك هنا؟
تنهد يفتح ازار قصميه ينطق : ليه تصحيني توني نمت
مد له قُصي شاي ونطق طلال يوقف : شاي اللي الريق؟
ضحك قُصي يرفع اكتافه ونطق : إنت غريب احد يرفض الشاي؟
تنهد طلال يدخل دورة المياه يغتسل , طلع ونزع اللابكوت وفرش سجادته يصلّي الفجر , انتهى من صلاته ورجع يجلس وناظر قُصي امامه ينطق : عندك شيء إنت مستحيل تنام بمكتبك
اخذ نفس طلال : منحاش من ابويّ
ضحك قُصي وكمّل طلال : ابي انحاش عن سيرة جميله اللي تنفرض لي
ناظره قُصي ينطق : ياخي ليه تصعبها قُل لابوك انك ما تبيها وصلّ الله وبارك
ضحك طلال يوقف وهو يفتح باب الثلاجه الصغيره : تحسب ابويّ بيسكت؟ ابويّ ذا يعشق اخوه ولا يرفض له طلب
وقف قُصي ينطق : والله مدري جرب تكلمه ولا قُل لواحد من اخوانك
سكت طلال وكمّل قُصي : ولا كلم عمّك انك ما تبيها
التفت طلال ينطق : تبي ابويّ ينحرني؟ زين ساكت عني
رفع اكتافها قُصي وكفوفه ينطق : مالي دخل بمشاكلكم بس حاولت اساعدك
طلال : امش نوقع ولا بينشب لنا سلمان على الدقيقه
طلعوا من مكتب طلال متوجهين لمكتب المدير سلمان ..

| امام مستشفى إطلال |

نزلت من سيارتها تتقدم تدخل المستشفى , نزلت نظارتها وهي تشوف الصحافه المتجمعين حول المستشفى ينتظرون ايّ حادثه او خبر , دخلت تمشي لمكتب المدير سلمان بكامل غرورها , دخلت تسلّم شفهيًا وناظرت بشابين امام سلمان وتقدمت توقع , رفعت راسها من نطق سلمان : وجد تصيرين بفريق الجرّاح طلال وعنده عمليه بعد ساعتين وتتساعدون
ابتسمت وجد تميّل راسها بابتسامه : يسبق اسمي دكتوره لو سمحت
التفتت لطلال وابتسمت تنطق : تشرفت يا الجرّاح طلال
ناظرها طلال وهزّ راسه , طلعت من المكتب تمشي لمكتبها , وقفت امام الباب تشوف اسمها المُعلق بلوحة الباب « وجـد بِـنت عبـدالرحـمن آل مسـاعد » فتحت الباب وحطت اغراضها وطلعت تتمشى بارجاء المستشفى, التفتت من سمعت صوت قُصي وراها ينطق : دكتوره وجد؟
ابتسمت وجد وهزّت راسها وفرّك قُصي يدينه بتوتر : معليش انا اتوتر إذا تكلمت مع الإناث , دام احنا بنفس الفريق وهو فريق الجرّاح طلال وبنصير صُحبه إذا اراد ربّي
ضحكت وجد على طريقه كلامه وهزّت راسها ونطقت : نصير صُحبه
ابتسم قُصي ينطق : اسمي قُصي , وانا ممرض مب دكتور
ابتسمت وجد : وجد عبدالرحمن , دكتوره
هزّ راسه قُصي : تشرفت يا وجد
رفعت كفها تحطها على نحرها : لي الشرّف
مشت من عنده وهو يناظر طيفها امامه والتفت من ضربه طلال بخفّه ينطق : امداك تلحقها!
ناظره قُصي : والله شكلها ساطيه ولا تمشي كلمة احد عليها!
هزّ راسه طلال بيأس وهو يمشي لقسم الإسعاف ..