ايه احبك غير عن كل الولايف حبّ صعب إن الأوادم يفهمونه!

١٣

{بسم الله الرحمن الرحيم}♡
{استغفر الله العظيم واتوب اليه}♡
{سبحان الله وبحمده سبحان الله العظيم}♡
..
{تذكير للأحداث السابقة!}
..
(زعل نورا وسعود)
(السفرة المفاجئة)
(حريم الديرة خطفوا نورا)
(الجفى والبرود بين نورا وسعود)
...............................
لا تغارين وهم بعيوني عدم
لا تغارين وأنتِ لعيوني نظر❤️❤️
،
{عند آل زيد}
..
كانوا على وشك الوصول إلى الطايف وقرروا أنهم يأخذوا استراحة محارب وياكلون بأحد المحطات الموجود فيها مطاعم
النجلاء بخمول : أحس مالي خلق أكل حتى مافيني أحرك يدي
الجد محمد : يلا الحريم مع بعض والرجال مع بعض
وتفرقوا ياكلون ثم يرجعون للسيارة يكملون طريقهم إلى الطايف
،
{عند أبطالي}
..
وصلوا القصر من ساعة تقريباً وكلهم متجمعين بالصالة لكن ولا أحد يكلم الثاني لكن كسر الصمت سعود لما نطق
سعود : هيه سويلي عشا
ماناظرته نورا والجوال بيدها تسولف مع وحده من صديقاتها
تقدم سعود بغضب وسحب الجوال من يدها
نورا : جيب فوني بسرعة !
رفع سعود يده بحيث ماتقدر تاخذه
سعود : عشان ثاني مره أكلمتس تردين فاهمة !
ونزل لها الجوال ونورا أخذت جوالها ورجعت لغرفتها القديمة..
تنهد يشغل سيجارة ويبدأ يدخن الين حس بكتمه وطلع برا البيت تارك نورا لحالها يعرف انها تخاف لحالها لكنه تجاهل خوفها وتركها
،
{عن نادر}
..
صار له مُدة قصيرة من تزوج لكنه ماذاق طعم للراحة والرضى في حياته
نسرين بدلع : حبيبي سويت لك فرينش توست
نادر : ما ابيه سويلي كبسة
نسرين : يععع كبسة الفرينش توست أطعم
نادر : كليه انتي بالعافية أنا بطلب
نسرين(أحسن وأحسن)
،
حاولت تتصل على وحدة من البنات بس ماحصلت أي رد منهم تنهدت تطلع للحديقة تحط جوالها وتقعد تهوجس لحالها وتتذكر من طفولتها ولكن مابين هواجيسها خانتها دموعها وبدت ترتفع صوت شهقاتها المكتومة رفعت رجليها إلى صدرها وضمتها وأستندت تكمل بكاها الين مانامت وهي على نفس حالها
،
طلع وركب سيارته يدري ومخطط وين يروح....
حرك السيارة وبدأ يسوق بسرعة خيالية مُريعة ويتفادا سيارت الناس بكل همجية ومشغل شيلات ورافع الصوت
وفجأة حصل نفسه في الخلا أبتسم على جنب ينزل عزبته ويزهبها وبدأ هو بعد يهوووجس ويفكر لمدة طوييلة الين ما فز وهو يتذكرها ولم أغراضه وبسرعة اتجه للقصر..
دخل وهو يدور صوت بكاها وين شهقاتها وين حسها وين صوتها وينهاا !!
بدأ يفتش عليها زي المجنون يدور عليها بكل مكان وزاوية يبي يتطمن بشوفتها
تعب وهو يمثل دور الثقيل قبالها تعبب..
تنهد براحة وهو يشوفها نايمه بالحديقة تقدم يإتجاهها ورفع راسها وشاف مجرى دموعها اللي جفت تقدم يشيلها
نورا بخمول : نزلي لا تشيلني نزلني
سعود : أشش نامي
بدت نورا تقاوم حركته لين مانزلها وطلعت لغرفتها وهي تفرك عيونها أبتسم سعود وهو يلحقها لين دخل وراها
نورا بعتب : أطلع برا
سوا سعود نفسه ماسمعنا بينما هي استلقت على السرير وطلع سعود خارج الغرفة لبضع دقائق
تنهدت وهي مشتاقتله بس عتبانه عليه وجلست تفكر الين متعبت ونامت لكن سعود ما تأخر جا على طول وخمها وناموا
،
{عند البنات}
..
النجلاء مستلذه بطعم الدجاجه وتتغزل فيها
النجلاء : أحبتس
وبدأت تاكل الدجاجه بشراهه
والكل يناظر فيها ومستغربين
الجده الجازي بإستنكار : وش تسوين ياخبلة؟
كملت النجلاء تتغزل بالدجاجة تتجاهل الجده الجازي
نزلت الجدة الجازي حذيانها~أكرمكم الله ~ترميها على النجلاء
،
{عن العيال}
..
كلهم كانوا ياكلون إلا ماجد وفهد يهوجسون بالعرس
الجد محمد بهمس لبهاج
الجد محمد : عانهم اكيد يفكرون بالعرس
بهاج : أخيرا هجدوا
وبعد مدة وقف الجد محمد والباقين كلهم يكملون طريقهم سفرهم
،
{عند البنات}
..
أزهار : يويلي نونه متصلة علي مفجرة جوالي
النجلاء بخرشة : أماا دقيقه أفتح جوالي ريما جيبي الشاحن
ريما : أدفعي ٥٠
النجلاء : الموت ولا المذلة خلاص لما نوصل اشوف شعندها
