عـائلة الـحاج خـليفه 💓 .
للكاتبه رغد محمد 💓 .
الحلقه التاسعه :
- الصبح الساعه 22 : 9 ص
ناضو كلهممم الشباب كل حد ع شغله وفاطمه دير فالغداء وامنيه والبنات يضمن لان جمعه والخدم مش قعدات المهم روحو الشباب عشان الغداء فالصاله :
جيهان بصوت عالي : مش هكي امس ذل ع العشاء وتوا الغداء
فاطمه : حيعليك يجيهان
جيهان : كنك
فاطمه جت يلاها تخوف فيها : رايحه تاكلي واجد حيييي
جيهان : وكني 🙉
فاطمه : حامل حامل
جيهان : لاااا وحقربي لاا 🙊
البنات : 😂🤣
جيانا : باهي خبرك مش طبيعي را
أمنيه : عادي را يبنات بالك بكتيريا
مرام : اها صاح ماما تعاني من البكتيريا بكلل
جيهان : نعنننن هلك ي فاطمه
فاطمه : عليش 😂
جيهان: شككتيني فروحي ينعلييي 😭 ... وبدت تبكي
لُجين : لاااا حرام عليكنن را مكسدات عليكك رااا وقسمبالله عنجد حامل منيننن 🤣 .
أمنيه: حييي تخيلن 😂😂
جيهان : ينعلييي حقيرات وصبت طلعت للسور برا 😭 .
لُجين : حرام عليكن يبنات .
فاطمه : والله عادي ديما نكسدو عليها
وخشو الشباب : السلام عليكم
البنات : عليكم السلام
فاطمه : قمعزو ههيا دقايق ويوتا
أياد : قصدك مازال
فاطمه ؛ اها جعان
أياد : لا نبي ندير حمام عسريع معناها
أمنيه : معناها نا وجيانا حنوتو السفره ... وهي تحكي مؤيد متكي وحاط كراع عكراع ويشوفلها ومبتسم 🥺 .
مُهاب شاف يمين يسار وبحت فِ جيانا : جيانا وين جيهان مختفيه
البنات : 😂
جيانا : حي البنات كسدن عليها طلعت تبكي
مُهاب صبى : مش منجدكن تبكيييي ؟؟؟
لُجين : والله قتلهن حرام عليكن كسدن
أسلام : بصارتهن بايخه را عرفكن وشاف لرماس وانتٍ يالعاقله شنو كسدتن 🤨
رماس : اول شي نا توا نزلت كنت مع أمير ثاني شي هن وشي مينقلش 🤣 .
اسلام استه فضحكتها : اهممم ... وصبى
فاطمه : وين ماشي انتَ
اسلام : بنشوف أمير
رماس : 🥺
جيانا طاحت ع الصالون : أمنيه عدي بروحك .
أمنيه : للقانك بردات باهي .. وعدت
-------------------------
- فالسور عند جيهان ومُهاب 🫣 .
جيهان قاعده ع طرف الحفه وتلعب بالورد جى مُهاب وقمعز يلاها ..
مُهاب : احمم احممم .
جيهان : مُهاب .. وابتسمت
مُهاب قعد يشوفلها : قلولي كنتي تبكي 🥺
جيهان : لا فوت بردات مكسدات عليا كنت جعانه وصكرن نيتي
مُهاب : اللهه انتٍ اصكرت
جيهان : والله تمام خطانيي 😭
مُهاب ضحك ومسك يديها : والله نبصر بس هن شن قللك بنفهم .
جيهان : قللي .. وسكتت
مُهاب : شنو ؟
جيهان : مينقلش مينقلش
مُهاب مسك يديها الاثنين وبصوت واطي : احكيلي نا مُهاب 🥺
جيهان : قللي انتٍ تاكلي واجد معناها حامل حقيرات وطبست راسها
مُهاب : 😳🤣
جيهان : كنك مش قتلك مكسدات عليااا
مُهاب : وليش زعلتي يعني كلامهن كذب منين حامل وكيف بطلي غباء 😂 .
جيهان : اووفف شكيت فروحي 🥺 .
مُهاب : مش منجدك منيننن حامل مثلا 🥲 .
جيهان : باهي تمام أصلا نا مضحكه مش هكي 😭 .
مُهاب كرها بسرعه وحضنها : عنشكلك باهييي تعالي كولي
جيهان : منبيش
مُهاب : متكليش منكلش باهي ؟
جيهان : باهي مازال صاح
مُهاب : اها مازال
جيهان : مُهاب انت تحب ؟
مُهاب قعد يشوفلها ومبتسم : نعشققق مش نحب
جيهان : يعوينها 🥺
مُهاب : ليش
جيهان : شاعر خيااللللي
مُهاب ابتسم
جيهان : شن فيها بيش حبيتها
مُهاب : أتاني هواها قبل أن أعرف الهوا ... تصادف قلبً فارغآ فتمكنت 🥺 .
جيهان : تجنننننن راك 🥺
مُهاب : لف جمتها وقرب .. وتجي فاطمه 😭 .
فاطمه. : هيااااا يجماعه
مُهاب : هيا هيا .. صبي يجيهوو
جيهان : يخطير دلع صار
مُهاب : مش ساهل 😉 .
أنت تقرأ
#عائله_الحاج_خليفه 💓 .
Rastgele#للكاتبه_رغد_محمد , قصه مشوقه وحقيقيه وخياله وفكاهيه ورومانسيه وأكشن 💓 . قصر واحد ، أسرار مدفونة ، وصراعات تُغيّر كل شيء في لحظة واحدة ، قد يتحول الحب إلى نزاع ، والثقة إلى خيانة ماذا سيحدث عندما ينكشف المستور؟ لأن الماضي لا يترك أحدًا دون حساب...
