ايه احبك غير عن كل الولايف حبّ صعب إن الأوادم يفهمونه!

١٠

{بسم الله الرحمن الرحيم}♡
{استغفر الله العظيم واتوب اليه}♡
{سبحان الله وبحمده سبحان الله العظيم}♡
..
{تذكير للأحداث السابقة!}
..
(غيرة النجلاء)
(أجواء شموخ الحزينة🤣)
(أستقعاد خلدون لسعود وأصحابه )
(أعتراف سُها لأنس)
(مشاعر ماجد للنجلاء ❤️‍🔥)
(سفرة عبدالعزيز واهله الكارثية)
(هروب نادر من السجن !!)
(عبدالعزيز ابو قلب قاسي😔👎🏻)
(رجوع سعود من المُهمة)
...............................
روحي بلقاه تفز فزة حمامة..وتحوم حولك من غلاك وأملها
ياليل من نظرة غلا وإبتسامة..ترد روحي الغالية في محَلها💕
،
{عند سعود}
..
كان شايل هم ومتوتر وهو مو عارف وش يسوي وولا وده يتكلم لكن قاطعه من دخلت نورا وفز سعود يناظرها بصدمة
فتحت نورا يدينها بأبتسامة : ما أشتقت لي؟
ركض سعود يخمها ويشيلها ويدور فيها
سعود : اشتقت لتس أنتي روحي وعقلي وكل شي كيف ما أشتاق لتس علميني كيييف؟؟
ضحكت نورا وهي تحاوطه
نورا بتعب : سعود نزلني دخت
فز سعود ونزلها وانسدح على السرير وهي بحضنه
سعود : علميني وش صار لما رحتي
تنهدت نورا وقالت له كل شي من الألف للياء وعقد سعود حواجبه وهو مايتخيل العذاب النفسي والجسدي اللي كانت تتعرض له نورا
سعود : ماعليك أنا آخذ لتس حقتس والحمدلله أنها فترة وعدت
انتي الحين اقري أذكارتس ونومي
نورا : تصبح على خير
سعود : وأنتي من أهل الخير
وخمها وناموا
،
{عند ماجد}
..
كان متضايق من نفسه شلون قدر يصدق بنورا بكل هالسهولة لكنه حلف أنه مايخليها تعدي مرور الكرام وحلف انه بينتقم من شموخ
دخل نايف
نايف : هاه للحين على حلفانك
ماجد : ايه باقي على حلفاني وبكره انا رايح المركز اقدم الشكوى كاملة
نايف بفضول : طيب من وين جبت كل هذي الأدلة؟
حاول ماجد يخفي إبتسامتة : النجلاء وغيوم مدري غيم اللي هي
هز راسه نايف بالإيجاب وطلع
،
{صباح اليوم الثاني}
..
قامت نورا على صوت المنبه وكانت متحمسة للمدرسة وصديقاتها وتذكرت أن سعود مداوم بس شافت الوقت بدري فخلته على راحته ودخلت تتروش وثم بدت تتجهز وكالعادة تجهيزاتها مستحيل تخلوا من الفيونكات وبدت تتمكيج وسعود قام على صوت الأغاني وفتح عيونه ولأول مرة سعود يشوف نورا تتجهز للمدرسة وابتسم وهو يقوم يغسل وجهه ويتروش وطلع شافها تأكد على كتبها تنحنح والتفتت له
نورا بإبتسامة : صباح الخيير
رد لها سعود الإبتسامة : صباح النور
أشرت نورا بهدوء : بدلتك جاهزة هناك
أبتسم سعود برضا وأخذ بدلته وطلعت نورا عشات يغير ملابسه ورجعت بعد ماخلص بالبخور وتبخروا سوا
ناظرها سعود بتفحص لشكلها : لمين هالكشخة والزين؟
نورا : أول شي للمدرسة عشاني متحمسة وثاني شي لصديقاتي
سعود بتسليك : أمم نتفاهم بشي بعدين
هزت راسها برضا ولبست عبايتها وأخذت شنطتها ونزلوا تحت للفطور بس ماكان فيه أحد بس ماجد ونايف والنجلاء والجده الجازي وشموخ
الجده الجازي بفرح : هلا هلا هلا ببنيتي نورا
ناظرت شموخ نورا بقهر وابتسمت لها نورا بإستفزاز
الجده الجازي : تعالي عندي ماشبعت منتس أمس
أبتسمت نورا وراحت لهت خمتها
نورا : أشتقت لك مره وأخيراً شفتك
الجده الجازي : وانا بعد اشتقت لتس قد كذا "أشرت بيدها بمعنى كبير مره " اقعدي يمي هنا
أشرت نورا على خشمها تقلد نايف اللي جرها مع خشمها يخمها
سعود بغيرة : وانا مالي ترحيب ياجدة
الجده الجازي بمزح : لا ماعندي لك شي
كشر سعود يمثل الزعل : طيب
حست الجده الجازي انه زعل..