،
ومر الوقت ووصلوا للطايف وأخذوا فندق ونامو يستعدون لليوم الثاني
،
{اليوم الثاني}
..
قامت نورا على صوت المنبه كملت نومها
ناوية على الغياب الين قام سعود
سعود : نورا قومي يلا دوام
ماردت نورا تكمل نومتها وبعد محاولات كثييرة وكلها فشلت ماحست نفسها الا وهي تحت الدش فزت مخروشة ولقته يضحك
تنهدت نورا : سعود ليش تسوي كذا مابي أداوم بغيب ب غ ي ب بغيب بغيييب
سعود : لا مافي غياب قومي تأخرنا وطلع متجاهلها أو بالمعنى متجاهل ردها
وطلعت هي تتراعد مم البرد وبدلت ملابسها ونشفت شعرها ورجعت نامت
سعود بغضب : نوراااا !! للحين نايمة قومي الله لا يوفقك
قامت نورا توهمه أنها خلاص بتقوم وصدقها سعود وطلع وهي قفلت الباب وراه ونامت وسعود كسر الباب عليها ويدق على جوالها وأخر شي استسلم وطلع للدوام لحاله
،
قامت بعد مدة قصيرة من خرجة سعود
وفتحت الباب وحصلت قدامها سعود ومختصر
سعود : هههه تحسبيني رحت مابروح الا وانتي معي
نورا بهدوء : سعود مابي
سعود : إذا مو برضاك غصب عليك
نورا : سعود خير انت مو سعود اكيد قرين سعود..تقدمت تضرب صدر سعود وتبكي..رجع سعود رجعه
سعود : أنا سعود ياخبلة
نورا : لا مو سعود اللي اعرفه انت تغيرت علي ماصرت تحبني كل شي اسويه غصب عني سعود ماحبك انت طالق بالثلاث طالق طالق طالق
تقدم سعود يسحبها لحضنه وهو يمسح على شعرها : نونه تحبيني ؟
نورا ببكاء : لا ماحبك
سعود : أطلقك يعني ؟
نورا : اي طلقني
سعود : تقوين على فراقي؟
نورا : ا.ا.اي
سعود بهدوء ماقبل العاصفة : أجل انتهى كلشي بيننا...وتقدم يوخرها عن حضنه ينهي آخر لحظه بينهم ويخرج لدوامه وسيارته بينما هي من الصدمة مابكت ولا أبدت أي ردة فعل وهي غير مدركة أن سعود طلقها وإن أنتهت قصة حبهم اللي من سنين تقدمت تدخل جناحهم وتخرج كل شيء يخصها وتدخل غرفتها وتقعد تفكر بكل شيء وبكل لحظة بينهم وماحست الا ودموعها تغلبها وأستمرت تبكي مدة جداً طويلة الا ما نامت
،
كان كارف نفسه بالشغل ويشتغل فوق طاقته ومرهق نفسه لدرجة إن كل مجرم موجود يحقق معه !!
رماح : سعود ولد منت حاس أنك كارف عمرك بالشغل !
سعود ببرود : مايهم أنا أبي أشغل نفسي وخلاص
وبعد ساعات وساعات من الشغل المتواصل رجع للبيت لكن أستغرب إختفاء حسها من البيت معقولة هربت؟ ولا سافرت؟ ولا كلمت أهلها؟
وبدأ يدور بالغرف زي المجنون وشافها قاعدة على كنبتها وتمشط شعرها على طول صد عنها وراح لجناحهم وأنصدم أن كل شيء يخصها مفقود ماتكلم وراح يتروش ونام
،
قاموا من نومهم متحمسين لفعاليالتهم الرهيبة الخطيرة الفنانة المذهلة !!
طلعت أزهار من الحمام{أكرمكم الله}
أزهار : أعوذ بالله النجلاااء مشطي شوشتس !!!!
النجلاء وهي منسدحة ؛ مالتس شغل بشوشتي أمشطها ولا لا
الجده الجازي : حسبي الله عليكم خلونا مستانس بسفرتنا هذي الله ياخذكم !
فزوا النجلاء وأزهار ويتعلقون عليها: أستغفري ياجديده أستغفري
رفستهم الجده الجازي ؛ أخلصوا شوي ونطلع
وانتفضوا كل البنات اللي تسوي شعرها واللي تكوي نقابها واللي  تاكل واللي تتروش واللي تلبس واللي معصبة والثانية مروقة !
،
كانوا العيال سادحين لهم كبسة وضاربين بالخمس وماعليهم من أحد
الجد محد بتلذذ : من اللي جاب الكبسة والله أنها بطلة بالحيل
فهد بتفاخر : أنا اللي جبت الكبسة !
طلع الجد محمد فلوس ومد لفهد ١٠٠ : تستاهلها
أخذها فهد بإبتسامة من الإذن للإذن :مشكور يعطيك الف الف الف عافية ياجدي
..............................
{ان شاءالله البارت نال اعجابكم}♡
{يحلويني ترا النجمه تدعم روايتي وبعدين ليه ماتحط/ي نجمه اصبعك فيه حنا عادي انا احط نجمه بدالك😉}
{اكتبوا لي رأيكم ترا رأيكم يهمني}♡
{استغفر الله العظيم واتوب اليه}♡

اصبرو 🤌🏻🤌🏻🤌🏻
خل أفهمكم اصبروا🤌🏻🤌🏻🤌🏻🤌🏻🤌🏻🤌🏻
في مجال للتبرير ولا لا🤌🏻🤌🏻
🤌🏻🤌🏻🤌🏻🤌🏻🤌🏻🤌🏻🤌🏻🤌🏻🤌🏻
يجماعة أعتذر من هنا لين بكرا لكن ظروفي هالفترة صعبه وهالبارت تسليك لكن عشان مانتأخر أكثر من كذا