ايه احبك غير عن كل الولايف حبّ صعب إن الأوادم يفهمونه!

٣(طفولة نورا وسعود❤️)

{بسم الله الرحمن الرحيم}♡
{استغفر الله العظيم واتوب اليه}¿
{سبحان الله وبحمده سبحان الله العظيم}♡
،،،،،،،،،،،،،،،،،،،،،،،،،،،،،،،،،
غلاك في القلب ومسكنك في العين
ولو طالت المُده محلك محلك❤️
،،،،،،،،،،،،،،،،،،،،،،،،،،،،،،،،،
~سعود اللي كان يبلغ من العمر ١٠ سنوات~
~ونورا اللي كانت تبلغ من العمر ٦ سنوات~
،
{في احد شوارع الديره}
..
كان سعود جالس يتمشى مع العيال بالشارع وهو مستانس ببدلته الرياضية الجديدة بس وقتها كان لابس ثوب مثل باقي العيال
تميم:مين قال كورة؟
كل العيال فزوا:قداام
تميم:روحوا بدلوا وانا بعد ببدل واجيب الكورة
وركض سعود للبيت عشان يلحق قبل يقسمون الأفرقه
..
{في مزرعه الجد محمد}
..
كانت نورا تمشي بين البيوت بفستانها الوردي وهي تاكل بسكوت هي تحبه وبعد مُده ملت وقررت تدخل بين النخل
وهي رايحه شافت سعود صدفة وابتسمت له وناظرها لكن على غير العادة تجاهلها وراح كملت نورا طريقها وهي حازة بخاطرها مره
صرخت مزون:نورااا تعالي لا تبعدين
نورا:طيب ماما
ولفت عشان ترجع لكنها قابلت شموخ الي بيدها صرصور
شموخ بخبث:نورا ذوقيه طعمه ياخذ العقل
نورا:لا مابي معي بسكوت
صارت شموخ تلحقها بالصرصور ونورا تصرخ وتبكي
شموخ:تعالي ذوقي
نورا وهي تبكي وتهز راسها بالنفي:لا لا مابي
ولقت سهيل وسعود واحتمت ورا سهيل
لف عليها سهيل:نورا وش فيتس؟
نورا:ت.ت.تبي تأكلني صرصور
عصب سهيل ومسك كتوفها ولفها لشموخ:هي في وجهي ولا عاد اشوفتس تقربينها
تخصرت شموخ:اذا ماتبيها تأكله كله انت
سهيل:نورا نورا ادخلي بسرعه عند الحريم
نورا:الحريم طاردينا برا
حاوط سهيل كتوفها ولف على سعود اللي كان يناظرهم بقهر انها احتمت بسهيل وما احتمت فيه
سهيل:شرايك نجيبها معنا عشان ما تقربها شموخ
سعود وهو راص على اسنانه بقهر:طيبب
ومشى سعود تاركهم وراه ولحقوه سهيل ونورا
سهيل:سعود انتظرنا ياسعود
وقفت نورا وهي تلهث بتعب
فهم سهيل غيرة سعود وسحب على نورا وركض يسبق سعود اللي كانت دمعته بخده من قهره بس انتبه ان نورا ماهي معه التفت وراه ولقاها تلهث من تعب المشي تنهد سعود وحاول يدعس على قلبه ويكمل مشي بس ماقدر قلبه يطاوعه ورجع لنورا
سعود:تعبتي؟
نورا:اي مره
نزل سعود يشيلها وكمل طريقه ركض يلحق على المباراة
ولما وصل لقى ان نصهم مابعد جو ونزل نورا وجاب لها طوبة تجلس عليها
رفع سعود اصبعه ونطق بحده:اجلسي هنا وياويلتس ياسواد ليلتس تتحركين
هزت راسها نورا بالإيجاب بدون ما تنطق ونطق سعود عشان يقهرها:كنتس هنديه
بانت على ملامح نورا الصدمه وصدت عنه ودمعتها بخدها
ضحك سعود وراح عشان يقسمون الأفرقه ولكن قلبه معاها
جا واحد من العيال وقرب منها
فيصل:مين انتي وش اسمك
فزت نورا:هاه انا اسمي نورا
جا مازن:المكان هذا حق عيال مو حق بنات روحي بيتكم
نورا:برجع مع سعود وسهيل
،
{مجلس الحريم}
..
