ايه احبك غير عن كل الولايف حبّ صعب إن الأوادم يفهمونه!

٨

{بسم الله الرحمن الرحيم}♡
{استغفر الله العظيم واتوب اليه}♡
{سبحان الله وبحمده سبحان الله العظيم}♡
..
{تذكير للأحداث السابقة!}
..
(خروج سالم من المستشفى)
(عزيمة الجده الجازي)
(عصبية فوَّاز)
(تجهيزات العيال للعزيمة😅)
(تم القبض لعبيد)
(شهر العسل مع نورا وسعود❤️‍🔥)
(غيرة شمووخ)
..
أعشق تفاصيلك وأهيم بملامحك صورتك يا سبحان من هو رسمها
تخطي على قلبي وقلبي يسامحك بالضحكة اللي جعلني ماعدمها
،
{قصرآل زيد عند البنات}
..
نجمّ : بنات شفتوا نورا شهر عسلها بلندن
فزت شموخ وهي تقوم وبدت تكسر الأثاث وتشد شعرها وتصر ع أسنانها وتضرب نفسها
النجلاء : يمه ذي أنهبلت صدق
غيم : عويذ بالله شرتس.........
ألجمها كف من شموخ وغيم ماسكه خدها ومصدومة
شموخ وهي تضرب نفسها : أحبه والله أني أحبه مابيه مع أحد غيري هو لييييي
وبدت تصرخ وتركض بالبيت والنجلاء ميته ضحك وتصور لنورا
،
{في الطيارة عند سعود ونورا}
..
كانت نورا تتابع فيدوهات النجلاء وميته ضحك
سعود : نورا ليه شلتي طرحتس؟
ماردت نورا كانت حاطة السماعة وتضحك
كتمها سعود بيدينه ونزلت سماعتها بإستغرب
نورا : شفيك؟
سعود : تعالي اول شي ليش تنزلين طرحتتس وثاني شي ضحكاتتس وصوتس هنا محد يسمعها الا أنا فاهمة !؟
نورا : اول شي مايخصك وثاني شي كيف يعني ماتبيني أضحك!؟
سعود : أنا زوجتس شلون ما يخصني أنا تهمني كل شعرة فيتس وثاني شي أبيتس تضحكين لي أنا وبس!!
سكتت نورا
سعود بحنيه.: نونه شفيتس زعلانه؟
نورا : وش تبيني أسوي لك أذا أنت بتصد عني بدون سبب وتتجاهلني وانت أكثر واحد تدري ان ما أحب التجاهل
أبتسم سعود بخفه : وأنتي بعد تدرين أن غيرتي عليتس طاغية أغار عليتس حتى من ظلتس
ناظرته نورا بإبتسامة : يعني أنت غرت يوم الرجال كلمني؟
سعود : ايييه أغار عليتس حتى من أبوتس وأخوانتس
أبتسمت له نورا وبدأ الإقلاع وخافت
أبتسم لها سعود يهديها ومسك خدودها وفجأة جات بنت وجلست جنب سعود ونورا مصدومة وسعود كان يعرف البنت كانت سكرتيرتة تمارا وأستغل الوضع بأنه يثير غيرة نورا
تمارا بغنج وتمثيل الصدمة : اوووه سعود هنا !
سعود بتسليك : أيه هلا تمارا
ونورا ما زاد الصدمة إلا أنهم يعرفون بعض وبدت دموعها تتهامل على وَجنتيها
تمارا : سعود مين اللي معك
سعود : نجد أختي
كانت نورا تمسح دموعها وأنصدمت انه جحدها بس سكتت
مدت لها تمارا يدها : هلا نجد تشرفت بمعرفتك
أبتسمت لها نورا بكلافة ومدت يدها : هلا ياعمري
وقامت نورا وغيرت مكانها وجلست قدام سعود وتمارا بشوي وكان في ولدين من أشباه الرجال
الولد١ : هلااابي يا البنت المزة
الولد٢ : ممكن سنابك يا حلو
ماردت نورا وكانت من الأساس تبكي
وعند سعود ماكان متوقع هالحركة من نورا ومن الأساس تفكيره كان كله معها وتمارا تسولف عليه وهو عقله مع نورا أرسل لها رسالة محتواها
"نورا تعالي عن الرياجيل !"
"نورا تعالي لا أجيك وان جيت مو لصالحتس"
ماردت وكان كل شوي يكتبلها وهي ماتفتحها أصلاً
تمارا بغنج :سعووود تدري أني أحبك موووت
مارد عليها وانقهرت تمارا وحلفت أنها لاتاخذ قلبه خير شر
وعند نورا
كانت منزعجة من العيال بس ماتبي تشوف سعود و تمارا
لأنها تحبه وماتبيه مع أحد غيرها وماهان عليها جحدته لها
الولد١ : الحلو زعلان لييه
نورا : لو سمحت ممكن أنا مالي خلق أتكلم مع أحد
الولد١ : أفا ليه
طنشته نورا وفتحت جوالها وشافت رسايل سعود وكتبت له"اللي يجحدني أجحده"
وبسرعة شافها وكتب"طيب يعني أجيتس"
لفت عليه نورا وشافته جاي وسكتت مخروشه منه
مد يده الولد٢ يلمس شعرها ووجنتها : ليه خايفه؟
خافت نورا وجمعت أغراضها ولفت وشافت سعود واقف وهو شايف اللي صار وفكت حزامها وركضت له وهو خمها وقام الولد١
الولد١ : خير ترا محارمنا
ضحك سعود ونورا حاضنته : أما محارمكم! أحلف هه تراها زوجتي
جا المضيف وكلمهم يرجعون لأماكنهم
الولد : تراه ماخذ اختي
المضيف كان عارف انه كذاب : تفضل أرجع لمكانك
الولد : ماني راجع الا وأختي معي
سعود بغضب : ولدد!انت تعرف انا مين عشان تتهمني
الولد بسخريه : مين
سعود : اللواء سعود بن بهاج
أنخرش الولد ورجع مكانه وسعود أخذ نورا ورجعوا لأماكنهم
وشافت نورا تمارا مو موجودة
بس سكتت وهي ترجف من الخوف
سعود بحدة : عاجبتس اللي صار
نورا : لو انك ماجحدتني وجلست تسولف معها ماكان رح يصير شي
لاحظ سعود رجفتها وتجاهل كلامها وحضنها بقوه