عائله الحاج خليفه 💓 .

part 4 💓

عـائلة الـحاج خـليفه 💓 .
- للكاتبه رغد محمد 💓 .
ألحلقه ألرابعه :
صوت عالييييي هز الموجودين وعرفوا ان مش حيحصل خير بعده الخليفه خاش وقيام القيامه على عياله .
عمار : يا باتي أهدا مش هكي .

'* وأياد ومُهاب نزلو ويخش إسلام والجده قاعده والبنات كلهن والصبايا .
الحاج خليفه خبط العاكوز متاعه : كيففففف نهدا وخصرت بدال منكسب حمار داز نا
الشباب يشوفو لبعضهم ومش فاهمين شييييي .
سيف : يا باتي اكيد نصبين عليه مُهند مش لهدرجه حمار
أسلام واياد شافو لبعضهم : كيف ... كيف ؟
أسلام : قصدكم باتي نصبو عليه .
الحاج خليفه : مهو بوك حماررر ومش فاهم شي وميعرفش يصرففف
صبى أياد منفصل : رددد بالك تغلط فباتي ومتنسش أن باتي هو الي الناس كلها تشكر فيك منه
الحاج خليفه : تفضلو راجل مينفع فشي حتى ربايه مربى كيف العرب
أسلام بنفعال : جدييي

----------------------

- فالكوجينه و رواقها .
خشت لُجين : صبت عند الثلاجه وفتحتها وطلعت ميه مصقعه وقعدت تشرب وتبرم بتطلع ..

لُجين انفجعت حطت يدها ع قلبها : ينعلييي طيحت قلبي ... أوففف
سند نفخ دخانه وابتسم : سلامت قلبك 🥺 .
لُجين مكنتش متوقعه رده : اها به ... وجت بتطلع
سند صبى : قتلك
لُجين برمت : نعم
سند قرب منها ويمسك قرن شعرها ويلفه ولُجين تشوف لعيونه .
سند : الحوش معبي شباب ورجاله الأفضل يكون ملفوف هك .. وحك شعره وابتسم
لُجين بتوتر : أهه تمام حاضر
سند وبصوت واطي بينه وبين روحه بس وضح للُجين وهو يشوف لعيونها : يااا جمالك ❤‍🔥
لُجين بنفس طبقه صوته : شنو 🥺 ؟
ويسمعو صوت أسلام عالي : جدييي
سند : شفي وطلعو يجارو
--------------------------
( لُجين بشرتها حنطيه مايل للابيض .. عيونها سود وكبار والي يميزها غمازتها أخخخخ بعد تضحك تشق القلب شق وشعرها لعند خصرها وجسمها سمح سمح دبدوبه وقنينه يعني يشوفها حد يذوب فيها .. طرففف مزهه هكي يعني ألمهم ههي للروايه 🥺😂 )

- للكاتبه رغد محمد 💓 .
--------------------
الحاج خليفه نزل راسه على العاكوز : 500 ألفف بدال يقعدو أضعاف راحننن
الجده باشات : ينعلييي مبلغغ حتى هوو اهدا يحاج ربك قاعد .
الحاج صبى : يصيررر خير .. وشاف للعمار .. امتى مروح هوا ؟
عمار : اليومين هذين ءَنشالله

- صبى إلحاج خليفه وخش للداره والرجاله طلعو للمربوعه والصبايا فحاله صدمه ومش عارفين شن حيصير فِ مُهند من الخليفه .
-----------------------------
أمنيه قاعده على الصالون ومحاطه ايديها على كتوف امها : ينعلييي ءَنشالله خيرر يربي مش ناقصين مشاكل
مروه : الي دارو هكي يدورو فالعيله ههذ
الجده والصبايا شافنلها بمعنى كيف !! .
مروه : محمد انقتل وشغلهم فمشاكل اخر فتره ومهند اتنصب عليه 500 ألف مش شويه في قصه وراه
الجده باشات: ينعلييي لو صاح كلامك حرب تنفتح علينا
أمنيه : مهي مفتوحه يشوشوو
--------------------
عند مؤيد قاعد مع صحابه .
احمد يحكي فمعاذ : يراجل كنك هكي افتح الموضوع طول مع هلك
معاذ : هلي ! يرا هلي تبيلهم نا مشعارف شندير البنت يبيها ولد خالها
أحمد : كيف صار مش هي تبيك !
معاذ : اها
احمد : خلاص عليش خايف
معاذ : للقاني خايف يرفيقي اختها خذاها ولد عمها وهي تبي واحد أخرى غصب
احمد استك : موضوعك معقد يراجل
معاذ تنهد : عارف والله عارف
مؤيد : عارف عدي عطي فيها كلمه ولو هلها مرضوش وغصبوها خوذها واعفس بيها
معاذ : انت منجدك !
مؤيد ضحك عجنب : لا نتحنط نا عمري بصرت فأمور هكِ ؟
معاذ : لا مستحيل مستحيل أخرى
مؤيد ولع دخانه واتكى: براحتك شوف روحك ...