حست مزون بإختفاء نورا لكن قالت اكيد تلعب ولا تتمشى هنا ولا هناك وكملت سوالفها
،
{الملعب}
..
راح مازن عند سعود اللي كان يتكلم مع شجاع
مازن:سعود من قالك تجيب حرمه هنا
سعود:انا قلت في اعتراض لا سمح الله
مازن:خلي حريمكم في البيت احسن مانطردك برا الملعب
سعود:ما اقدر الحين
مازن:اطلع برا الملعب
قرب تميم:خير ياشباب
مازن:شوف ذا جايب أخته هنا بالملعب قلت له يرجعها البيت بس عيا علي وضربني
انصدم سعود وهو كل كلامه صح بس ماضربه
تميم:سعود برا انت واختك
عصب سعود وراح لنورا وشافها تسولف مع فيصل وعصب زياده وسحبها من جديلتها بقوه
وطلعوا برا الملعب
نورا وهي تبكي:سعود شفييك فك شعري
فك سعود شعرها ودفها وطاحت نورا على حجره وانفتح راسها
صرخت نورا وانصدم سعود وشالها وخط يده على راسها يدفن راسها بحضنه
سعود:آسف آسف اصبري شوي
واتجه فيها للمزرعه ولما وصل صرخ سعود
سعود:ساعدوني ساعدوني
فزوا الرجال ولما شاف عبدالعزيز بنته بهالحال شالها وراح لسيارته
سعود:عمي ابي اجي معكم
عبد العزيز:اركب اركب
وركبوا بالسياره عبدالعزيز وماجد وسعود
سعود كان يمسح على راس نورا اللي تون بألم
سعود:خلاص ياعيني انتي قربنا من المستشفى
ومازالت نورا تون بألم ولما وصلو شالها عبدالعزيز وركض فيها للطوارئ ودخلوها للغرفه بسرعه
الدكتور:لازم نعمل خياطه
خاف سعود من هالطاري خاف من انها تتوجع وتقدم لها وصدت عنه وهي فعلا زعلانه منه
قرب سعود منها وهمس بإذنها:عاتبيني كان يرضيك العتاب انا اقول العتاب ولا الصد منتس
سكتت نورا شوي وقربت وقالت بأذنه:
خلني ساكته انا كلي عتاب لك ولا تسألني عن الزعل والصد مني راجع افعالك
رجع سعود مكانه وخاطره حزززيين
عبدالعزيز:نورا غمضي عيونتس شوي
غمضت نورا عيونها وكانت خايفه مالقت احد ترمي خوفها عليه ومسكت يدينها ببعض وجلست تشد عليهم والدكتور يخيط ونورا تنزل دموعها بشويش
حس سعود ان رغم الزعل لازم يساندها وقرب منها ومسك يدينها يهديها فتحت نورا عيونها وشافته وابتسم لها وابتسمت له بخفه
خلص الدكتور خياطه وحط لها لزق كم يوم وتشيله واعطا الدكتور نورا حلاو تحبه واخذت منه وحده زياده وخبتها
عبدالعزيز:الحمدلله على السلامه ياعيون بابا ما تشوفين شر
تقدم ماجد وحضنها بقوه لأنه ماقدر يدخل هو اصلا كان مُنهار:آسف اني ماكنت معتس بس خفت اني اشوفك بهالحال وتعويض لتس بوديك البقاله
ابتسمت نورا واعطته حلاوتها:خذها لك
ابتسم ماجد واخذها
وكان سعود يطالع فيهم وهو مقهور بس غمض عينه قال(خلها نتفاهم بالبيت)(طيب اذا مارضت)فجأه حس بيدين ناعمه وصغيره تمسك يده
نورا:يلا سعود
فتح عيونها وشاف نورا وابتسم بوسع ثغره وشالها للسياره وهي صوت ضحكها مالي المكان
عبدالعزيز ابتسم:تراضيتوا خلاص
سعود وهو مبتسم:لا للحين
ماجد:هذا كله ومو متراضين اجل كيف لو تراضيتوا
كشرت نورا وهي تحسب انهم خلاص متراضين وانتبه لها سعود ومسك يدها بس نورا من تعبها انسدحت بحضنه
وجلس سعود يمسح على راسها وهي نامت مطمنه معه
،
{مجلس الحريم}
..
