ايه احبك غير عن كل الولايف حبّ صعب إن الأوادم يفهمونه!

٩

{بسم الله الرحمن الرحيم}♡
{استغفر الله العظيم واتوب اليه}♡
{سبحان الله وبحمده سبحان الله العظيم}♡
..
{تذكير للأحداث السابقة!}
..
(انهياار شمووخ)
(سفرة شهر العسل❤️‍🔥)
(ظهور سكرتيرة سعود تمارا)
(مُهمة سعود في الجنوب😥)
(مواقف نورا والنجلاء اول يوم دوام🤣)
...............................
الله لو تدري قلبي وش كثر مملاي..شُوقٍ لعينك وشُوقٍ لوجهك المملوح🤍
،
بالفسحة عند نورا والنجلاء
..
وقت الفسحة كانت نورا متعرفة على نص البنات والنجلاء غيرااانة ومقهورة(ياربي ليه نورا تسوي بقلبي كذا مع أن منزمان تدري أني أغار !) (ياليتني مكان صديقتها) (ياحظهم والله أحسدهم تسولف لهم وتضحك) وكثيير من هالأفكار لين خلاص ماقدرت تتحمل وراحت سحبت نورا من نص صديقاتها على الحمام
نورا : النجلاء نعم وش تبين؟
النجلاء : النجلاء؟ نورا ليه تلعبين بقلبي وأعصابي كذا أنتي تعرفين أني أغار صح !!
صدت نورا بدون رد
النجلاء : ردي علي أكلمك أنا !
نورا : نجو.. النجلاء أمزح معك وأجي اراضيك تطرديني  بعدين تجين تفزعين لي ثم الحين تغارين علي حددي انتي معي ولا علي !!
النجلاء بهدوء : أول شي كمليها...كمليها نجول وان ضاق صدرتس آسف
أبتسمت نورا وخمتها بقوووة وراحت تعرفها على صديقاتها
نورا : نجول هذي درر
درر : هلا نجول
النجلاء : النجلاء أسمي النجلاء
نورا : نجول هذي اميمه وهذي ترف وهذي مشاعل
البنات : هلا النجلاء
أبتسمت لهم النجلاء وهي مارتاحت درر بس بتشوف تاليها
وقعدوا كذا لين نهاية الدوام
الذيب : يابنات يلا تعالو
لحقوه النجلاء و نورا تحت همسات الطلاب
،
عند شموخ
..
من يوم سمعت خبر روحته للمهمة ضيمت على الآخر كانت تشغل اغنية نسناس الهوى ووتنهد وتحزن وتبكي وتشاهق
الجده الجازي بإنزعاج : أزعجيتنا بشهاقتس اللي تسنه(تسنه=كنه) نهيق حمار
شموخ : شلون ماتبيني أصيح وحبيبي بالجنوب والعدو يطلق عليه
الجده الجازي بقرف : حبتتس جنية أستغفر الله يلا قومي سويلي فطور السنعات وعيني من الله خير بدل التبكبك والضيم يلا طسي
،
عند سعود
..
كان في إجتماع مهم يتمحور عن الخُطة اللي راح يعتمدونها للعدو في أرض المعركة ومن بعد النقاشات الطويلة والإقتراحات حصلو خُطة إستراتيجية نسبة خطورتها منخفضة ومن بعد الإجتماع طلعوا العساكر يستريحون بالغرف
رماح : سعود تتوفع الخطة تنجح ولا لا
تنهد سعود : ما أتوقع والله
فؤاد بهمس : يعيال أنا معي جوال
فزو سعود ورماح : إيييش !!
فؤاد : وطوا صوتكم لا يسمعكم خلدون !
زفر سعود براحة لأن حصل فرصة يكلم فيها نورا
سعود : جيب الجوال ابي أكلم
عطاه فؤاد الجوال ودخل أحد الغرف وسجل رقم نورا وعلى طول اتصل وبعد مُدة ردت نورا
نورا بإستنكار : السلام عليكم مين؟
سعود بفرحة : أنا أنا سعود ياطبي وكل ناسي شلونتس؟
نورا : أمانة سعود !!
