عـائلة الـحاج خـليفه 💓 .
للكاتبه رغد محمد 💓 .
الحلقه ألسادسه :
- وأحمد كان مصبي قدام ألباب الي يخشي على الصاله وكان يسجل في مرام وهي تغني ويسمع صوت ..
محمد : أوي انتَ فيشدير هنا !! .
احمد مصدوم ومبرمش وحس روحه ازرط خلاص حط ع امه وبرم : أش يراجل نحكي مع امي
محمد : وكنك تحكي هنا ؟
أحمد : والله كنت جاي للحمام ورنت ميلت هنا
محمد قعد يشوفله ..
احمد : ههي نشوف الشباب .
محمد شير على الحمام : الحمام
احمد : ما راحت خلاص 😅 .
محمد : أههها باهي .. وخش للصاله ...
احمد : وووو مجاني غير محمد يرا 😮💨 .
----------------------
- في الصاله 🫶🏻 :
محمد خش مسك المخده وطلقها فِ مرام : انتِ صوتك مينبحش دعوا
مرام : اسماللهي كنك يمهزب مش ديما عاجبك جوي 😏 .
فاطمه : صاحح يمحمد شخطر عليك !
محمد : لا شي الاستاذ الي جايبه مؤيد لقيته قريب من باب الصاله اكيد سمعكن
مرام عدلت القعميزه : من ؟
محمد : احمد وبعدين شدخلك
مرام : احمد اها 😒
محمد : اهااا تعرفيه يالسنيوره 🤨 .
جيهان : ييييييييي عليك يراجل اطلع برا
محمد : وعليش نطلع
جيانا : مبردك يمحمد قعدة بنات
محمد : عادي حنديرلكن جو
جيهان انفخت : تبي ترقصلنا
محمد : جيهان لسانكككك 😡
جيهان : مقلت تبي ديرلنا جو
ويصبي عليها محمد ويقعدو يجارو يمين ويسار 🏃🏻🏃🏼♀️
جيهان بصوت عالي : دهشتني عليبوكك
محمد عزق فيها مخده الصالون : لمي لسانك منجيش شورك يسخيفه
جيهان : باه باهه خطاااااننني
- وحي الصوت وصل للشباب فالمربوعه وعمك مؤيد تخزر فمُهاب وإياد صبو جاردين عليهن 😭 .
( حركات خوتي بعد يجو شباب نتتفس قتللل .. هي للروايه 😂 ) .
------------------------
خشو وشافو البنات يضاحكن ومحمد فجرت جيهان وهم عارفين ومتعودين ان جيهان ومحمد ناقر نقير 🥲 .
- عندكن منه الغلس الي فالعيله .. ههي للروايه 😂 .
أياد : يبنات الحرام الصوتتت
جيانا : لمم خوك بدال متعيط عروسنا .
أياد قعد يشوفله هي انتثرت من نظراته قلبت وجها .
مُهاب مصبي : محمد تعالي هنا را مؤيد حيقتل اليوم
جيهان جت تجري ورا مُهاب: متخليش يجي شوري يخوففف 😭
مُهاب حط يده ع كتفها : تمام خلاص تمام.. محمد كنك معاها
محمد : تقل فأدبها عليا وتقولي تعال ارقصلنا
مُهاب نفخ وبحت فيها : صاح ؟
جيهان : يكذب اصلا منظر الدب هذا وهو يرقص مايصير شي 🥺
مُهاب ماسك ضحكته : حنربيها نا امشي توا .
مُهاب خذا جيهان وطلع بيها السور وقمعزو .
----------------------
مُهاب قعد يشوفلها : كنك ديري هكي
جيهان : كني
مهاب : يعني معش تجي شوره حتى بصاره معش في معاه
جيهان : هو الي يجي شوري شنبي فيه نا
مُهاب : لالا سوا جا ولا مجش معش في حكاوي معاه
جيهان بدلع : وليش 🙁 .
مهاب : هك
جيهان بدت بتبكي : اصلا عارفه روحي مرات نقعد بايخه او ديما بايخه .
مهاب : لا مش بايخه انتٍ أجمل بنت شفتها عيني .
جيهان : بجد 🥺
مُهاب قعد يشوفلها شوي شوي ويجي عند الشامه ويبوسها 😩 .
جيهان معش عرفت شدير غمضت عيونها وهو بدا يبعد شوي بشوي .
مهاب : خليك هك سمحه فكلشي جيهان : 🥺
مهاب : ههي نصبو .. جيهان هزت راسها .
وخشو واحد خش المربوعه وهي خشت للصاله وكانت كيف المستوها 🥺😂 .
----------------------
حنسرع شويه الأحداث ع أبطالنا
تعشو واحمد روح وكل حد خش داره وكان هدوء عامممم للقصر ومتسمعي غير صوت النافوره الي برا بس 🤍 .
-----------------------
لُجين فالدار وقاعده على فونها ويجيها مسج تنطرت 😳
لُجين : مُستحيل لا
علي : لوجي شنجوك
لُجين : لا انتَ مش منجدك
علي : وليش ؟
لُجين : شتبي خلصني ؟؟؟
علي : نبيك يلوجي
لُجين تهزا : نبيك 😂 .