كانت مزون تصرخ وتلطم كل هذا خوف على بنتها وحيدتها
شموخ:ترا ماله داعي هالصراخ والبكي ترا مردها بتموت عادي زي اي حيوان
قربت منها النجلاء وصفتها كف من قوته طاح سنها الأمامي وكان شكلها يضحك
،
{عند النايفه وفهد}
..
كان فهد يلعب مع النايفه ويرسمون على الرمل
النايفه:فهد شلون اكتب أحبك
ضحك فهد ومسك عصا وحط يدها وفوقها يده وبدوا يكتبون سوا حرف "أ" ثم "ح" ثم ''ب" ثم"ك"
فهد:وبكذا كتبت أحبك
أبتسمت النايفه ولكن قاطعوهم أمهاتهم وهم ينادونهم عشان ينومون
،
{سياره عبدالعزيز}
..
ماجد:يبه تعبنا وباقي مطولين للديره أستأجر غرفه ننوم
فيها
تنهد عبد العزيز وهو فعلا تعب:زين
ووقف عند فندق وأستأجر غرفه وكان سعود شايل نورا ولما خلصوا كل شي دخلوا للغرفه
حط سعود نورا النايمه على السرير وغطاها
ماجد:يبه الحين كيف ننوم
عبدالعزيز:انا وانت ننوم بالسرير لأننا كبار ونورا وسعود على الأرض
تنهد سعود وبدأ يفرش فرشته وفرشه نورا معه ورجع شال نورا اللي قامت وجلست تطالع وين هم فيه
نورا:سعود وين احنا فيه
سعود:أخذنا غرفه وبكرا نرجع
قامت نورا لدوره المياه~أكرمكم الله~ورجعت انسدحت جنب سعود وبعد مانامت لف سعود وشافها نايمه و معطيته ظهرها وهي مجدله شعرها عمداً عشان مايزعجها ومايزعج سعود لكن اللي ازعج سعود هو انها مجدلته وقرب منها بهدوء يسحب الربطة بهدوء ويفتح جديلتها شوي شوي لين تحرر شعرها كامل وعدل سعود نومتها وتعدل هو بعد ونام
اما عند عبدالعزيز الي دق على مزون يطمنها عشان عارف انها مارح تنام
،
قام سعود بدري قبل عبد العزيز وماجد ونورا واتجه لدوره المياه~أكرمكم الله ~ وطلع ولقا نورا صاحيه
سعود ابتسم:صباح الخير
ردت له نورا الإبتسامه:صباح النور
ودخلت لدوره المياه~أكرمكم الله~
وناظرت نفسها بالمرايه بعد ماغسلت وجهها وناظرت شعرها واستغربت لأنه قبل تنام كان مجدل توقعت انها من التعب نست طنشت نورا وطلعت
ولقت سعود جالس بالصاله التفت لها وشافها تجدل شعرها طبطب على المكان الي جنبه تقدمت نورا وجلست جنبه
سعود:نورا
نورا بهدوء:سم
سعود:ليش أمس كنتي زعلانه علي
نورا:لأني اول ماشفتك ابتسمت وطنشتني ورحت وانا كنت بحتمي بك من شموخ بس كنت مقهوره منك وبعدين فالملعب هددتني وبعد كنت تقول علي هنديه وبعد شديت شعري ودفيتني
سعود:طيب اسف
نورا:معليش والله ما سامحتك
حضنها سعود:طيب مين الي شالتس مين الي وقف معتس بالمستشفى
بادلته نورا:طيب بسامحك بشروط
أبتسم سعود:وانا بعد عندي شروط
نورا:اول شرط انك ماتسحب علي ابدا وثاني شرط ماعاد تصارخ علي ثالث شرط ما اتمد يدك علي وبس
سعود:موافق وانا الحين بقول شروطي اول شرط تحتمين فيني انا بس لي أحد يقولتس شي قوليلي ودواه عندي وثاني شرط ماتسولفين مع العيال وثالث شرط ماتصدين عني ابدا والشرط الأخير شعرك ماتجدلينه   
ناظرت نورا شعرها المجدل:ليييه
لفها سعود وهو يبدأ يفتح جديلتها:لأني أحب شعرتس بالحيل واكيد انتي مثلي تحبينه
ابتسمت نورا:اكييد أحبه
...............................
    ~بعد اسبوعين~       
...............................