سعود : يابنتي أيه أيه أنا سعود
نورا : ياهلا يابعدي انت أنا الحمدلله زينه وأنت
سعود : ياعساه دايم يارب سولفيلي
فجأه دخل رماح : يا سلوقي خلدون بيسوي تفتيش بعد شوي
سعود : بنت مع السلامة ولا تتصلين على الرقم ابداً
نورا  : زين زين مع السلامة
وقفل سعود الخط وحذف الرقم
فز سعود وخبى الجوال بالمكيف وبنفس الوقت دخل خلدون
خلدون بكره : وش تسوي عندك
نزل سعود الجوال وحطه في بنطلونه
سعود بهدوء : اعدل الريش
خلدون بخبث : تعال تعال
تقدم سعود بثقه وبدأ خلدون يفتشه ويفتش ملابسه وكان سعود له جسم رياضي مو متين أو نحيف مره أو عنده كرش كان معتدل
سعود : عاجبك المنظر؟
خلدون : اصبر باقي بنطلونك
سعود : اعقب !
أستحى خلدون وفتش الباقين بسرعة وطلع
ضحك سعود ودخل يتروش
،
قصر آل زيد
..
كانوا جالسين يتغدون فجأه نورا قامت ورجعت الإبتسامة من الجنب للجنب
لاحظوا ماجد والنجلاء أبتسامتها بس سكتوا
وكانو فهد والنايفه يناظرون بعض و سهيل وغيم يهوجسون وسالم يفكر شلون يقنع أبوه يتزوج خلود ونايف ونجمّ وزايد وأزهار ساكتين
كان الوضع فوضى اللي يحب واللي يهوجس واللي يفكر واللي واللي
،
الحديقة
..
كان أنس يلعب مع سُها بعد ما أتفق مع فهد كل يوم العصر إذا حل واجباته يجي هنا
سُها : أنس
أنس بهدوء : عيوني
أبتسمت سُها ونطقت بخجل : أحبك
ضحك فهد وهو يمثل انه على الجوال وهو يصورهم
أنس بخفوت : وأنا بعد أحبتس
عم سُها : سُها تعالي يلا
سُها : زبن يبه
وراحت تركض لأبوها ومن بعدها رجعوا فهد وأنس القصر
،
عند نادر
..
كان يهوجس بإنه كيف مخربها بالسجن من مشاكل ومضاربات لسب وقذف واعتداء على العساكر ف عشان كذا حطوه حبس إنفرادي بسبب تصرفاته العدوانية مع الجميع وقاطع هوجاسه العسكري
العسكري : قم عندك زيارة
خزه نادر ووقف بعد ماكلبش العسكري يدينه ورجلينه وقاله يلحقه
العسكري بحدة : أستعجل !
حاول نادر انه يستعجل قد مايقدر وهو الفضول ذابحه مين اللي بيزورة من أهله إذا أبوه جحده وتبرا منه وجده زعلان عليه وقاطع شروذه عبد الرحمن يوم دخل فز نادر بصدمة : عمي عبدالرحمن !!
أبتسم عبد الرحمن بمكر : أيه أنا أنا
،
عند نورا
..
كانت تهوجس بغرفتها ودخل ماجد وقفل الباب وخمها بقوة بادلته نورا
ماجد : نورا أحبها والله احبها وأبيها
نورا وهي بحضنه : مين المحظوظة اللي تبيها
ماجد بهمس وحيا : النجلاء
فزت نورا بصدمة : أمانة !! أحلف قول والله
ماجد بصدمة : اي والله شفيك انجنيتي
جلست نورا : ماتوقعت واللله بس تصدق احسكم لايقين
على بعض
ضحك ماجد وحضنها ودخل نايف
نايف : خير وأنا
فتحت نورا يدينها له وحضنها
وبعدها دخل عبدالعزيز
عبدالعزيز : أحضان وبدوني
ودخل معهم وحضنوا بعض حضن جماعي
ماجد : دامنا تجمعنا شرايكم نطلع نتمشى بجدة اسبوع يعني يصير بس احنا
الكل : تم
وطلعوا يتجهزون ويرتبون شنطهم
،
عند البنات
..