الجده الجازي : ياسعود ياقلبي انت امزح معك أنا مو قصدي اني ما أحبك
ضحك سعود وتقدم يحب راسها..
سعود : لا يا أمي أنتي أمثل امثل مو زعلان
ابتسمت له الجده الجازي وناظر سعود نايف وماجد اللي كانوا خامين نورا ويبوسون فيها وتنحنح لكن ماعطوه وجه
سعود بغيرة : نورا حبيبي تعالي أفطري عشان تداومين
ناظره نايف من فوق لتحت وهو يعلك بطريقة مستفزة وتضحك
نايف بتشميقة : وش حبيبي تراها أختي وأسوي اللي ابي
وتقدم يبوس خد نورا اللي ميتة ضحك خزها سعود وسكتت مخروشه منه وجلست وفطرت وهي ساكتة
لاحظ سعود خرشتها بس سكت
النجلاء : هاه نونه بتسوين الماشا ولا السدر حقك
نورا : نجول حبيبي أسمها ماتشا وأيوه بسوي تبغين؟
النجلاء : أي سويلي عجبني طعمها
ماجد بهمس : نورا أثر عليها خالي فهاد
فطس نايف يضحك ضحك مكتوم وجهه صار أحمر
النجلاء : 🤨
نورا بهدوء : نايف خذ وجهك سار أحمر
فطسوا نايف وماجد يضحكون أما نورا مدت له جهاز الربو لأن نايف انكتم من الضحك
وخلصوا فطور وطلعت نورا تسوي ماتشا لها وللنجلاء
ونزلت وطلعت على طول وشافت سيارة سعود وأشر لها تجي وركبت نورا السيارة ولقت النجلاء وفرح وأنس
لفت نورا : الله وش هالكشخة والأناقه والجمال يافرح وش هالثوب والترسيمات الحلوة يا أنس والله أنك مز وخقه
أبتسموا فرح وأنس : شكرا خاله انتي الحلوة
النجلاء : ماش ماش غرت
نورا بإبتسامة : نجولل خذي هذي الماتشا حقك وبعدين وش هالجمال هذا حلو شكل الكيرلي مع البوي
أخذت النجلاء المق : تصدقين انتس رفعتي معنوياتي ياروح نجول  
سعود بغيرة : خلاص أنتي وياها أقرفتونا !
ناظرته نورا بغبنه واستغراب وصدت
النجلاء وهي منسدحة : نونه خذي فرح معتس قدام وبعدين وش اللي أقرفتونا ترا نورا الحين تلقاها زعلت
سعود بصراخ : تزعل تشرب مويه شدخلني زعلت ما زعلت أنس يلا انزل !!
نزل أنس وبعدها فرح وأخر ثنتين نورا و النجلاء 
،
{عند نادر}
..
عبدالرحمن : نويدر قررنا نسافر برا المملكة
نادر والدخان بيده : بس مو قبل ما أخذ نورا
عقد عبدالرحمن حجاجه : طيب مسويلي سالفة وابي نورا ومارح اطلع إلا وهي معي ياخي وش تبي فيها
نادر بهدوء : أحبها
عبدالرحمن بخفوت : حبك قرد أعور إن شاءالله
،
{عند ماجد}
..