كانوا نورا وسعود يتمشون بالحاره ويلعبون وفجأه يطب عليهم نمر~مجنون حارتهم~
صرخت نورا ومسكت بيد سعود الي بسرعه ترك كل اللي بيده وصار يركض ونورا جتها ام الركب وولا عرفت تتحرك
نمر:وش تسوين هنا
نورا تبكي بقوه
جلس نمر على ركبه يمسح على شعرها:لا تخافين مني
نورا:وش تبي مني
نمر:ابي العب معتس
وعند سعود انتبه ان نورا مو معه لكنه ضيعها مايدري وين الطريق وجلس يصرخ بأسمها ويركض ويحاول يحصلها لكن على آخر لحظه لقاها قبل ياخذها نمر
سعود:وقفف!!
كانت نورا نحاول تفلت يدينها منه لكن سعود جا وعاونها تفك يدينها
نمر:خييير
ركضوا سعود ونورا للمزرعه
ولما وصلو وقف سعود يلهث ولف على نورا  وشاف ملامحها المخروشه وجلس يضحك ونورا من الصدمه تضحك معه
نورا:سعود شرايك نتابع تلفزيون
لف سعود ابتسم وواضح من ملامحه انه تعبان:نتابع وش
مسكت نورا يده وسحبته معها:تعاال
ودخلو للمقلط وجلسوا فيه وشغلت نورا التلفزيون وجلسوا يتابعون دروب ريمي
ونورا تغني مع شاره البدايه وسعود يناظرها ويضحك
ومن بدت الحلقه استكنت نورا تتابع وسعود مندمج معها الين دخل عبد الرحمن ومعه شياطينه
كانت نورا مركزه بالحلقه ولا انتبهت له وسعود انتبه له بس ما اهتم مره لأنه ماسوى شي غلط
صرخ عبد الرحمن:خييير تجلس مع الحريم وساحب على عيال عمك يارخمه
سعود بهدوء:طيب وين الغلط
دخل عبدالعزيز بسرعه:خيير ان شاء الله ليش تصارخ
وناظر نورا المخروشه وسعود الي يناظر نورا بهدوء:تعالوا
تقدم سعود لكن نورا عجزت تقوم عاونها سعود ووقفت
وراحت عند ابوها ولحقها سعود
عبدالعزيز:اطلعوا برا شوي
كانوا بيطلعون بس سد طريقهم عبد الرحمن
عبد الرحمن:مارح تطلعون
رفسه عبدالعزيز ببطنه وبعده وطلعوا كلهم
،،،،،،،،،،،،،،،،،،،،،،،،،،،،،،،،،
مرت عليهم الأيام وصار وقت الدوامات بس نورا بقت معهم عشانها باقي مادخلت إبتدائي
،،،،،،،،،،،،،،،،،،،،،،،،،،،،،،،،،
{الصباح في المزرعه}
..
كانوا كلهم يتجهزون للمدرسه الا نورا جالسه تطالعهم وتاكل
سهيل وهو يرتب شنطته:والله اني احسدتس ما تداومين بس جالسه تاكلين وتنومين
ناظرته نورا:وانا بعد احسدك لأن عمتي العنود ماقد مشطت شعرك
انفجر الكل يضحك
العنود بمزح:تعالي امشط لتس وعد ما اوجعتس
نورا:وعد
العنود:تعالي تعالي
جتها نورا وبس هالمره صدق ما اوجعتها
العنود:خلصنا
ابتسمت نورا وجلستها العنود بحضنها
شموخ:يع كريهه
دخل سعود ووجهه مفقع نووم
ضحك ماجد:وجهك مفقع نوووم هههههههههههههههههه
ابتسم سعود ولف وشاف نورا تناظره وهي بحضن العنود وتضحك
سعود:هيين يانورا
نورا:روح روح عشان الطابور مايروح عليكم
وطلعوا كلهم وجلست نورا طفشانه لحالها والنجلاء نامت
وقررت نورا انها تاخذ كراسه وتحاول ترسم اي شي يسليها
وجلست ترسم لين قامت النجلاء
النجلاء:وش تسوين
نورا:طفشانه ابي ارسم
النجلاء:شرايك نطلع نروح نستقبل اخوانا بالمدرسه باقي لهم ربع ساعه ويطلعون
نورا:فكره حلوه بس بكلم ماما
وراحت تكلم امها ووافقت بس عشان النجلاء معاها"كانت مهجده الحاره😭😭"
وطلعوا يمشون ويسولفون لين وصلو لمدارسهم 
وقابلوا سعود
سعود:النجلاء نورا!!وش تسوون
النجلاء:كنا نبي نستقبلكم بس ماش
صرخ سعود:ومن قالكم نبيكم تستقبلونا
خافت نورا وبدت دموعها تتهامل على وَجنتيها وشافها سعود بس زعله سيطر عليه
سعود:يلا قدامي
تخصرت النجلاء:الحق علينا نحاول نفرحكم
سعود:قدام....وينها نورا؟!