كانوا جالسين يسولفون وتقهوون مع الجده الجازي
الجده الجازي : وينها نواره
شموخ بقهر : وش نواره أسمها نورا وبعدين وش تبين فيها مو مالين عينتس
ريما بصدمة : بنت عدلي أسلوبتس مع جدتي !!
الجده الجازي : ماعليه يابنتي يا ريما وبعدين أنتي ترا حفيدتي المفضلة مالتس دخل فيها سامعة !
شموخ : خلاص أزعجتينا حفيدتي المفضلة حفيدتي المفضلة خلااص كرهناها
النجلاء بحدة : محد كرهها هنا إلا أنتي ياحقودة شفتي الناس يحبونها و متزوجة اللي يحبها وتحبه ومرتاحة قمتي انزعجتي وزعلتي
قامت شموخ تشد شعرها : مايحبها مايحبهااا !!!
فطست النجلاء والبنات يضحكون
شموخ بغيض : محد بيخرب آل زيد إلا المفلوتة نورا
على آخر كلمة نزلوا ماجد ونايف و نورا وسمعوها
ماجد بحدة : أحترمي نفسك لا أهفك طراق عطيناك وجه عاد !
نايف : ماجد ماجد..أكيد غيرانة منها لأنها احلى منها وأطلق منها بكل شي يلا نونه عشان نروح السيارة
ناظرت نورا شموخ وقلبت عيونها وجت بتروح إلا قامت شموخ وشدت شعرها وسدحتها وجاها كف من نورا وقامت على رجلها وضربتها وصفقتها وين اللي يعورك وبعدها وقفت عند المراية تعدل شعرها وروجها وتقدمت تحب راس الجده الجازي وراحت مع نايف اللي ماتدخل 
الجده الجازي بضحكة : تستاهلين محد قالتس سبيها
كانت شموخ على الأرض ومصدومة وفوق الصدمة جسمها يوجعها وخلاص منتهية
قامت النجلاء لغرفتها ولفت على شموخ وضحكت بشماتة وراحت ثم لحقوها البنات رصت شموخ على أسنانها وحلفت تنتقم من نورا
،
عند عبدالعزيز وأهله
..
كانوا بالسيارة ومتجهين لجدة عشان يبون يقضون الوقت سوا
وكان نظام السيارة
عبدالعزيز وماجد قدام ونايف ونورا ورا
نورا : بابا وقف عند الكوفي
عبدالعزيز : أبشري ياعيون و روح وعقل بابا أنتي
سوتله نورا بوسه بالهواء ومسكها عبدالعزيز وحطها بخده
نايف : ماشاء الله انت توافق لنورا وتعيي علينا لما نقولك نبي البقالة
ابتسم عبد العزيز واتجه للكوفي
وقف عبدالعزيز عند كوفي : وش تبون
كان طلب ماجد v60 ونايف كركدية ونورا ماتشا وعبدالعزيز أيس لاتيه
ماجد : نورا انتي لبس ماتشربين إلا ماتشا
نورا : أممم أول شي لأنها صحية وثاني شي لأنها لذيذة
نايف : كذابة مهي لذيذة الله يعز النعمة
ناظرته نورا بقهر أنه كذبها وبعدت عنه وأما نايف ماناظرها عشانه قاعد يحاول يكابر قد مايقدر
بعد مُدة أستلموا طلباتهم ووقف عبدالعزيز عند البقالة
نايف : نورا تنزلين ؟
تذكرت نورا آخر مره وش صار وهزت راسها بالنفي : لا
كان نايف يحسبها زعلانة منه ونزلها غصب ونورا كانت خايفه وتمسكت بيد ماجد
ماجد : شفيك
نورا: اخاف يجيني أحد وأنتوا مو معي
ضحك ماجد وشد على يدها
،
عند سالم
..
كان كالعادة يهوجس لكن قطع شروذه رسائل الواتس فتح الجوال ودخل على قروب العائلة حقهم وشافهم مسافرين تنهد يفتح الرسايل الثانيه لكن من بين الرسايل رقم غريب مرسل رسالة محتواها
"شوف أختك الرخيصة وش مسوية"
سالم : وش مسوية
الغريب : ارسل محادثات على أساس انه بينه وبين نورا
عصب سالم وأرسل المحادثات لسعود ولأبوه
وقفل جواله وهو يحترق من العصبية وطلع للبر ناوي يكشت هناك كم اسبوع
،
عند نادر
..