طلع مع الصباح للمركز يقدم بلاغ على شموخ وبعد ماخلص راح لكوفي ثم رجع للبيت ينوم
،
{عند نورا والنجلاء}
..
دخلوا المدرسة وقابلت نورا صديقاتها وابتسمت لهم لكنهم شمقولها أستغربت نورا بس ماعطتهم إهتمام وجلست مع النجلاء
نورا بهمس : نجول شرايك نهرب من الحصة؟
ثنيان : من ثاني يوم دوام وهاربة من الحصة أتقي الله ياشيخه !
النجلاء : خير قاط أذنك معنا؟
لهاب : هيه أقصري حستس !
مُلهم : يهوه خلاص شرايكم نصير شلة وحدة وندافع عن بعض
العيال : تم
والنجلاء ونورا يناظرون بعض بصدمة
الوليد : مو عاجبتكم الإتفاقية؟
نورا بتوتر : ط.طيب خلاص بنصير شلة وحدة بس علاقتنا لا تخرج عن الصداقة
النجلاء : تم
مُلهم : نورا أنتي جداوية
نورا : لا بس كنت فتره عند أحد اقاربي الجداويين
مُلهم : أهاا طيب
الاستاذ : ياللي بالأخير هدوووء
الوليد : إشبك ماطها كدا إسمها هدوء مو هدوووووء
الاستاذ : على الإدارة !
الوليد : طيب بخاف دحين
ضحكوا العيال وانتهت الحصة وبدت اللي بعده وكانت فراغ ونورا طفشت وطلعت مكياجها والنجلاء تاكل بطاطس والعيال قالبينها مسخرة
امتنان : أستاذه انا مو عارفة أركز من اللي ورا
الأستاذة : طيب الحصة فراغ وبعدين أنتي وش تسوين مافي شي
سكتت امتنان
نورا : أستاذه بطلع عندي شي مهم أنا والنجلاء
الإستاذة : قوليلي وش هو الشي ولو كان خاص قولي بإذني عشان اعرف إذا أقدر أساعدك
تقدمت نورا وهمست للأستاذة أنها تبي تطلع عشان دواها
الإستاذة : تمام تقدري تطلعي بس النجلاء لا
نورا : أستاذه بس......
الإستاذة : النجلاء مارح تطلع
،
{عند سعود}
..
كات يشوف المعاملات والقضايا ومحتاااس ورايح فيها من ظغط الشغل !
رماح : سعود الحق الحق !
سعود : يالله صباح خير شفيه ؟
رماح بخفوت ودموع : الحلة أحترقت
فز سعود : أيييييش !!!
مد له رماح ملف القضية وطلع ودموعه قبلة
تنهد سعود يفتح الملف ويقرأ وهو قلبه محروووق لأنهم ما حصلوا المجرم
مسح سعود على راسه يكمل شغل
تمارا بغنج : سعووود
سعود : هاه
تمارا : آخر مره تقابلنا نجد ما كانت تشبهك أبداً ليش؟ وكمان لما تكلمنا زعلت وراحت
طنشها سعود وهي غصب تعرف
سعود : ياتمارا مكتوب في العقد أن كلامنا مايخرج عن الشغل صح ولا لا !
تمارا بثقة : صح بس ممكن حساب نجد أبغى اتكلم معاها
سحب عليها سعود وشاف أن وقت دوامة انتهى ووقع وطلع
،
{عند نورا و النجلاء}
..