علي نفخ : مازالتي نفس مانتِ
لُجين : وليش نبي نتغير مثلا
علي : صاح درت كلشي وقح وحاولت نتواقح معاك بس
لُجين : بعد هذا كله في بس قصدك ؟
علي : لُجين نا نحبك ومفيش وحده كيفك وقسمبالله كلهن
لُجين : اسمعني نا مش بكيفك وقت متبيني تجيني ووقت تبي تبادلني بغيري تبدل
علي : انتٍ نفختي روحك خلاص تكبر
لُجين : من قالك دزلي اصلا ؟
علي : نا ولد حرام ندز لوحده كيفك
لُجين : اللههه والله ومتعلم الصدق ومعش تكذب دغري عارف روحك ولد حرام يعني
علي بانفعال : لُجينننننن
لُجين : عيل ودرتله بلوك 🚫
- وانخنقتتت بس مسكت روحها صبت خشت للحمام توضت وقعدت تصلي في قيام الليل :
لُجين سلمت ورفعت ايديها : ياربي منعرفش نرتب الدعاء ومنعرفش نطلع الي جواتي وانتَ عارف كلشي وعارف بشنو مريت وعارف اني تعبت .. شدرت غير اني حبيته وفنهايه نطلع لعبه مع حد كنت نحكي للناس كلها عليه ياريتني محكيتش لحد عليه ع الاقل يكون خيبه بيني وبين نفسي مقهوره وانتَ عارف كيف تراضيني " اللهم ما في اعماققق قلبي ❤🩹 "
-----------------------
أمنيه كانت تدوش : مانننن .
مؤيد : افتحي نبي الحمام
أمنيه : راجي معناها
مؤيد : أمنيه يرحم بوك بنرقد وراي شغل بكرا
أمنيه: شنبي نديرلك عندك حمام غادي .
مؤيد : الميه قاعده ع الساخن متبيش تغير
أمنيه: باههه
مؤيد : ههيا والله تعبان
أمنيه حست ان تعبان وحرام يراجي طلعت ولبست وشعرها يتقاطر فتحت الباب : ههي تفضل .. وقعدت تنشف فشعرها
مؤيد قعد منسند على الساس ويشوفلها شعرها نازللل لتحت ركبها ومبلول وهي تعاني فيه وتمسح مشالها وخذا منها المنشف وقعد ينشفلها
أمنيه قعدت تشوف لعيونه وهو يشوف لعيونها وينشفلها وقرب منها وهي توترت غمضت عيونها وهو يقرب ويسمع صوت باب انفتح وخرو وخش لحمام وهي خشت لدارها مبتسمه .
-------------------------
لُجين فتحت الباب ونزلت خشيت للمطبخ لقيت سند مقمعز ع الارض ويدخن ويشرب فشاهي خشت وقمعزت جنبه وهو قعد يشوفلها 🥺 .
لُجين ضحكت: اخخخ وجك غادي يبارد
سند ضحك : كنك واعيه.
لُجين : صارلي موضوع منحكيلك 😂
سند عدل قعميزته : يوليه احكيلي
لُجين ابتسمت : لا موضوع من زماننن مأثر فيا ونسيته واليوم انفتح أخرى ..
سند : اهممم احكيلي وبينا اكيد
لُجين حست تبي تحكيله .
سند : ههيا
لُجين بدت تحكي والعبره مسكتها : كان فحياتي حدد ... رفعت راسها فوق عشان دموعها وكملت
لُجين : وثقت فيه ومكنتش لازم نوثق فيه هو خلاني نتقزز حتى من روحي .. والخوف من اي حد ومش عارفه كيف حنغير الشعور ههذا
وطبست راسها ..
سند : لا تقدري تغيري وعندك الحل .. انتِ قلتي انك مدرتي شي يخليك تقززي بطريقه ثانيه ومدرتي شي يعيبك
لُجين : هزت راسها .
سند : لاكن قلتي ان هو الي خلاك تحسي بالشعور ههذا .
لُجين هزت راسها ودموعها نزلن : اها هو دار هكي وخلاص نحس بالشعور ههذا من وقتها لحد أليوم 💔 .
سند كرها وحضنها وقال بصوت واطييي لها : هذا هو الشخص الغلط الي يمر بيه اي انسان فعلاقاته يعني هذا غلط وتعلمي منه وديما في عوض من ربي
- وخرها وقعد يشوفلها وهي كذالك .
سند : وانتٍ مفيش كيفك ومعمري شفت .
لُجين : جت حضناته لان تريحت من كلمتين قالهن كأنها ترجا فيهن من زماننننن 🫂 .
-----------------------
- ثاني يومم فالصبح البنات والشباب وعو ااي عدا لشغله والي ضمن الحوش وهكذا وجا وقت الغداء يحناتي تغدو وفاطمه الي مسوياا منبيش نثقل فالمور هذين 😂 .
-----------------
البنات كانن فالصاله وسمعن صوت الشباب يتعايطو برا طلعن يجارن وقعدن يشوفن لبعضهن
البنات : مستحيل 😳
يتبع .....
أنت تقرأ
عائله الحاج خليفه 💓 .
Randomللكاتبه رغد محمد , قصه مشوقه وحقيقيه وخياله وفكاهيه ورومانسيه وأكشن 💓 .