خلصت الزيارة وبالليل وبغفلة من الحراس دخل عبد الرحمن الحبس وقدر يهرب نادر وهربوا بدون أثر..
،
عند البنات
..
كانوا يسولفون باللي صار وكيف نورا جلدت شموخ
النجلاء : والله ماتوقعتها قوية كذا
نجمّ : يبيلي أسجل عندها
الكل : ههههههههههههههههههههههه
دخلت أزهار ومعها جكارو "لعبة تدمير العلاقات" وكيرم
النجلاء بحماس : هلاااابي يالجو البطل
"بعد عشر دقايق"
النجلاء بإنفعال : هذا غش وظلم واضطهاد أنا أعترض
أزهار : النجلاء كلي تبن وعيني خير وترا محد غشاش إلا أنتي
النجلاء بصراخ : طيب قومي قومي ورينا مكانك
أزهار بوهقة : مايحتاج أقوم
قامت النجلاء وشالت أزهار ولقوها حاطة تحتها ورق
النجلاء : يحيى العدل يحيى العدل
النايفه : هههههههههههههههههههه
نجمّ : كفووووو
"الجهة الثانية"
كانت ريما بدل ماتلعب تعور أصبعها وتموتهم ضحك
سلمى بضحك : آاااخ منك ههههههههه مو كذا مو كذا هههههههه
لين وهي تضحك : لا ياغبية مو كذا كذا قاعده تعورين نفسك ههههههههههههههههه
ريما بزعل : بنات خلاص ماعجبتني اللعبة
الكل: ههههههههههههههههههههههه
،
عند العيال
..
من يوم ما تغدوا وهم نيّام ولا لهم لا حس ولا خبر
،
سيارة عبد العزيز
..
وصلته الرسايل من سالم
عبدالعزيز بحدة : نورا هاتي جوالك
نورا بإستغراب : ليه شفيه
صرخ عبدالعزيز : أقولك هاتي الجوال واضح كلامي !!
مدت له نورا الجوال بدموع وبدأ عبدالعزيز يفتشه زي المجنون ويوم ماحصل فيه شي رجع لها الجوال وأخذته نورا وصدت
نايف : يبه شفيك؟
عبدالعزيز بإنفعال : مافيني شي أفهموا مافيني شي !!!
بكت نورا وحس عبدالعزيز على نفسه وسكت
اما نايف حاول يهدي الوضع وسحب نورا لحضنه على أساس يتابعون مسلسل لكن شهقات نورا كانت كفيلة بإنها تقطع قلب عبدالعزيز الف قطعة وبنص المسلسل نامت نورا ودمعتها بخدها
ماجد : يبه شفيك فتشت جوالها فيه شي
سكت عبد العزيز وحرك السيارة ومارد على أي سؤال
ووقفوا بالطايف وبدلوا عبدالعزيز وماجد
،
عند غيم
..
كانت بتروح للمطبخ ومرت من غرفة شموخ ولقتها تتكلم مع أحد
شموخ : خلاص انت بس خلص المهمة اللي عليك وأرسل المحادثات وأنا بدفع لك اللي تبي
الغريب : خلاص أنا أرسلتها له وشافها لكن مارد علي ابداً بس ممكن اسم البنت
شموخ : البنت اسمها نورا عبدالعزيز
الغريب : زين زين
وقفلت المكالمة أنصدمت غيم من أختها ماتوقعتها كذا !
غيم بهمس وهي تقفل التسجيل : خيبتي ظني فيتس ماتوقعتس كذا بس هين هين انا أربيتس
وراحت ركض للبنات تقولهم وش صار
قامت النجلاء : أنا بروح اكلم أخوها البنت جايه تكلمني تصيح تقول أبوها فتش جوالها
غيم : صح روحي تكلمي معه ووضحي له وهذا جوالي وسمعيه التسجيل
أخذت النجلاء جوال غيم ونزلت تحت تدور سالم
،
الجنوب ..عند سعود
..
