عـائلة الـحاج خـليفه 💓 .
للكاتبه رغد محمد 💓 .
الحلقه 14 :
------------------------
- تسريع الأحداث على أبطالنا خشو للعشاء كلهم لميننن ويهدرزو ويضاحكو وحطين كل شي مشواي من اي شي تبيه والبنات يحطن وقمعزن والصبايا يحكن مع الرجاله عليما حطن البنات والجده باشات حاسه بتصير حاجه تشوف للحاج خليفه والشباب كلهم خشو وقمعزو وفارس مؤيد خشاه وه كاره ألخليفه وقعدو يحكو ولُجين وامنيه فالكوجينه يجيبن فالتباسي ليننن صبى إلحاج خليفه وقال
الحاج خليفه : ألاسبوع الجاي فاتحة مؤيد وساره بنت عمته
أمنيه جايه طاحن منها التباسي كلهم شافولها
الحاج خليفه معبرهش وخشت ساره وامها : انستو
أمنيه شافتله وطاحت
مؤيد : امنيهههه وصبى يجري
البنات : أمنيه
عمار صبى : كنها ههي
لُجين متبيش يعرف : مصبح مريضه ودايخه
مؤيد يضرب ع وجها براحه : أمنيه.. أمنيه ردي علياا
- أمنيه فتحت عيونه وبدت تبكي ..
مؤيد : اسف ي أمنيتي
أمنيه زقاته وبرمت للُجين .
- البنات صبنها وخشت جوا
الحاج خليفه : قمعزن وكملن وكالكن ههياا ... وقمعز ولا كأن كسر اثنين
مؤيد طلع بسرعه ولحقه سند
الجده باشات : سألت العيال انت تصرف وخلاص
الحاج خليفه : مؤيد موافق
الجده باشات شافت لساره : وانتِ
ساره دير فحركات وطبست راسها وانتصار ع وجها
الحاج خليفه : انهي ي باشات خلاص
-------------------------
فِ الدار البنات :
أمنيه تبكي : هو يبيها وموافق قال سمعتننن يبنات
فاطمه : وحقربي خويا وعرفته مستحيل يدير هكي
أمنيه خبطت كرعيها : ضحك عليااا شدرتله نااا شدرتتت ليش يمؤيد
جيهان : خلاص كله حيبان
جيانا : يامنيه هو ميطقش ساره كيف بياخذها
أمنيه تبكي : كل منفرح بحاجه نقعد عارفه ومتأكده ان في شي وراه وميكملش معاي
مرام : متقوليش هكي
أمنيه: يبنات مش مصدقه والله مش مصدقه كيف يمؤيد هكي كيف
فاطمه : حنحكي معاه
أمنيه: لا سيبيه حنحكي نا
مرام " خلاص معش تبكي يبت
أمنيه صبت : بنمشي لحمام
البنات : تمام .
- أمنيه صبت وطلعت وهي طالعه خطمت من الصاله شافتها ساره صبت فجرتها ونادتها :
ساره : امون
أمنيه غمضت عيونها بقوه وبرمت : ؟
ساره : مفيش مبروك يعيوني
أمنيه: يعني غصب وفرحانه
ساره بمياصه : تؤتؤ اين غصب مؤيد يحبني ونحبه
أمنيه انصدمت وكرعيها رقدن : كيف
ساره : من زماان مكلم جدي علياا وجدي اليوم غير قالها
أمنيه: مبروك وبرمت
- طبعآ تعشو وكل حد خش لداره وامنيه راقده فدارها وتبكي وبرا مطر قويه قوييههه ومؤيد قاعد تحت البلكوني متاعها ويشوفلها ويشوف فيها تمشي يمين يسار زولها ...
مؤيد يشوف لبلكوني :
- من باب الغلا ماني عليك رميّه
- ومن باب القسم ياريت تبقى ليّا💔 .
أمنيه شافت للبلكوني مطر طلعت قعدت تشوف فيه وهو يشوف فيها وبرم وجى بيعدي نزلت تجري
أنت تقرأ
#عائله_الحاج_خليفه 💓 .
Random#للكاتبه_رغد_محمد , قصه مشوقه وحقيقيه وخياله وفكاهيه ورومانسيه وأكشن 💓 . قصر واحد ، أسرار مدفونة ، وصراعات تُغيّر كل شيء في لحظة واحدة ، قد يتحول الحب إلى نزاع ، والثقة إلى خيانة ماذا سيحدث عندما ينكشف المستور؟ لأن الماضي لا يترك أحدًا دون حساب...