إنتهى الدوام وكانوا نورا و النجلاء يبون يطلعون للحديقة اللي قدام المدرسة لكن صارت هوشة بين العيال وكانت كارثة
أمجد : يجماعة لحد يفرق
لهاب : ههههههههه تحسبني بخاف لحد يفرق
وبدت هوشة وحشية بين شله لهاب وشله خالد
تقدمت النجلاء تبي تفزع لكن وقفها نورا
نورا بغصة : نجول لا لا تروحين
أستغربت النجلاء وجلست تسكت نورا وهي فيها غصة كاتمتها من اليوم "ماتنلام"
ولما سكتت طلعوا وشافوا شله لهاب منتصرة لكن أصاباتهم  تخوف أشرت نورا لهم بمعنى تعالو أستغربوا
لهاب بإستغراب : هلا؟
نورا بهدوء : أدخلوا للمرض عشان لاترجعون للبيت وامهاتكم تخاف
أبتسم لها لهاب بغبنة وردت نورا الإبتسامة ودخل لهاب والباقين لكن ماتوقعت نورا إن اللي بيشوفهم سعود اللي نزل وسحبها هي والنجلاء للسيارة
نورا :  خي........
سعود بصراخ : أسكتي ولا نفس !!
سكتت نورا وجلس سعود يهزأ ونورا بدت ملامح التعب تملي وجهها لكن سعود أبد مانتبه 
الين ماوصلوا البيت نزلت نورا بسرعة ولا كلمت أحد راحت على جناحها هي وسعود عشان تاخذ علاجها أستغرب سعود تصرفها ولحقها بعصبية
ودخل الجناح وشاف نورا تدور علاجها زي المجنونة !
سعود بحدة : خييير !!
ماردت نورا وهي تدور علاجها وتبكي
تقدم سعود يسحبها ويوقفها قدامه وجلس يسفل فيها ويهاوشها
ونورا تناظره وترمش ببطئ وتعب تنرفز سعود وأعطاها ظهره بيطلع من الغرفة لكن أستوقفته بكلماتك الأخيرة قبل تفقد الوعي !
نورا : تعبت
أنقبضت أنفاسه بخوف وجمد بمكانه من سمع صوت أرتطام جسمها على الأرض
والتفت بخوف وكل شعرة وخلية بجسمة ترجف وشاف نورا على الأرض وجهها شاحب وشفايفها بيضاء تقدم سعود ينزل لمستواها يبعد شعرها عن وجهها وهو كله خووف
سعود وهو يضرب خدها بخفه : نونه نونه تسمعيني !
مافي أي إستجابة من نورا
شالها سعود ونزل فيها لسيارته تحت العديد من الأسئلة محتواها الوحيد : شفيها؟،سلامات صاير شي،خير عسى ماشر
طنش سعود وحرك السيارة
وابتسمت شموخ بإنتصار
،
{قبل ٣ ساعات عند شموخ}
..
دخلت جناح نورا وسعود بعد ماسمعت عبدالعزيز يتكلم مع الجد محمد عن نورا وعلاجاتها وبدت تفتش المكان وبسرعة حصلتها وأخذتها لغرفتها "كش👏🙌"
،
{عند سعود ونورا}
..
كان مره متوتر وقطع نص الأشارات لأن هدفة يوصل للمستشفى بأسرع وقت ممكن لأن نورا بدت حرارتها ترتفع وقامت وبدت تبكي وتون
سعود : نورا حبيبي تحملي تحملي بس شوي
نورا : ما أقدر خلاص تعبت من كل شي تعبت من خالي وتعذيبة لي تعبت من عصبيتك تعبت وتأزمت من بعد حركة  أبوي وأخواني أضحك وأنا بداخلي مكسورة تعبت من شموخ وكرهها لي تعببتت !
سعود : أنتي الحين صيري زينة وبعوضتس عن كل شي صار وعد
سكتت نورا ماجاوبت وأنهارت زيادة
ووقف سعود السيارة عند المستشفى وجلس ينادي وبحكم أنه ظهر دخلوهم على طول وأعطوها مغذية وجا نفس ذاك الدكتور" كلكم عرفتوه🤣"
سعود : لا أبي دكتور أو دكتورة ثانيه
الدكتور بإستفزاز : مافي أحد
سعود بنرفزة : شف شغلك !