لفت النجلاء تدورها بعيونها:م.مادري وينها
ضرب سعود جبهته:تعالي ندورها
ومشوا يصورونها ولكن الطامه الكبرى يوم لقوها مع نمر
سعود:النجلاء اسمعي خذي حجر واضربيه براسه وانا بتخذ نورا واركضي بسرعه
اخذت النجلاء حجر وافقت الحجر براس نمر وسعود شال نورا واخذ النجلاء وهربوا بغمضة عين وجلسوا يركضون لين وصلو للمزرعه
الجد محمد:وينكم فيه
نزل سعود نورا:ياجدي هم طلعوا كانوا بيسوون لي مفاجأه بس نمر سحب نورا وسوينا خطه واخذناها منه
الجد محد:نورا تعالي
وارتمت بحضنه نورا تبكي والجد محمد يمسح على شعرها
الجد محمد:كم صارله يتعرض لتس
نورا بدموع:ما ادري بس اول مره كنا انا وسعود نلعب وقابلنا ومسكني من يدي وعيا يفكني لين جا سعود وفكني وهربنا واليوم كانت النجلاء مع سعود وشالني بسرعه
الجد محمد:خلاص بكلم الشرطه ياخذونه
وبعدها عن حضنه ومسح دموعها وحاول يلعب معها عشان تضحك وفعلا ضحكت نورا وتحت نظرات سعود المبتسم وقرب يلعب معاهم وتجمعوا الأحفاد يلعبون وفجأه سمعوا صرخه ماجد فز عبدالعزيز يركض لولدي وشاف النجلاء معها حجر وتلحق ورا ماجد
انهاروا كلهم يضحكون من قلب
أشواق:النجلاء بنت تعالي بنت!!
طنشتها المجلاء وقامت أشواق مسكتها ودخلتها الغرفه الوردية وكفختها لين امين "الغرفه الوردية مسببه عقد للكاتبه شخصيا😔👎🏻"
طلعت النجلاء ولا كأن احد مصدقها عااادي ريلاكس
النجلاء:نورا تعالي نلعب
الكل:🤨
أشواق وهي تصفق يدينها ببعض:عجزت فيتس
نورا:اصبري مو الحين
النجلاء:ليييه
نورا:نجول انا ما اكلت زين اخاف العب معك وادوخ
النجلاء:طيب نلعب لعبه النحله
نورا:اي عادي
وجلسوا قبال بعض والعيال يسولفون مع بعض وسعود يناظر نورا وبس
مزون:يلا حلو واجباتكم عشان تتغدون وتقيلون لين العصر وتلعبوون لين تشبعون
راحوا العيال كل واحد جلس يفتح شنطته ويذاكر
مزون:نورا جيبي المشط امشط لتس
نورا:طيب ماما
وجلست مزون تمشط لنورا
مزون:اسوي لتس جديله؟
نورا:لا مابي
ابتسم سعود بخفه وهو بوسط دروسه
مزون:بس الجديله احلا عليتس
سعود:نورا تعالي ابيتس شوي
قربت نورا وهمس سعود:جدي شعرتس عادي دام امتس قالت
رجعت نورا لأمها:خلاص سويلي جديله
ضحكت مزون وسوتلها الجديله وكملت نورا تلعب مع النجلاء
،،،،،،،،،،،،،،،،،،،،،،،،،،،،،،،،،
~بعد ٥ سنوات~
،،،،،،،،،،،،،،،،،،،،،،،،،،،،،،،،،
ليله العيد
..
تجمعوا آل زيد كلهم تحديدا لليله العيد
..