كانوا يحاولون يسون عريكة
رماح بإستنكار : ليش لون الخبزة طلع كذا؟
سعود : صح مع أن كل الخطوات صح
فؤاد : يعني توقعنا تطلع محروقة نيه بس لونها أخضر !! "السالفة حقيقية وصارت مع بابا وصديقه من ١٧ سنه🤣"
رماح بلقافة : يعيال بجرب طعمها
وأول مادخلت فمه صرخ
رماح : يععع الله يديم النعمة وش ذاا
وركض يشرب موية لكن طعمها صار أسوء
،
عند نورا
..
كانت جالسة لحالها وفجأة دخل عليها عبدالعزيز وجلس جنبها خافت نورا
عبدالعزيز بحدة : ليش خفتي !؟
نورا : مافي شي
مسك عبدالعزيز فكها : تكلمين عيال يانجسة
بكت نورا : والله ماكلم أحد والله
شد عبدالعزيز على فكها : لا تحلفين بالله ياكذابة !!
مدت نورا جوالها لأبوها : خذ فتشه وإرتاح
سحب عبدالعزيز جوالها بقوة ورماه على الأرض
نورا بصدمة : بابا ليه سويت كذا
كانت نورا تتوقع انه بيسوي لها مفاجأة بس الجمها عبدالعزيز يوم شد شعرها
عبدالعزيز بقهر : خيبتي ظني فيك هذي آخرة الدلع الزايد والثقة
وسحلها مع شعرها للصالة وكانت نورا تتعزوى بأخوانها لكن كانت تشوف نظرات الخيبة من نايف وماجد
ومن الصالة نزلها للسيارة وركبها غصب عليها واتجه فيها عند خالها فهاد اللي كان أكبر مخاوفها تجلس معه بمكان واحد لأنه بطفولتها كان معذبها  
فهاد بلفظ جداوي : خير إيش تبغى؟
عبدالعزيز بجدية : هذي البنت طيحت وجهي بالأرض فشلتني وخيبت ظني
فهاد : أش فيه أش سوت البنت دي
عبدالعزيز : تكلم عيال قليلة الخاتمة
مسك فهاد شعرها وسحبها له : تعالي والله لا أربيكي
وناظر عبدالعزيز المصدوم : تعال بعد شهر قبلها مارح اعطيك
وسحبها فهاد ودخلها داخل البيت وقفل الباب بوجه عبدالعزيز
وكانت نورا تعبانة من فقر الدم اللي فيها وخط السفر وزاد عليها أبوها
فهاد : قومي أوقفي !
حاولت نورا تقوم بس كل مره تقوم فيها تطيح الين مسكها فهاد ووقفها غصب وراح وداها للكراج اللي كان مخصصه لتعذيب اي أحد وكان فيه رهبه مرعبة
رماها فهاد على الأرض وطلع وترك نورا اللي تبكي بحرقة وتتحسب على اللي كان السبب ومن كثر البكاء نامت وبعد مُدة دخل فهاد ومعه حزام وبدأ يضرب نورا بوحشية
نورا بصراخ : تكفىىىىى ارحمني تكفى
فهاد : خلاص خلاص أسكتي
وطلع فهاد ولكن رجع بشي اخس والعن
،
عند النجلاء
..
كانت تدور سالم زي المجنونة الين قابلت الكاسر : وش تبين
النجلاء : وين سالم؟
الكاسر : راح للبر وبيجلس كم أسبوع
النجلاء : إييييش !!
الكاسر : ليه وش تبين
قالت له النجلاء كل السالفة وفز يتصل على ماجد يقوله
،
عند ماجد
..
أنهبل لما عرف السالفة الحقيقة وعلم نايف
نايف : يويلي ايوي قال بيوديها عند خالي فهاد
صفق ماجد يدينه ببعض : راحت البنت
ودخل عبدالعزيز وفز نايف يعلمه السالفة
عبدالعزيز بحسرة : آآآآه بس وديتها للتهلكة بيديني آآآآآه
نايف : يا ليتنا سمعنا منها
ماجد بحدة : إذا فات الفوت ماينفع  الصوت
وشموخ ذي بروح أبلغ عليها
عبدالعزيز : خلنا يوم نرجع نشتكي لأن احنا ماعادنا بالديرة وأختكم ماهي هنا
ماجد : ياخوفي لو درا سعود
،
عند سعود
..