ابتسم الدكتور وبدأ يفحص نورا ومن يمسك الدكتور نورا سعود يكون وده يفجر فيه بس يهدي نفسه ويستغفر لين ماخلص الدكتور التفت على سعود ويده بيد نورا
الدكتور : نورا الحلوة مافيها شي لكن بس محتاجه تلتزم بعلاجها وتحاولون تخافون عنها التوتر لأنه بيضرها 
بعدت نورا يدها بسرعة من شافت نظرات سعود للدكتور وعلى السريع أخذ سعود الأدوية وكان بيتجه للقصر لولا إتصال رماح
سعود : هلا رماح
رماح : بسرعة سعود تعال حصلنا واحد من المجرمين !
فز سعود : تمام جاي بس اعطوني ساعة نص ساعة وأنا موجود
رماح : مايصلح لازم تجي الآن !!
ناظر سعود نورا بوهقة : خلاص خلاص جاي
قفل سعود الخط
سعود : نونه باخذتس معي الدوام
ناظرته نورا بهدوء وهزت راسها برضا
أبتسم لها سعود وأتجه لهيئة الضباط
،
{عند لهاب}
..
كان يدخن و يهوجس بتصرف عينه وهو وصله خبر أنها تزوجت من زمان لكنها بتصرفها هذا كبرت بعينه كثييير وهذا اللي زاد قناعته أنها بتكون شي جميل بالشلة
،
{عند نادر}
..
كان مافي أحد شاغل بالة إلا نورا حتى أخته اللي يحبها ويموت فيها سحب عليها وأبتسم بإنتصار من عرف واحد من حسابها بالإنستا
عبدالرحمن بملل : يوووه منك يا نادر طفشتني أنت والسلقة اللي تحبها !
نادر ببتسامة : خلاص خلاص مابقى شي
تنهد عبدالرحمن وهو خلاص شانت أخلاقة بسبب نادر وحبه المبالغ لنورا !
،
{عند سعود ونورا}
..
نزلوا من السيارة ونورا متمسكة بيد سعود واتجه سعود لمكتبة يتجهز عشان ينزل للغرفة وناظر نورا اللي مستنكرة المكان
سعود : تجين معي غرفة التحقيق؟
نورا بحماس : ايوة
مد لها سعود يده وأتجهوا لغرفة التحقيق وحصلو فيها المتهم وأثنين من العساكر
وخلف القزاز موجود رماح وف
جلس سعود قبال المتهم ونورا وراه
سعود بهدوء : تقدرون تطلعون
طلعوا العساكر خارج الغرفة
سعود بهدوء : السلام عليكم يا مسعود
مسعود بتأتأة : و.وو.وعليكم ا.ا.السلام
سعود : ممكن تقول لي أي شي أنت تعرفه عن الجريمة
مسعود : م.م.ما اعرف ولا شي
سعود بحدة : متأكد؟
مسعود : ا.ايه
وأستمر التحقيق كذا سعود يحاول يسحب كلام من مسعود ومسعود رافض يعترف
نورا بهمس لسعود : أقدر أحقق معه ؟
تنهد سعود بأبتسامة : يلا حاولي
تقدمت له نورا
نورا : مسعود
نزل مسعود من الكرسي وجلس على الأرض بخوف : ن.نعم
نزلت نورا لمستواه : ممكن اعرف ليش خايف ؟
مسعود : م.م.مو أنا م.م. مو أنا ا.الي حرقتها
نورا بهدوء : طيب إذا تكلمت مارح تنسجن عادي بس انت قول اللي تعرف
مسعود : م.م.ما ابي
نورا : أعتبرني أختك قول لي عادي
التمس مسعود حنيه بصوتها وقام حضنها"طيب والرجال الفقير اللي معكم🤣"
رجعت نورا ورا من الخرشة وكان سعود شوي ويقوم يجلدهم بس ماسك نفسه يبي يعرف وش تاليها
قامت نورا وجلست مسعود وأعترف بكل شي ورماح وفيصل يسجلون كل شي يقوله وبعد ماخلصوا سحبها سعود للسيارة وأتجهوا للقصر
تقدموا ماجد ونايف يحضنونها ونورا بادلتهم وسعود نار الغيرة تاكل فيه وعض على يده وطلع للجناح وترك نورا معهم وقالت لهم ان مافيها شي ولحقته
،
{مقر فساد المجتمع}
..