~عند البنات~
كانوا كلهم يتجهزون البنات والعيال لأنهم مطرودين من الحريم وكذلك الرجال
نورا تحط شباصات للنجلاء اللي كانت بوقتها مراهقه ونفسيتها زين وعدوانيه عكس نورا الي عايشه مراهقتها
بشكل عادي نفس ماهي
النجلا بحده:نورا لا تحطينها لي
نورا:لييش شكلها والله حلو
دفتها النجلاء وطاحت نورا على الأرض:قلت لتس مابي
دمعت نورا وراحت وشالت اغراضها من عند النجلاء وصدت عنها على جهه العيال
أزهار بهدوء:نورا عادي تسويلي معك ماعندي اكسسوارات ولا فستان
نورا بصدمه:عمي ماشرا لك
بكت أزهار:عيا يشريلي
قومتها نورا ومسحت دموعها وطلعت لها فستان وجلسوا يتزينون سوا تحت أنظار النجلاء الغيرانه وسعود الزعلان على أخته وحالها
أزهار:نورا افرقي شعري......
سعود:نورا تعالي ابيتس شوي
طلعت معه نورا وسحبها لغرفته وقفل الباب وجلس على السرير وطبطب على المكان اللي جنبه
سعود بهدوء:أجلسي
جلست نورا جنبه وحط سعود يده على كتفها
سعود:نورا اسمعيني النجلاء الحين بفتره مراهقه يعني بتتغير عليتس ويحتد طبعها لأن اكيد البيئه اللي هي فيها مأثره على نفسيتها حتى ماعادها زي اول وانا ابيك تهتمين فيها وحسني علاقتس معها وان ضرتس علميني
بكت نورا:سعود بس نجول متعوده عليها حاده وكذا بس الحين تغيرت علي ومن اتفه شي تضربني وانا اسكت تعبت والله تعبت ياسعود وانا اتحمل ضربها القوي بسم الله عليها حتى احيانا تضربني وتطبع لي كدمات
وبعدت شعرها عن ظهرها وشاف كدمتها وعلق من الصدمه
باس سعود الكدمه:بسم الله عليتس
دخلت النجلاء وهي تبكي وراحت حضنت نورا اللي من الصدمه بادلتها 
النجلاء:آسف والله آسف ماكنت اقصد بس انتي تخليني اغار عليتس واوجوعتس
نورا وهي تمسح على ظهرها:شلون تغارين علي
النجلاء:ما احب اشوفتس تسولفين مع اي احد ماأحب افهمينيي
نورا:فاهمتك والله فهمتك ماعليه بس شرايك تسحب عليهم وننوم ونكشخ بالليل
سعود:كأنكم نسيتوني
نورا فتحت يدينها:تعال تعال
قرب سعود وحضنهم كلهم وكملو أجواء العيد الخاصه فيهم ك آل زيد
،،،،،،،،،،،،،،،،،،،،،،،،،،،،،،،،،،
يوم الفراق
،،،،،،،،،،،،،،،،،،،،،،،،،،،،،،،،،،
كانت نورا تجهز شنطتها وهي تبكي وسعود يسولف معها يحاول يشبع منها وبعد ماخلصت
سعود:نورا تعرفين اني احبتس ويوم نكبر ابي اتزوجتس طرررق خشوم بعد
ابتسمت نورا بحزن وركضت تحضنه:وانا بعد
مسك عقاله وابتسم لما طرت ف باله فكره قام جاب ورقه واخذ عقاله وكتب في الورقه
"أن صرتي حلالي ردي لي عقالي"
وجاب خيط وخرَم الورقه وربط فيها الخيط وربطها بالعقال
سعود:نورا اوعديني
نورا:وعد
سعود:انك تحافظين على عقالي هذا الين تكبرين وتصيرين حلالي
نورا:وعد اني احافظ عليه
نورا:لحظه لحظه
فتحت شنطتها وطلعت سلسله مكتوب فيها اسمها
ورجعت لسعود وعطته السلسله
نورا:وعد تحافظ عليها لين ارد لك عقالك
ابتسم سعود:وعد
ابتسمت له نورا وفتح لها سعود  يده وركضت له نورا تحضنه
...............................
{ان شاءالله البارت نال اعجابكم}♡
{يحلويني ترا النجمه تدعم روايتي وبعدين ليه ماتحط/ي نجمه اصبعك فيه حنا عادي انا احط نجمه بدالك😉}¿
{اكتبوا لي رأيكم ترا رأيكم يهمني}♡
{استغفر الله العظيم واتوب اليه}♡