ام الرعد منكدة وزعلانة
ام هيام : يابنت الحلال شوفي هيومه وش ملحها وش حلاها
ام الرعد بسدة نفس : خلاص عاد أكل تبن أنتي وبنتتس طفشتوني مابي الا نورا
أم صيته : خلاص أنتي وهي ماله داعي كل هالسوالف عشان بنيّة !
سكتوا الحريم وهالمرة ماكان في إشاعات
،
{عند سعود ونورا}
..
دخلت نورا الغرفة وشافت سعود صاد عنها وتقدمت نحوه وصد ومسكت وجهه ولفته عليها
نورا : حبيبي سعودي زعلان ؟
همهم لها سعود بدون رد
نورا : حبيبي ليه زعلان في شي مضايقك؟
سعود : حركاتتس يانورا
قامت نورا من السرير ووقف فباله ومدت يدها له
نورا : طيب تعال نتفاهم بالكنب
تأفف وقام سعود وجلس على الكنب وقباله نورا
نورا بهدوء : ليه زعلان ياروحي مايهون علي زعلك
سعود : حركاتس ما كأنك وحدة متزوجة تتعرفين على عيال وتتبوسمين وتخلين مجرم يحضنتس والضحك والتبويس اللي بالصباح والدكتور الكلب يعني وش اقوا وش أخلي؟
نورا : أول شي انا وأخواني هذا طبعنا من زماان والعيال أنا ماسويت شي الا بس قلت لهم يروحون للمرض والدكتور وش ذنبي طيب؟
تنهد سعود : نورا ممكن تفهمين اني احبتس من يوم احنا أطفال وأفمهني أني أغاار عليتس لمصلحتس
نورا : طيب حسستني اني ما أحبك واكرهك تراني أحبك من ز م ا ن
ضحك سعود ولمها لحضنه "وبعدين مالكلم شغل باللي صار☺️🙆‍♀️"
،
{عند شموخ}
..
كانت تدور حساب نورا بحساب ثاني وتفبرك محادثات وصور عساس انها ولد ونورا تحبه وتكره سعود
وبعد ماخلصت أبتسمت بشر وحطت أصبعها على زر الإرسال برقمها القديم
"👋🏻"
"فاعل خير"
"شوف حقيقه مرتك ال***🤣🤣"
وقفلت شموخ جوالها وبكل غباء خلت الشريحة بالجوال ونامت
،
{في مجلس الرجال}
..
قام ماجد ونطق
ماجد : ياجد انا بغيت اخطب لي وحدة من حفيداتك
الجد محمد بفرح : آمر تدلل من هي اللي تبي؟
ماجد : النجلاء بنت عمي بهاج
بهاج : والله أنها الساعة المباركة بس باقي شور البنيّة
تحمس فهد ونطق هو بعد
فهد : وأنا بعد باجد بغيت أخطب
الجد محمد : ومن هي اللي تبيها
فهد النايفه بنت عمي الفارس
الفارس بفرح : الساعة المباركة ياولدي ومارح نلاقي احسن منك لبنتنا
...............................
{ان شاءالله البارت نال اعجابكم}♡
{يحلويني ترا النجمه تدعم روايتي وبعدين ليه ماتحط/ي نجمه اصبعك فيه حنا عادي انا احط نجمه بدالك😉}
{اكتبوا لي رأيكم ترا رأيكم يهمني}♡
{استغفر الله العظيم واتوب اليه}♡

(البارت يجنن وفيه مفاجآت ترقبوها🤌🏻
"حبيتوا غيرة سعود🫣"تتوقعون تمارا بتعرف إن نورا ماهي أخت سعود"" تتوقعون رجوع الدكتور ونادر يبشر بالخير؟""تتوقعون دخول النجلاء ونورا للشلة شي حلو؟""الكوبلات الجديدة تحمس😭")